Pramāṇa · Search · About · API

Kurmapurana (Ananta Gokhale) 45: athāgamya gṛhaṃ vipraḥ samācamya yathāvidhi

Kūrmapurāṇa (Ananta Gokhale) 45

Language
Sanskrit

athāgamya gṛhaṃ vipraḥ samācamya yathāvidhi

45.p1

aṣṭādaśo'dhyāyaḥ

45.p2

ṛṣayaḥ ūcuḥ| ahanyahani karttavyaṃ brāhmaṇānāṃ mahāmune| tadācakṣvākhilaṃ karma yena mucyeta bandhanāt|| byāsa uvāca| vakṣye samāhitā yūyaṃ śṛṇudhvaṅgadato mama| ahanyahani karttavyaṃ brāhmaṇānāṃ kramādvidhiḥ†|| brāhme muhūrtte tūtthāya dharmamarthañca cintayet| kāyakleśañca yanmūlaṃ‡ dhyāyeta manaseśvaram|| uṣākāle§'tha samprāpte kṛtvā cāvaśyakaṃ budhaḥ| snāyānnadīṣu śuddhāsu śaucaṅkṛtvā yathāvidhi|| prātaḥsnānena pūyante ye'pi pāpakṛtā janāḥ| tasmātsarvvaprayatnena prātaḥsnānaṃ samācaret|| prātasnānaṃ praśaṃsanti dṛṣṭādṛṣṭakaraṃ hi tat¶| ṛṣīṇāmṛṣitā nityaṃ prātaḥsnānānna saṃśayaḥ

45.p3

mukhe suptasya satataṃ lālā yāḥ saṃsravanti hi | tato naivācaretkarma akṛtvā snānamādimam || alakṣmīko jalaṃ kiñcit† duḥsvapnaṃ durvicintitam | prātaḥsnānena pāpāni pūyante nātra saṃśayaḥ || ataḥ‡ snānaṃ vinā puṃsāṃ pāpitvaṃ§ karmasu smṛtam | home japye viśeṣeṇa tasmātsnānaṃ samācaret || aśaktāvaśiraskaṃ vā snānamasya vidhīyate | ārdreṇa vāsasā vātha mārjjanaṃ pāvanaṃ¶ smṛtam || āyatye vai|| samutpanne snānameva samācaret | brāhmādīnāmathāśaktau snānānyāhurmanīṣiṇaḥ || brāhmamāgneyamuddiṣṭaṃ vāyavyaṃ divyameva ca | vāruṇaṃ yaugikaṃ yacca†† ṣor̤hā snānaṃ samāsataḥ‡‡ || brāhmantu mārjjanaṃ§§ mantraiḥ kuśaiḥ sodakavindubhiḥ

45.p4

āgneyaṃ bhasmanāpādamastakāddihadhūlanam || gavāṃ hi rajasā proktaṃ vāyavyaṃ snānamuttamam | yattat sātapavarṣeṇa snānaṃ taddivyamucyate || vāruṇañcāvagāhastu mānasaṃ svātmavedanam | yogināṃ† snānamākhyātaṃ yoge viśvādicintanam‡ || ātmatīrthamiti khyātaṃ sevitaṃ brahmavādibhiḥ | manaḥśuddhikaraṃ puṃsāṃ nityaṃ tatsnānamācaret || śaktaścedvāruṇaṃ vidvān prāyaścitte§ tathaiva ca || prakṣālya dantakāṣṭhaṃ vai bhakṣayitvā vidhānataḥ | ācamya prayato nityaṃ snānaṃ prātaḥ¶ samācaret || madhyāṅgulisamasthaulyaṃ dvādaśāṅgulasammitam | satvacaṃ dantakāṣṭhaṃ syāttadagreṇa tu dhāvayet || kṣīravṛkṣasamudbhūtaṃ mālatīsambhavaṃ śubham | apāmārgañca vilvañca karavīraṃ viśeṣataḥ || varjjayitvā ninditāni gṛhītvaikaṃ yathoditam | parihṛtya dinaṃ pāpaṃ bhakṣayedvai vidhānavit

45.p5

notpādayeddantakāṣṭhaṃ nāṅgulyagreṇa dhārayet† | prakṣālya bhaṃktvā tajjahyācchucau deśe samāhitaḥ || snātvā santarppayeddevānṛṣīn pitṛgaṇāṃstathā | ācamya mantravinnityaṃ‡ punarācamya vāgyataḥ || sammārjjya mantrairātmānaṃ kuśaiḥ sodakavindubhiḥ | āpo hiṣṭhāvyāhṛtibhiḥ sāvitryā vāruṇaiḥ śubhaiḥ || oṅkāravyāhṛtiyutāṃ gāyatrīṃ vedamātaram§ | japtvā jalāñjaliṃ dadyādbhāskaraṃ prati tanmanāḥ || prākkūleṣu tataḥ sthitvā¶ darbheṣu susamāhitaḥ | prāṇāyāmatrayaṃṅkṛtvā dhyāyetsandhyāmiti smṛtiḥ|| || yā ca sandhyā jagatsūtirmāyātītā hi niṣkalā | aiśvarī kevalā†† śaktistattvatrayasamudbhavā || dhyātvārkamaṇḍalagatāṃ sāvitrīṃ vai japedbudhaḥ | prāṅmukhaḥ satataṃ vipraḥ sandhyopāsanamācaret || sandhyāhīno'śucirnityamanarhaḥ sarvvakarmasu | yadanyatkurute kiñcinna tasya phalamāpnuyāt || ananyacetasaḥ śāntā brāhmaṇā vedapāragāḥ | upāsya vidhivatsandhyāṃ prāptāḥ pūrvve'parāṃ gatim

45.p6

yo'nyatra kurute yatnaṃ dharmakārye dvijottamaḥ | vihāya sandhyāpraṇatiṃ sa yāti narakāyutam || tasmātsarvvaprayatnena sandhyopāsanamācaret | upāsito bhavettena devo yomatanuḥ paraḥ || sahasraparamāṃ nityaṃ śatamadhyāṃ daśāvarām | sāvitrīṃ vai tapedvidvān prāṅmukhaḥ prayataḥ sthitaḥ || athopaniṣṭhedādityamudayantaṃ samāhitaḥ | mantraistu vividhaiḥ sauraiḥ ṛgyajuḥsāmasambhavaiḥ || upasthāya mahāyogaṃ devadevaṃ divākaram | kurvvīta praṇatiṃ bhūmau mūrddhā tenaiva manvataḥ || oṅkhakholkāya† śāntāya kāraṇatrayahetave | nivedayāmi cātmānaṃ namaste viśvarūpiṇe‡ || namaste ghṛṇine tubhyaṃ sūryyāya brahmarūpiṇe | § tvameva brahma paramamāpojyotīraso'mṛtam | bhūrbhuvaḥ svastvamoṅkāraḥ śarvvo rudraḥ sanātanaḥ || puruṣaḥ sanmaho'ntasthaṃ praṇamāmi kapardinam | tvameva viśvambahudhā jātaṃ yajjāyate|| ca yat || namo rudrāya sūryyāya tvāmahaṃ śaraṇaṃ gataḥ | pracetase namastubhyaṃ namo mīḍhuṣṭamāya ca

