Kurmapurana (Ananta Gokhale) 26.p2
Kūrmapurāṇa (Ananta Gokhale) 26.p2
- Language
- Sanskrit
26.p2
mārkaṇḍeya uvāca | tapanasya sutā devī triṣu lokeṣu viśrutā | samāgatā mahābhāgā yamunā yatra nimnagā || yenaiva niḥsṛtā gaṅgā tenaiva yamunā gatā | yojanānāṃ sahasreṣu kīrttanātpāpanāśinī || tatra snātvā ca pītvā ca yamunā yatra nimnagā | sarvvapāpavinirmuktaḥ punātyā saptamaṃ kulam || prāṇāṃstyajati yastatra sa yāti paramāṃ gatim | agnitīrthamiti khyātaṃ yamunādakṣiṇe taṭe || paścime dharmarājasya tīrthantvanarakaṃ smṛtam | tatra snātvā divaṃ yānti ye mṛtāste'punarbhavāḥ || kṛṣṇapakṣe caturddaśyāṃ snātvā santarpya vai śuciḥ | dharmarājaṃ mahāpāpairmucyate nātra saṃśayaḥ || daśatīrthasahasrāṇi daśa†koṭyastathāparāḥ | prayāgasaṃsthitāni syurevamāhurmanīṣiṇaḥ || tisraḥ koṭyo'rddhakoṭiśca tīrthānāṃ vāyurabravīt | divi bhūmyantarīkṣe ca tatsarvvaṃ jāhnavī smṛtā || yatra gaṅgā mahābhāgā sa deśastattapovanam
Linked texts (8)
- Kūrmapurāṇa — Ativīrarāma Pāṇṭiyar, Sanskrit
- Padmapurāṇa — Vyāsa, Sanskrit
- Matsyapurāṇa — Vyāsa, Sanskrit
- Kūrmapurāṇa — Vyāsa, Sanskrit
- Matsya — Sanskrit
- Brāhmī Saṃhitā — Sanskrit
- Tristhalīsetu (Nārāyaṇa) — Nārāyaṇa (Mahiṣamaṅgalam) 1513, Sanskrit
- Tīrthakāṇḍa — Lakṣmīdhara, Sanskrit