Pramāṇa · Search · About · API

Kurmapurana (Ananta Gokhale) 22

Kūrmapurāṇa (Ananta Gokhale) 22

Language
Sanskrit

22.p1

catustriṃśo'dhyāyaḥ | sūta uvāca | uṣitvā tatra bhagavān kaparddrīśāntike punaḥ | yayau draṣṭuṃ madhyamegaṃ bahuvarṣagaṇānprabhuḥ || tatra mandākinīṃ puṇyāmṛṣisaṅghaniṣevitām | nadīṃ vimalapanīyāṃ dṛṣṭvā hṛṣṭo'bhavanmuniḥ || sa tāmanvīkṣya munibhiḥ saha dvaipāyanaḥ prabhuḥ | cakāra bhāvapūtātmā snānaṃ snānavidhānavit || santarpya vidhivaddevānṛṣīn pitṛgaṇāṃstathā†

22.p2

madhyameśvaramīśānamarcayāmāsa śūlinam || tataḥ pāśupatāḥ śāntā bhasmoddhūlitavigrahāḥ | draṣṭuṃ samāgatā rudraṃ madhyameśvaramīśvaram || oṅkārāsaktamanaso vedādhyayanatatparāḥ | jaṭilā muṇḍitāścāpi śuddha yajñopavītinaḥ || kaupīnavasanāḥ kecidapare cāpyavāsasaḥ† | brahmacaryaratāḥ śāntā dāntā vai jñānatatparāḥ‡ || dṛṣṭvā dvaipāyanaṃ viprāḥ śiṣyaiḥ parivṛtaṃ munim | pūjayitvā yathānyāyamidaṃ vacanamabruvan || kobhavān kuta āyātataḥ saha śiṣyairmahāmune | procuḥ pailādayaḥ§ śiṣyāstānṛṣīnsaṃbhāvitān || ayaṃ satyavatīsūnuḥ kṛṣṇadvaipāyanaḥ prabhuḥ¶ | vyāsaḥ svayaṃ hṛṣīkeśo yena vedāḥ pṛthakkṛtāḥ || yasya devo mahādevaḥ sākṣāddevaḥ pinākadhṛk | aṃśāṃśenābhavatputro nāmnā śuka iti prabhuḥ || yo vai|| sākṣānmahādevaṃ sarvvabhāvena śaṅkaram

22.p3

prapannaḥ parayā bhaktyā yasya tajjñānamaiśvaram || tataḥ pāśupatāḥ sarve te ca hṛṣṭatanūruhāḥ | ūcur†vyagramanaso vyāsaṃ‡ satyavatīsutam || bhagavan bhavatā jñātaṃ vijñānaṃ parameṣṭhinaḥ | prasādāddevadevasya yattanmāheśvaraṃ param§ || tadvadāsmākamavyagraṃ¶ rahasyaṃ guhyamuttamam | kṣipraṃ paśyema taṃ devaṃ śrutvā bhagavato mukhāt || visarjayitvā|| tāñchiṣyān sumantupramukhāṃstadā | provāca tatparaṃ jñānaṃ yogibhyo†† yogavittamaḥ || tattakṣaṇādeva vimalaṃ sambhūtaṃ jyotiruttamam | līnāstatraiva te viprāḥ kṣaṇādantaradhīyata || tataḥ śiṣyān samāhṛtya‡‡ bhagavān brahmavittamaḥ§§

22.p4

provāca madhyame śasyamāhātmyaṃ pailapūrvvakān || asmin sthāne svayaṃ devo devyā saha maheśvaraḥ | ramate bhagavānnityaṃ rudraiśca parivāritaḥ || atra pūrvvaṃ hṛṣīkeśo viśvātmā devakīsutaḥ | uvāsa vatsaraṃ kṛṣṇaḥ sadā pāśupatairrvṛtaḥ || bhasmoddhūlitasarvāṅgo rudrārādhanatatparaḥ† | ārādhayan hariḥ śambhuṃ kṛtvā pāśupataṃ vratam || tasya vai‡ bahavaḥ śiṣyā brahmacaryyaparāyaṇāḥ | labdhvā tadvacanāt§ jñānaṃ dṛṣṭavanto maheśvaram || tasya devo mahādevaḥ pratyakṣaṃ nīlalohitaḥ | dadau kṛṣṇasya bhagavānvarado varamuttamam || ye'rcayiṣyanti govindaṃ madbhaktā vidhipūrvvakam | teṣāṃ tadaiśvaraṃ jñānamutpatsyati¶ jaganmaya || tvamīśo||'rcayitavyaśca dhyātavyo matparairjanaiḥ | bhaviṣyasi na sandeho matprasādāddvijātibhiḥ††

22.p5

ye ca drakṣyanti deveśaṃ dhyātvā devaṃ† pinākinam | brahmahatyādikaṃ pāpaṃ teṣāmāśu vinaśyati || prāṇāṃstyajanti ye viprāḥ‡ pāpakarmaratā api | te yānti paramaṃ§ sthānaṃ nātra kāryyā vicāraṇā¶ || dhanyāstvadyantu te|| viprā mandākinyāṃ kṛtodakāḥ | arcayanti mahādevaṃ madhyameśvaramuttamam || snānaṃ dānaṃ tapaḥ śrāddhaṃ piṇḍanirvvapaṇantviha | ekaikaśaḥ kṛtaṃ viprāḥ punātyāsaptamaṃ kulam || sannihatyāmupaspṛśya rāhugraste divākare | yatphalaṃ labhate martyastasmāddaśaguṇantviha || evamuktvā mahāyogī madhyameṇāntika prabhūḥ | uvāsa suciraṅgālaṃ pūjayanvai maheśvaram

22.p6

iti śrīkūrmapurāṇe vārāṇasīmāhātmye catustriṃśo'dhyāyaḥ

Linked texts (5)