Pramāṇa · Search · About · API

Kurmapurana (Ananta Gokhale) 47

Kūrmapurāṇa (Ananta Gokhale) 47

Language
Sanskrit

47.p1

ekaviṃśo'dhyāyaḥ

47.p2

vyāsa uvāca | snātvā yathoktaṃ santarpya pitṝṃścandrakṣaye dvijaḥ | piṇḍānvāhāryakaṃ śrāddhaṃ kuryyātsaumyamanāḥ śuciḥ || pūrvvameva samīkṣeta brāhmaṇaṃ vedapāragam | tīrthaṃ taddhavyakavyānāṃ pradānānāñca sa smṛtaḥ† || ye somapā virajaso dharmmajñāḥ śāntacetasaḥ | vratino niyamasthāśca ṛtukālābhigāminaḥ || pañcāgnirapyadhīyāno yajurvedavideva ca | bahvṛcaśca trisauparṇastrimadhurvā ca yo'bhavat || triṇāciketaśchandogo jyeṣṭhasāmaga eva ca | atharvvaśiraso'dhyetā rudrādhyāyī viśeṣataḥ || agnihotraparo vidvāṃnyāyavicca ṣaḍaṅgavit | mantrabrāhmaṇaviccaiva yaśca‡ syāddambhapāṭhakaḥ || ṛṣivratī hṛṣīkaśca śāntacetā jitendriyaḥ§ | brahmadeyānusantāno garbhaśuddhaḥ sahasradaḥ || cāndrāyaṇavratacaraḥ satyavādī purāṇavit | gurudevāgnipūjāsu prasakto jñānatatparaḥ

47.p3

vimuktaḥ sarvvato dhīro brahmabhūto dvijottamaḥ | mahādevārccanarato vaiṣṇavaḥ paṃktipāvanaḥ || ahiṃsānirato nityamapratigrahaṇastathā | sattrī† ca dānanirato vijñeyaḥ paṃktipāvanaḥ ||‡ mātāpicorhite yuktaḥ prātaḥsnāyī tathā dvijaḥ | adhyātmavinmunidīnto vijñeyaḥ paṃktipāvanaḥ || jñānaniṣṭho mahāyogī vedāntārthavicintakaḥ | śraddhāluḥ§ śrāddhanirato brāhmaṇaḥ paṃktipāvanaḥ || vedavidyārataḥ¶ snāto brahmacaryyaparaḥ sadā | atharvvaṇo mumukṣuśca brāhmaṇaḥ paṃktipāvanaḥ|| || asamānapravarako hyasagotrastathaiva ca | sasambandhī ca vijñeyā brāhmaṇāḥ paṃktipāvanāḥ || bhojayedyoginaṃ śāntaṃ†† tattvajñānarataṃ yataḥ‡‡ | abhāve§§ naiṣṭhikaṃ dāntamupakurvvāṇakantathā || tadalābhe gṛhasthantu mumukṣuṃ saṅgavarjjitam | sarvvalābhe sādhakaṃ vā gṛhasthamapi bhojayet

47.p4

prakṛterguṇatatvajño yasyāśnāti yatirhaviḥ | phalaṃ vedāntavittasya sahasrādatiricyate || tasmādyatnena yogīndramīśvarajñānatatparam | bhojayeddhavyakavyeṣu alābhā†ditarāndvijān || eṣa vai prathamaḥ kalpaḥ pradāne havyakavyayoḥ | anukalpastvayaṃ jñeyaḥ sadā sadmiranuṣṭhitaḥ || mātāmahaṃ mātulañca svastrīyaṃ śvaśuraṃ gurum | dauhitraṃ viṭpatimbandhumṛtvigyājyau ca bhojayet || na śrāddhe bhojayenmitraṃ dhanaiḥ‡ kāryyo'sya saṅgrahaḥ | paiśācī dakṣiṇā hyeṣa yasyāmutra§ phalapradā || kāmaṃ śrāddhe'rcayenmitraṃ nābhirūpamapi tvarim | dviṣatā hi havirbhuktaṃ bhavati pretya niṣphalam || brāhmaṇo hyanadhīyānastṛṇāgniriva śāmyati | tasmai havyaṃ na dātavyaṃ na hi bhasmani hūyate || yathoṣareṇa bījamuptvā na vaptā labhate phalam | tathā'nṛce havirdattvā na dātāllabhate|| phalam || yāvato grasate piṇḍānhavyakavyeṣvamantravit | tāvato grasate pretya dīptān sthūlāṃstvayoguḍān

