[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kurmapurana](https://indike.org/pramana/in.purana.kurma) › 2.6 # Kurmapurana 2.6: ṣaṣṭho'dhyāyaḥ Kūrmapurāṇa 2.6 - **Language:** Sanskrit ## Contents - [2.6.52](https://indike.org/pramana/in.purana.kurma.2.6.52) — 1 part ### ṣaṣṭho'dhyāyaḥ ### [2.6.1](https://indike.org/pramana/in.purana.kurma.2.6.1) īśvara uvāca śṛṇudhvamṛṣayaḥ sarve yathāvat parameṣṭhinaḥ / vakṣyāmīśasya māhātmyaṃ yattadvedavido viduḥ // ### [2.6.2](https://indike.org/pramana/in.purana.kurma.2.6.2) sarvalokaikanirmātā sarvalokaikarakṣitā / sarvalokaikasaṃhartā sarvātmāhaṃ sanātanaḥ // ### [2.6.3](https://indike.org/pramana/in.purana.kurma.2.6.3) sarveṣāmeva vastūnāmantaryāmī pitā hyaham / madhye cāntaḥ sthitaṃ sarvaṃ nāhaṃ sarvatra saṃsthitaḥ // ### [2.6.4](https://indike.org/pramana/in.purana.kurma.2.6.4) bhavadbhiradbhutaṃ dṛṣṭaṃ yatsvarūpaṃ tu māmakam / mamaiṣā hyupamā viprā māyayā darśitā mayā // ### [2.6.5](https://indike.org/pramana/in.purana.kurma.2.6.5) sarveṣāmeva bhāvānāmantarā samavasthitaḥ / prerayāmi jagat kṛtsnaṃ kriyāśāktiriyaṃ mama // ### [2.6.6](https://indike.org/pramana/in.purana.kurma.2.6.6) yayedaṃ ceṣṭate viśvaṃ tatsvabhāvānuvarti ca / so 'haṃ kālo jagat kṛtsnaṃ prerayāmi kalātmakam // ### [2.6.7](https://indike.org/pramana/in.purana.kurma.2.6.7) ekāṃśena jagat kṛtsnaṃ karomi munipuṅgavāḥ / saṃharāmyekarūpeṇa dvidhāvasthā mamaiva tu // ### [2.6.8](https://indike.org/pramana/in.purana.kurma.2.6.8) ādimadhyāntanirmukto māyātattvapravartakaḥ / kṣobhayāmi ca sargādau pradhānapuruṣāvubhau // ### [2.6.9](https://indike.org/pramana/in.purana.kurma.2.6.9) tābhyāṃ saṃjāyate viśvaṃ saṃyuktābhyāṃ parasparam / mahadādikrameṇaiva mama tejo vijṛmbhate // ### [2.6.10](https://indike.org/pramana/in.purana.kurma.2.6.10) yo hi sarvajagatsākṣī kālacakrapravartakaḥ / hiraṇyagarbho mārtaṇḍaḥ so 'pi maddehasaṃbhavaḥ // ### [2.6.11](https://indike.org/pramana/in.purana.kurma.2.6.11) tasmai divyaṃ svamaiśvaryaṃ jñānayogaṃ sanātanam / dattavānātmajān vedān kalpādau caturo dvijāḥ // ### [2.6.12](https://indike.org/pramana/in.purana.kurma.2.6.12) sa manniyogato devo brahmā madbhāvabhāvitaḥ / divyaṃ tanmāmakaiśvaryaṃ sarvadā vahati svayam // ### [2.6.13](https://indike.org/pramana/in.purana.kurma.2.6.13) sa sarvalokanirmātā manniyogena sarvavit / bhūtvā caturmukhaḥ sargaṃ sṛjatyevātmasaṃbhavaḥ // ### [2.6.14](https://indike.org/pramana/in.purana.kurma.2.6.14) yo 'pi nārāyaṇo 'nanto lokānāṃ prabhavāvyayaḥ / mamaiva paramā mūrtiḥ karoti paripālanam // ### [2.6.15](https://indike.org/pramana/in.purana.kurma.2.6.15) yo 'ntakaḥ sarvabhūtānāṃ rudraḥ kālātmakaḥ prabhuḥ / madājñayāsau satataṃ saṃhariṣyati me tanuḥ // ### [2.6.16](https://indike.org/pramana/in.purana.kurma.2.6.16) havyaṃ vahati devānāṃ kavyaṃ kavyāśināmapi / pākaṃ ca kurute vahniḥ so 'pi macchakticoditaḥ // ### [2.6.17](https://indike.org/pramana/in.purana.kurma.2.6.17) bhuktamāhārajātaṃ ca pacate tadaharniśam / vaiśvānaro 