45.p7

namo namaste rudrāya tvāmahaṃ śaraṇaṅgataḥ | hiraṇyavāhave tubhyaṃ hiraṇyapataye namaḥ || ambikāpataye tubhyamumāyāḥ pataye namaḥ namo'stu nīlagrīvāya namastubhyaṃ pinākine || vilohitāya bhargāya sahasrākṣāya te namaḥ | tamo'pahnāya te† nityamādityāya namo'stu te || namaste vajra‡hastāya tryambakāya namo namaḥ | prapadye tvāṃ virūpākṣaṃ mahāntaṃ§ parameśvaram || hiraṇmaye gṛhe guptamātmānaṃ sarvvadehinām | namasyāmi paraṃ jyotirbrahmāṇantvāṃ parāmṛtam¶ || viśvaṃ paśupatiṃ bhīmaṃ naranārīśarīriṇam | namaḥ sūryyāya rudrāya bhāsvate parameṣṭhine || ugrāya sarvvatattvāya|| tvāṃ prapadye sadaiva hi | etadvai sūryyahṛdayaṃ japtvā stavamanuttamam || prātaḥkāle'tha madhyāhne namaskuryyāddivākaram | idaṃ putrāya śiṣyāya dhārmmikāya dvijātaye || pradeyaṃ sūryyahṛdayaṃ brahmaṇā tu pradarśitam | sarvvapāpapraśamanaṃ vedasārasamudbhavam

45.p8

brāhmaṇānāṃ hitaṃ puṇyamṛṣisaṅghairniṣevitam ||†

45.p9

prajvālya vahniṃ vidhivajjuhuyājjātavedasam || ṛtvik putro'tha patnī vā śiṣyo vāpi sahodaraḥ | prāpyānujñāṃ viśeṣeṇa hyadhvaryurvā yathāvidhi | pavitrapāṇiḥ pūtātmā śuklāmbaradharaḥ śuciḥ‡ | ananyamanasā nityaṃ§ juhuyātsaṃyatendriyaḥ || vinā darbheṇa yatkarma vinā sūtreṇa vā¶ punaḥ | rākṣasaṃ tadbhavetsarvvanāmutreha phalapradam || daivatāni namaskuryyādupahārānivedayet|| | dadyātpuṣpādikanteṣāṃ vṛddhāṃścaivābhivādayet || guruñcaivāpyupāsīta hitañcāsya samācaret | vedābhyāsantataḥ kuryyātprayatācchaktito dvijāḥ || japedadhyāpayecchiṣyāndhārayedvai†† vicārayet | avekṣetātha‡‡ śāstrāṇi dharmmādīni dvijottamāḥ || vaidikāṃścaiva nigamānvedāṅgāni ca sarvvaśaḥ§§ | upeyādīśvaraṃ vāpi¶¶ yogakṣemaprasiddhaye

45.p10

sādhayedvidhānarthān kuṭumbārthe dvijottamaḥ | tato madhyāhnasamaye snānārthaṃ mṛdamāharet || puṣpākṣatān kuśatilān gośakṛcchuddhameva vā† | nadīṣu devakhāteṣu tar̤āgeṣu saraḥsu ca | snānaṃ samācarennityaṃ gatrtaprasravaṇeṣu ca || parakīyanapāneṣu na snāyādvai kadācana | pañcapiṇḍānsamuddhṛtya snāyādāsambhave punaḥ || mṛdaikyā śiraḥ kṣālyaṃ dvābhyāṃ nābhestathopari | adhastu‡ tisṛbhiḥ kāyaḥ§ pādau ṣaḍbhistathaiva ca || mṛttikā ca samuddiṣṭā sārdrā¶malakamātrikā | gomayasya pramāṇantu tenāṅgaṃ lepayetpunaḥ || lepayitvā tīrasaṃsthaṃ†† talliṅgairaiva mantrataḥ‡‡ | prakṣālyācamya vidhivattataḥ snāyātsamāhitaḥ || abhimantrya jalaṃ mantraistalliṅgairvāruṇaiḥ śubhaiḥ | bhāvapūtastadvyaktaṃ dhārayedviṣṇu§§mavyayam || āpo nārāyaṇāṅbhūtāstā||¶ evāsyāyanaṃ punaḥ | tasmānnārāyaṇandeivaṃ snānakāle smaredbudhaḥ

