Kurmapurana (Ananta Gokhale) 41
Kūrmapurāṇa (Ananta Gokhale) 41
- Language
- Sanskrit
41.p1
daśamo'dhyāyaḥ
41.p2
īśvara uvāca | aliṅgamekamavyaktaliṅgaṃ brahmeti niścitam | svayañjyotiḥ parantattvaṃ pūrvvaṃ vyomni vyavasthitam || avyaktaṃ kāraṇaṃ yattadakṣaraṃ paramaṃ padam | nirguṇaṃ siddhi†vijñānaṃ tadvai paśyanti sūrayaḥ || tannaṣṭasvāntasaṅkalpā‡ nityaṃ tadbhāvabhāvitāḥ | paśyanti tatparaṃ brahma yattalliṅgamiti śrutiḥ || anyathā na hi māṃ draṣṭuṃ śakyaṃ vai munipuṅgavāḥ | na hi tadvidyate jñānaṃ yena tajjñāyate§ param || etattatparamaṃ sthānaṃ¶ kevalaṃ kavayo viduḥ | ajñānatimiraṃ|| jñānaṃ yasmānmāyāmayaṃ jagat || yajjñānaṃ nirmalaṃ śuddhaṃ nirvikalpanirañjanam††
41.p3
mamātmāsau tadvaivena miti prāhurvipaścitaḥ || ye'pyanekaṃ prapaśyanti tatparaṃ paramaṃ padam | āśritāḥ paramānniṣṭhāṃ buddhaikyaṃ† tattvamavyayam || ye punaḥ parantattvamekaṃ vānekamauśvaram | bhaktā‡ māṃ samprapaśyanti vijñeyāste tadātmakāḥ || sākṣāddevaṃ§ prapaśyanti svātmānaṃ parameśvaram | nityānandaṃ nirvvikalpaṃ satyarūpamiti sthitiḥ || bhajante paramānandaṃ sarvvagaṃ jagadātmakam¶ | svātmanyavasthitāḥ śāntāḥ pare vyaktāparasya|| tu || eṣā vimuktiḥ paramā mama sāyujyamuttamam | nirvāṇaṃ brahmaṇā caikyaṃ kaivalyaṃ kavayo viduḥ || tasmādanādimadhyāntaṃ vasvekaṃ paramaṃ śivam | sa īśvaro mahādevastaṃ vijñāya pramucyate || na tatra sūryyaḥ pratibhātīha candro nakṣatrāṇāṃ gaṇo†† nota vidyut
41.p4
tadbhāsitaṃ hyakhilabhāti viśvamatīva bhāsamamalantadvibhāti || viśvoditanniṣkalaṃta nirvvikalpaṃ śuddhaṃ vṛhatparamaṃ‡ yadvibhāti | atrāntare brahmavido'tha nityaṃ paśyanti tattvamacalaṃ yatsa īśaḥ || nityānandamamṛtaṃ satyarūpaṃ śuddhaṃ vadanti puruṣaṃ sarvvavedāḥ | prāṇāniti§ praṇaveneṣitāraṃ dhyāyanti vedairiti niścitārthāḥ¶ || na bhūmirāpo na mano na vahniḥ prāṇo'nilo gaganaṃ nota buddhiḥ | na cetano'nyatparamākāśamadhye vibhāti devaḥ śiva eva kevalaḥ || ityetaduktaṃ paramaṃ rahasyaṃ jñānañcedaṃ|| sarvvavedeṣu gītam
41.p5
jānāti yogī vijane'tha deśe yuñjīta yogaṃ prayato hyajasram
41.p6
iti śrīkūrmapurāṇe īśvaragītāsu daśamo'dhyāyaḥ
Linked texts (2)
- Kūrmapurāṇa — Ativīrarāma Pāṇṭiyar, Sanskrit
- Kūrmapurāṇa — Vyāsa, Sanskrit