'gnirbhagavānīśvarasya niyogataḥ // ### [2.6.18](https://indike.org/pramana/in.purana.kurma.2.6.18) yo 'pi sarvāmbhasāṃ yonirvaruṇo devapuṅgavaḥ / so 'pi saṃjīvayet kṛtsnamīśasyaiva niyogataḥ // ### [2.6.19](https://indike.org/pramana/in.purana.kurma.2.6.19) yo 'ntastiṣṭhati bhūtānāṃ bahirdevaḥ prabhañjanaḥ / madājñayāsau bhūtānāṃ śarīrāṇi bibharti hi // ### [2.6.20](https://indike.org/pramana/in.purana.kurma.2.6.20) yo 'pi saṃjīvano nṝṇāṃ devānāmamṛtākaraḥ / somaḥ sa manniyogena coditaḥ kila vartate // ### [2.6.21](https://indike.org/pramana/in.purana.kurma.2.6.21) yaḥ svabhāsā jagat kṛtsnaṃ prakāśayati sarvadā / sūryo vṛṣṭiṃ vitanute śāstreṇaiva svayaṃbhuvaḥ // ### [2.6.22](https://indike.org/pramana/in.purana.kurma.2.6.22) yo 'pyaśeṣajagacchāstā śakraḥ sarvāmareśvaraḥ / yajvanāṃ phalado devo vartate 'sau madājñayā // ### [2.6.23](https://indike.org/pramana/in.purana.kurma.2.6.23) yaḥ praśāstā hyasādhūnāṃ vartate niyamādiha / yamo vaivasvato devo devadevaniyogataḥ // ### [2.6.24](https://indike.org/pramana/in.purana.kurma.2.6.24) yo 'pi sarvadhanādhyakṣo dhanānāṃ saṃpradāyakaḥ / so 'pīśvaraniyogena kubero vartate sadā // ### [2.6.25](https://indike.org/pramana/in.purana.kurma.2.6.25) yaḥ sarvarakṣasāṃ nāthastāmasānāṃ phalapradaḥ / manniyogādasau devo vartate nirṛtiḥ sadā // ### [2.6.26](https://indike.org/pramana/in.purana.kurma.2.6.26) vetālagaṇabhūtānāṃ svāmī bhogaphalapradaḥ / īśānaḥ kila bhaktānāṃ so 'pi tiṣṭhanmamājñayā // ### [2.6.27](https://indike.org/pramana/in.purana.kurma.2.6.27) yo vāmadevo 'ṅgirasaḥ śiṣyo rudragaṇāgraṇīḥ / rakṣako yogināṃ nityaṃ vartate 'sau madājñayā // ### [2.6.28](https://indike.org/pramana/in.purana.kurma.2.6.28) yaśca sarvajagatpūjyo vartate vighnakārakaḥ / vināyako dharmanetā so 'pi madvacanāt kila // ### [2.6.29](https://indike.org/pramana/in.purana.kurma.2.6.29) yo 'pi brahmavidāṃ śreṣṭho devasenāpatiḥ prabhuḥ / skando 'sau vartate nityaṃ svayaṃbhūrvidhicoditaḥ // ### [2.6.30](https://indike.org/pramana/in.purana.kurma.2.6.30) ye ca prajānāṃ patayo marīcyādyā maharṣayaḥ / sṛjanti vividhaṃ lokaṃ parasyaiva niyogataḥ // ### [2.6.31](https://indike.org/pramana/in.purana.kurma.2.6.31) yā ca śrīḥ sarvabhūtānāṃ dadāti vipulāṃ śriyam / patnī nārāyaṇasyāsau vartate madanugrahāt // ### [2.6.32](https://indike.org/pramana/in.purana.kurma.2.6.32) vācaṃ dadāti vipulāṃ yā ca devī sarasvatī / sāpīśvaraniyogena coditā saṃpravartate // ### [2.6.33](https://indike.org/pramana/in.purana.kurma.2.6.33) yāśeṣapuruṣān ghorānnarakāt tārayiṣyati / sāvitrī saṃsmṛtā devī devājñānuvidhāyinī // ### [2.6.34](https://indike.org/pramana/in.purana.kurma.2.6.34) pārvatī paramā devī brahmavidyāpradāyinī / yāpi dhyātā viśeṣeṇa sāpi madvacanānugā // ### [2.6.35](https://indike.org/pramana/in.purana.kurma.2.6.35) yo 'nantamahimānantaḥ śeṣo 'śeṣāmaraprabhuḥ / dadhāti śirasā lokaṃ so 'pi devaniyogataḥ // ### [2.6.36](https://indike.org/pramana/in.purana.kurma.2.6.36) yo 'gniḥ saṃvartako nityaṃ vaḍavārūpasaṃsthitaḥ / pibatyakhilamambhodhimīśvarasya niyogataḥ // ### [2.6.37](https://indike.org/pramana/in.purana.kurma.2.6.37) ye caturdaśa loke 'smin manavaḥ prathitaujasaḥ / pālayanti prajāḥ sarvāste 'pi tasya niyogataḥ // ### [2.6.38](https://indike.org/pramana/in.purana.kurma.2.6.38) ādityā vasavo rudrā marutaśca tathāśvinau / anyāśca devatāḥ sarvā macchāstreṇaiva dhiṣṭhitāḥ // ### [2.6.39](https://indike.org/pramana/in.purana.kurma.2.6.39) gandharvā garuḍā ṛkṣāḥ siddhāḥ sādhyāścacāraṇāḥ / yakṣarakṣaḥ piśācāśca sthitāḥ śāstre svayaṃbhuvaḥ // ### [2.6.40](https://indike.org/pramana/in.purana.kurma.2.6.40) kalākāṣṭhānimeṣāśca muhūrtā divasāḥ kṣapāḥ / ṛtavaḥ pakṣamāsāśca sthitāḥ śāstre prajāpateḥ // ### [2.6.41](https://indike.org/pramana/in.purana.kurma.2.6.41) yugamanvantarāṇyeva mama tiṣṭhanti śāsane / parāścaiva parārdhāśca kālabhedāstathā pare // ### [2.6.42](https://indike.org/pramana/in.purana.kurma.2.6.42) caturvidhāni bhūtāni sthāvarāṇi carāṇi ca / niyogādeva vartante devasya paramātmanaḥ // ### [2.6.43](https://indike.org/pramana/in.purana.kurma.2.6.43) pātālāni ca sarvāṇi bhuvanāni ca śāsanāt / brahmāṇḍāni ca vartante sarvāṇyeva svayaṃbhuvaḥ // ### [2.6.44](https://indike.org/pramana/in.purana.kurma.2.6.44) atītānyapyasaṃkhyāni brahmāṇḍāni mamājñayā / pravṛttāni padārthaughaiḥ sahitāni samantataḥ // ### [2.6.45](https://indike.org/pramana/in.purana.kurma.2.6.45) brahmāṇḍāni bhaviṣyanti saha vastubhirātmagaiḥ / vahiṣyanti sadaivājñāṃ parasya paramātmanaḥ // ### [2.6.46](https://indike.org/pramana/in.purana.kurma.2.6.46) bhūmirāpo 'nalo vāyuḥ khaṃ mano buddhireva ca / bhūtādirādiprakṛtirniyoge mama vartate // ### [2.6.47](https://indike.org/pramana/in.purana.kurma.2.6.47) yāśeṣajagatāṃ yonirmohinī sarvadehinām / māyā vivartate nityaṃ sāpīśvaraniyogataḥ // ### [2.6.48](https://indike.org/pramana/in.purana.kurma.2.6.48) yo vai dehabhṛtāṃ devaḥ puruṣaḥ paṭhyate paraḥ / ātmāsau vartate nityamīśvarasya niyogataḥ // ### [2.6.49](https://indike.org/pramana/in.purana.kurma.2.6.49) vidhūya mohakalilaṃ yayā paśyati tat padam / sāpi vidyā maheśasya niyogavaśavartinī // ### [2.6.50](https://indike.org/pramana/in.purana.kurma.2.6.50) bahunātra kimuktena mama śaktyātmakaṃ jagat / mayaiva preryate kṛtsnaṃ mayyeva pralayaṃ vrajet // ### [2.6.51](https://indike.org/pramana/in.purana.kurma.2.6.51) ahaṃ hi bhagavānīśaḥ svayaṃ jyotiḥ sanātanaḥ / paramātmā paraṃ brahma matto hyanyanna vidyate // ### [2.6.52](https://indike.org/pramana/in.purana.kurma.2.6.52) ityetat paramaṃ jñānaṃ yuṣmākaṃ kathitaṃ mayā / jñātvā vimucyate janturjanmasaṃsārabandhanāt // ### [2.6.52.p1](https://indike.org/pramana/in.purana.kurma.2.6.52.p1) iti śrīkūrmapurāṇe ṣaṭsāhastryāṃ saṃhitāyāmuparivibhāge (īśvaragītāsu) ṣaṣṭho 'dhyāyaḥ ## Linked texts (1) - [Liṅgapurāṇa](https://indike.org/pramana/in.purana.linga.2.10.25) — Vyāsa, Sanskrit --- Source: [https://indike.org/pramana/in.purana.kurma.2.6](https://indike.org/pramana/in.purana.kurma.2.6) · Pramāṇa