Kurmapurana (Ananta Gokhale) 40

Kūrmapurāṇa (Ananta Gokhale) 40

Language: Sanskrit

ṛṣaya ūcuḥ | niṣkalonirmalo nityo niṣkriyaḥ parameśvaraḥ | tato vada mahādeva viśvarūpaḥ kathaṃ bhavān || īśvara uvāca | nāhaṃ viśvo na viśvañca māmṛte vidyate dvijāḥ | māyā nimittamātrāsti sā cātmani mayā śritā || anādinidhanā śaktirmāyā vyaktisamāśrayā† | tannimittaḥ prapañco'yamavyaktājjāyate khalu‡ | avyaktaṃ kāraṇaṃ prāhurānandaṃ jyotirakṣaram || ahameva paraṃ brahma mattohyanyanna§ vidyate | tasmānme viśvarūpatvaṃ niścitaṃ brahmavādibhiḥ || ekatve ca pṛthaktve ca¶ proktametannidarśanam | ahaṃ tatparamaṃ brahma paramātmā sanātanaḥ || akāraṇaṃ dvijāḥ proktā na doṣohyātmanastathā

40.p3

anantāḥ śaktayo'vyaktā māyayā saṃsthitā dhruvāḥ | tasmindivisthitaṃ nityamavyaktaṃ bhāti kevalam || abhinnaṃ vacyate bhinnaṃ brahmāvyaktaṃ sanātanam† | ekayā māyayā yuktamanādinidhanaṃ dhruvam || puṃso'nyābhūdyathā bhūtiranyayā na tirohitam‡ | anādimadhyantiṣṭhantaṃ ceṣṭate vidyayā kila || tadetatparamavyaktaṃ prabhāmaṇḍalamaṇḍitam | tadakṣaraṃ paraṃ jyotistadviṣṇoḥ paramaṃ padam || tatra sarvvamidaṃ protamotaṃ caivākhilaṃ jagat | tadevedaṃ§ jagatkṛtsnaṃ tadvijñāya vimucyate || yatovāco nivatrttante aprāpya manasā saha | ānandaṃ brahmaṇo vidvān bibheti na kutañcana¶ || vedāhametaṃ puruṣaṃ mahāntamādityavarṇaṃ puruṣaṃ purastāt

40.p4

taṃ vijñāya vimucyeta vidvānnityānandī bhavati brahmabhūtaḥ || asmātparaṃ nāparamasti kiñcidyajjyotiṣāṃ jyotirekaṃ divistham† | taddevātmānaṃ manyamāno'tha vidvānātmānandī bhavati brahmabhūtaḥ || tadapyahaṃ‡ kalilaṃ gūr̤hadehaṃ brahmānandamamṛtaṃ viśvadhāmā§ | vadantyevaṃ brāhmaṇā brahmaniṣṭhāyatra gatvā na nivatrttata bhūyaḥ || hiraṇmaye paramākāśatattve yadvai divi¶ vipratibhātīva tejaḥ | tadvijñāne|| paripaśyanti dhīrāvibhrājamānaṃ vimalaṃ vyomadhāma

40.p5

tataḥ parampaśyanti dhīrāścātmanyātmānamanubhūya sākṣāt† | svayaṃ prabhuḥ parameṣṭhī mahīyān brahmānandī bhagavānnīśa‡ eṣaḥ || ekodevaḥ sarvvabhūteṣu gūr̤haḥ sarvvavyāpī sarvvabhūtāntarātmā | tamevaikaṃ ye'nupaśyanti dhīrāsteṣāṃ śāntiḥ śāśvatī netareṣām || sarvvāinaśirogrīvaḥ sarvvabhūtaguhāśayaḥ | sarvvavyāpī sa bhagavāṃstasmādanyanna vidyate || ityetadīśvarajñānamuktaṃ vo munipuṅgavāḥ | gopanīyaṃ viśeṣeṇa yogināmapi durlabham

40.p6

iti śrīkūrmmapurāṇe īśvaragītāsu navamo'dhyāyaḥ

Linked texts (2)

Kūrmapurāṇa — Ativīrarāma Pāṇṭiyar, Sanskrit
Kūrmapurāṇa — Vyāsa, Sanskrit