45.p11

prekṣya soṅkāramādityaṃ trirnimajjejjalāśaye† | ācāntaḥ punarācāmet‡ mantreṇānena mantravit || antaścarasi bhūteṣu guhāyāṃ viśvatomukhaḥ | tvaṃ yajñastvaṃ vaṣaṭkāra āpo jyotī raso'mṛtam || drupadāṃ vā tribhyasyedvyāhṛtipraṇavānvitām | sāvitrīṃ vā japedvidvāṃstathā caivāghamarṣaṇam || tataḥ sammārjjanaṃ kāryyam§ āpo hiṣṭhā mayo bhuvaḥ | idamāpaḥ pravahatau vyāhṛtibhistathaiva ca || tathābhimantrya tattoyamāpo hiṣṭhādibhistrikaiḥ¶ | antarjalagatī magno japettriiraghamarṣaṇam || drupadāṃ|| vātha sāvitrīṃ tadviṣṇoḥ paramampadam | āvarttayecca praṇavaṃ devaṃ vā saṃsmareddharim || drupadādiva yo mantro yajurvede pratiṣṭhitaḥ | antarjale trirāvarttya sarvvapāpaiḥ pramucyate || apaḥ pāṇau samādāya japtyā vai mārjjane kṛte | vinyasya mūrddhina tattoyaṃ mucyate sarvvapātakaiḥ || yathāśvamedhaḥ kraturāṭ sarvvapāpāpanodanaḥ | tathāghamarṣaṇamproktaṃ†† sarvvapāpāpanodanam

45.p12

athopattiṣṭhedādityamūrddhaṃ puṣpākṣatānvitam | pracchinnālokayeddevamūrddhaṃ yastamasaḥ paraḥ† || udutyaṃ citramityete taccakṣuriti mantrataḥ | haṃsaḥ śuciṣadantena sāvitrīṃ saviśeṣataḥ‡ || anyaiśca vaidikairmantraiḥ sauraiḥ pāpapraṇāśanaiḥ | sāvitrīṃ vai japedyasmājjapayajñaḥ sa vai smṛtaḥ || vividhāni pavitrāṇi§ guhyavidyāstathaiva ca | śatarudrīyaṃ śirasaṃ saurānmantrāṃśca sarvvataḥ || prākkateṣu|| samāsīnaḥ kuśeṣu prāṅmukhaḥ śuciḥ | tiṣṭhaṃśca vīkṣamāṇo'rkaṃ japyaṃ kuryyātsamāhitaḥ || sphāṭikendrākṣaruprākṣaiḥ putrajīvasamudbhavaiḥ | karttavyā tvakṣamālā syāduttarāduttamā smṛtā†† || japakāle na bhāṣeta vyaṅgā na‡‡ prakṣayedbudhaḥ | na kampayecchiro grīvāṃ dantānnaiva prakāśayet || guhyakā rākṣasāḥ siddhā haranti prasabhāṃ yataḥ | ekānteṣu§§ śucau deśe tasmājjapyaṃ samācaret

45.p13

caṇḍālāśaucapatitān dṛṣṭvā caiva punarjapet | taireva bhāṣaṇaṃ kṛtvā snātvā caiva punarjapet† || ācamya prayato nityaṃ japedaśucidarśane | saurānmantrān bhaktito vai pāvamānīstu kāmataḥ || yadi syāt klinna‡vāsā vai vārimadhyaṃ gato'pi vā | anyathā tu śucau bhūmyāṃ darbheṣu susamāhitaḥ || pradakṣiṇa samāvṛtya namaskṛtya tataḥ citau | ācamya ca yathāśāstraṃ śaktyā' svādhyāyamācaret || tataḥ santarpayeddevānṛṣīn pitṛgaṇāṃstathā¶ | ādāvoṅkāramuccārya nāmānte|| tarpayāmi vaḥ || devān brahmaṛṣīṃścaiva tarpayedakṣatodakaiḥ | tilodakaiḥ pitṝn bhaktyā svasūtrokta††vidhānataḥ | ‡‡ devarṣīṃstarpayeddhīmānudakāñjalibhiḥ pitṝn || yajñopavītī devānāṃ nivītī ṛṣitarpaṇe | prācīnāvītī pitryeṇa§§ svena tīrthena bhāvitaḥ || niṣpīḍya snānavastrantu samācamya ca vāgyataḥ¶¶ | svairmantrairarcayeddevān puṣpaiḥ patrairathāmbubhiḥ

45.p14

brahmāṇaṃ śaṅkaraṃ sūryyaṃ tathaiva madhusūdanam | anyāṃścābhimatāndevān bhaktyācāro narottamaḥ || pradadyādātha puṣpāṇi sūktena pauruṣeṇa† tu | āpo vā devatāḥ sarvvāstena samyak samarccitāḥ || dhyātvā praṇavapūrvvaṃ vai daivatāni samāhitaḥ | namaskāreṇa puṣpāṇi vinyasedvai pṛthak pṛthak || viṣṇorārādhanātpuṇyaṃ‡ vidyate karmma vaidikam | tasmādanādimadhyāntaṃ nityamārādhayeddharim || tadviṣṇoriti mantreṇa sūktena susamāhitaḥ§ | na tābhyāṃ¶ sadṛśo mantro vedeṣūktaścaturṣvapi|| | tadātmā tanmanāḥ śāntastadviṣṇoriti mantrataḥ || athavā devamīśānaṃ bhagavantaṃ sanātanam | ārādhayenmahādevaṃ bhāvapūto maheśvaram || mantreṇa rudragāyatryā praṇavenāthavā punaḥ | īśānenāthavā rudraistyambakena samāhitaḥ || puṣpaiḥ patrairathādbhirvvā candanādyairmaheśvaram

45.p15

uktvā namaḥ śivāyeti mantreṇānena vā japet† || namaskuryyānmahādevaṃ taṃ mṛtyuñjayamīśvaram‡ | nivedayīta svātmānaṃ yo brāhmaṇamitīśvaram || pradakṣiṇa॓ dvijaḥ kuryyātpañca varṣāṇi vai budhaḥ¶ | dhyāyīta|| devamīśānaṃ vyomamadhyagataṃ śivam || athāvalokayedarkaṃ haṃsaḥ śuciṣadityṛcā | kurvvan†† pañca mahāyajñān gṛhaṅgatvā samāhitaḥ || devayajñaṃ pitṛyajñambhūtayajñantathaiva ca‡‡ | mānuṣaṃ§§ brahmayajñañca pañca yajñān pracakṣate || yadi syāttarpaṇādarvāk brahmayajñaḥ kṛto na hi | kṛtvā manuṣyayajñaṃ vai tataḥ svādhyāyamācaret || agneḥ paścamato deśe bhūtayajñān eva ca¶¶ | kuśapuñje samāsīnaḥ kuśapāṇiḥ samāhitaḥ || śālāgnau laukike vātha jale bhūmyāmathāpi vā | vaiśvadevaśca karttavyo devayajñaḥ sa vai smṛtaḥ || yadi syāllaukike pakke tato'nnaṃ tatra hūyate | śālāgnau tatpacedannaṃ vidhireṣa sanātanaḥ

45.p16

devebhyaśca hutādannāt śeṣā†ṅbhūtabaliṃ haret | bhūtayajñaḥ sa vijñeyo‡ bhūtidaḥ§ sarvvadehinām || śvabhyaśca śvapacebhyaśca patitādibhyaeva ca | dadyādbhūbhau vahiścānnampakṣibhyo dvijasattamāḥ¶ || sāyañcānnasya|| siddhasya patnyamantraṃ baliṃ haret | bhūtayajñastvayannityaṃ sāyamprātaryathāvidhi || ekantu bhojayedvipraṃ pitṝnuddiśya santatam†† | nityaśrāddhaṃ taducchiṣṭaṃ‡‡ pitṛyajño gatipradaḥ || uddhṛtya vā yathāśakti kiñcidannaṃ samāhitaḥ | vedatattvārthaviduṣe§§ dvijāyaivopapādayet || pūjayedatithinnityaṃ namasyedarcayeddvijaḥ¶¶ | manovākkarmabhiḥ śāntaḥ svāgataṃ svagṛhaṅgataḥ || anvārabdhena savyena pāṇinā dakṣiṇena tu | hantakāramathāgraṃ vā bhikṣāṃ vā śaktito dvijaḥ | dadyādatithaye nityambudhyeta parameśvaram || bhikṣāmārhugrāsamātrāmagraṃ tasyāccaturguṇam†††

45.p17

puṣkalaṃ hantakārantu taccaturguṇamiṣyate || godohakālamātraṃ† vai pratīkṣyo hyatithiḥ‡ svayam | abhyāgatānyathāśakti pūjayedatithīnsadā§ || bhikṣāṃ vai bhikṣave dadyādvidhivadbrahmacāriṇe | dadyādannaṃ yathāśakti hyarthibhyo lobhavarjjitaḥ || sarvveṣāmapyalābhe hi¶ tvannaṅgobhyo nivedayet | bhuñjīta bahubhiḥ|| sārddhaṃ vāgyato'nnamakutsayan || akṛtvā tu dvijaḥ pañca mahāyajñāndvijottamāḥ | bhuñjīta cetsa mūḍhātmā tiryagyoniṃ sa gacchati || vedābhyāso'nvahaṃ śaktyā mahāyajñakriyākṣamāḥ | nāśayantyāśu pāpāni devatāpyarccanantathā || yo mohādathavājñānādakṛtvā devatārccanam | bhuṅkte sa yāti narakaṃ śūkaraṃ nātra saṃśayaḥ†† || tasmātsarvvaprayatnena kṛtvā karmmāṇi vai dvijāḥ | bhuñjīta svajanaiḥ sārddhaṃ sa yāti paramāṅgatim

45.p18

vyāsa uvāca | prāṅmukho'nnāni bhuñjīta sūryyābhimukhaeva vā | āsīnaḥ svāsane śuddhe bhūmyāṃ pādau nidhāya ca || āyuṣyaṃ prāṅmukho bhuṅkte yaśasyaṃ dakṣiṇāmukhaḥ | śriyampratyaṅmukho bhuṅkte ṛtambhuṅkte udaṅmukhaḥ || pañcārdro bhojanaṅkuryyādbhūmau pātraṃ nidhāya ca | upavāsena tattulyaṃ manurāha prajāpatiḥ || upalitte śucau deśe pādau prakṣālya vai karau | ācamyārdrānano'krodhaḥ pañcārdro bhojanañcaret || mahāvyāhṛtibhistvannaṃ paridhāyodakena tu | amṛtopastaraṇamasītyāpo'śāna†kriyāñcaret || svāhāpraṇavasaṃyuktāṃ prāṇāyaikāhutintataḥ | apānāya tato bhuktvā vyānāya tadanantaram || udānāya tataḥ kuryyātsamānāyeti pañcamīm‡ | vijñāya tattvameteṣāṃ juhuyādātmani dvijaḥ || śeṣamannaṃ yathākāmaṃ§ bhuñjīta vyañjanairyutam | dhyātvā tanmanasā devānātmānaṃ¶ vai prajāpatim

45.p19

amṛtāpidhānamasītyupariṣṭādapaḥ pivet | ācāntaḥ punarācāmeddayaṅgauriti mantrataḥ || drupadāṃ vā trirāvarttya sarvvapāpapraṇāśanīm | prāṇānāṅgirasītyālabhedṛdarantataḥ || ācamyāṅguṣṭhamātreṇa pādāṅguṣṭhena† dakṣiṇe | nistrāvayeddhastajalamūrddhahastaḥ samāhitaḥ || kṛtā‡numantraṇaṃ kuryyātsandhyāyāmiti mantrataḥ | atha mantreṇa svātmānaṃ yojayedbrāhmaṇeti hi§ || sarvveṣāmeva yogānāmātmayogaḥ smṛtaḥ paraḥ¶ | yo'nena vidhinā kuryyātsa kavibrāhmaṇaḥ svayam|| || yajñopavītī bhuñjīta sraggandhālaṅkṛtaḥ śuciḥ | sāyampratārmantarā vai sandhyāyāntu viśeṣataḥ || nādyātsūryyagrahātpūrvvaṃ pratisāyaṃ śaśigrahāt†† | grahakāle na cāśnīyātsnātvāśnīyādvimuktaye‡‡ || mukte śaśini cāśnīyādyadi§§ na syānmahāniśā | amuktayorastagayorddṣṭvā pare'hani || nāśnīyātprekṣamāṇānāmapradāya ca|||| durmatiḥ

45.p20

yajñāvaśiṣṭamadyādā na kruddho nānyamānasaḥ || ātmārthaṃ bhojanaṃ yasya ratyarthaṃ yasya maithunam | vṛttyarthaṃ yasya cādhītaṃ niṣphalaṃ tasya jīvitam || yadbhuṅkte veṣṭitaśirāḥ yacca bhuṅkte vidaṅmukhaḥ† | sopānakaśca yo bhuṅkte sarvvaṃ vidyāttadāsuram || nārddharātre na madhyāhne nājīrṇe nārdravastradhṛk | na ca bhinnāsanagato na yānasaṃsthito'pi vā‡ || na bhinnabhājane caiva na bhūmyāṃ na ca pāṇiṣu | nocchiṣṭo ghṛtamādadyāt§ na mūrddhānaṃ spṛśedapi || na brahma kīrttayeccāpi¶ na niḥśeṣaṃ na bhāryyayā | nāndhakāre na sandhyāyāṃ|| na ca devālayādiṣu || naikavastrastu bhuñjīta na yānaśayanasthitaḥ | na pādukāṅgato'pya†† na hasanvilapannapi || bhuktvā vai‡‡ sukhamāsthāya tadannampariṇāmayet | itihāsapurāṇābhyāṃ vedārthānupabṛṃhayet§§ || tataḥ sandhyāmupāsīta pūrvvoktavidhinā śuciḥ¶¶

45.p21

āsīnaśca japeddevīṃ gāyatrīṃ paścimāmprati || na tiṣṭhati tu yaḥ pūrvvānāste† sandhyāntu paścimām | sa śūdreṇa samo loke sarvvakarmma‡vivarjitaḥ || hutvāgniṃ vidhivanmantrairbhuktvā yajñāvaśiṣṭakam | sabhṛtya§bāndhavajanaḥ svapecchuṣkapado niśi || nottarābhimukhaḥ svapyātatpaścimābhimukho na ca | na cākāśe na nagno vā nāśucirnnāsane kvacit || na śīrṇāyāntu khaṭvāyām̐ śūnyāgāre na caiva hi | nānuvaṃśe¶ na pālāśe śayane vā kadācana || ityetadakhilenoktamahanyahani vai mayā | brāhmaṇānāṅkṛtyajāta mapavargaphalapradam || nāstikādathavālasyādbrāhmaṇo na karoti yaḥ | sa yāti narakānghorān kākayonau ca jāyate || nānyo vimuktaye panthā muktāśramavidhiṃ svakam | tasmātkarmmāṇi kurvīta tuṣṭaye parameṣṭhinaḥ

45.p22

iti śrīkūrmapurāṇe upavibhāge vyāsagītāsu ūnaviṃśo'dhyāyaḥ

Linked texts (10)