47.p5

api vidyākulairyuktā hīnavratā narādhamāḥ | yatraite bhuñjate havyaṃ tadbhavedāsuradvijāḥ || yasya vedaśca vedī ca vicchidyete tripuruṣam | sa vai durbrāhmaṇo nārhaḥ śrāddhādiṣu kadācana || śūdrapreṣyo bhṛto rājño vṛṣalānāñca yājakaḥ† | vadhabandhopajīvī ca ṣar̤ete brahmabandhavaḥ || dattvānuyogo vṛttyarthaṃ‡ patitānanubravīt | vedavikrayiṇo hyete śrāddhādiṣu vigarhitāḥ || suta§vikrayiṇo ye tu parapūrvvāsamudbhavāḥ | asāmānyān¶ yajante ye patitāste prakīrttitāḥ || asaṃskṛtādhyāpakā ye bhṛtyarthe'dhyāpayanti ye | adhīyate tathā vedān patitāste prakīrttitāḥ || vṛddhaśrāvakanirgranthāḥ pañcarātravido janāḥ | kāpālikāḥ pāśupatāḥ pāṣaṇḍā ye ca tadvidhāḥ || yasyāśnanti havīṃṣyete durātmānastu tāmasāḥ | na tasya tadbhavecchrāddhaṃ pretya ceha phalapradam || anāśramī yo dvijaḥ syādāśramī vā nirarthakaḥ|| | mithyāśramī ca te viprā vijñeyāḥ paṅktidūṣakāḥ || duścarmā kunakhī kuṣṭhī śvitrī ca śyāvadantakaḥ

47.p6

vidmaprajananaścaiva stenaḥ klīvo'tha nāstikaḥ || madyapo vṛṣalosakto vīrahā didhiṣūpatiḥ | agāradāhī kuṇḍāśī somavikrayiṇo dvijāḥ || parivettā ca hiṃsraśca parivittirnirākṛtiḥ | paunarbhavaḥ kusīdī ca† tathā nakṣatrasūcakaḥ‡ || gītavāditraśīlaśca§ vyādhitaḥ kāṇa eva ca | hīnāṅgo'cātiriktāṅgo hyavakīrṇo tathaiva ca ||¶ annadūṣī|| kuṇḍagolo abhiśasto'tha devalaḥ | mitradhruk piśunaścaiva nityaṃ bhāryānuvarttitaḥ || mātāpicogurostyāgī dāratyāgī tathaiva ca | gotraspṛk†† bhraṣṭaśaucaśca kāṇḍaspṛṣṭastathaiva ca || anapatyaḥ‡‡ kūṭasākṣī yācako raṅgajīvakaḥ§§ | samudrayāyī kṛtahā tathā samayabhedakaḥ || vedanindārataścaiva¶¶ devanindāparastathā | dvijanindārataścaiva varjyāḥ śrāddhādikarmmaṇi || kṛtaghnaḥ piśunaḥ krūro nāstiko vedanindakaḥ | mitradhruk kuhakaścaiva viśeṣātpaṃktidūṣakāḥ

47.p7

sarve punarabhojyānnā na dānārhāḥ svakarmasu | brahmahā cābhiśastāśca† varjjanīyāḥ prayatnataḥ || śūdrānnarasapuṣṭāṅgaḥ sandhyopāsanavarjjitaḥ | mahāyajñavihīnaśca brāhmaṇaḥ paṅktidūṣakaḥ || adhītanānyaścaiva snānadāna‡vivarjitaḥ | tāmaso rājasaścaiva brāhmaṇaḥ paṅktidūṣakaḥ || bahunātra kimuktena vihitān ye na kurvvate | ninditānācarantyete varjyāḥ śrāddhe' prayatnataḥ

47.p8

dvāviṃśo'dhyāyaḥ

47.p9

vyāsa uvāca | gomayenodakairbhūmiṃ śodhayitvā samāhitaḥ | sannimantrya dvijān sarvvān sādhubhiḥ sannimantrayet†

47.p10

śvo bhaviṣyati me śrāddhaṃ pūrvedyurabhipūjya ca | asambhave paredyurvaiḥ yathoktairlakṣaṇairyutān || tasya te pitaraḥ śrutvā śrāddhakālamupasthitam | anyonyaṃ manasā dhyātvā sampatanti manojavāḥ || tairbrāhmaṇaiḥ sahāyaśnanti pitaro hyantarikṣagāḥ | vāyubhūtāstu tiṣṭhanti bhuktā yānti parāṅgatim || āmantritāśca te viprāḥ śrāddhakāla upasthite | vaseyurniyatāḥ sarvve brahmacaryyaparāyaṇāḥ || akrodhano'tvaro'mattaḥ satyavādī samāhitaḥ | bhāraṃ maithunamadhvānaṃ śrāddhakṛdvarjayeddhruvam || āmantrito brāhmaṇo vai yo'nyasmai kurute kṣaṇam | sa yāti narakaṃ ghoraṃ śūkaratvamprayāti ca || āmantrayitvā yo mohādanyañcāmantrayeddvijaḥ| sa tasmādadhikaḥ pāpī viṣṭhākīṭo'bhijāyate || śrāddhe nimantrito vipro maithunaṃ yo'dhigacchati | brahmahatyāmavāpnoti tiryyagyonau vidhīyate || nimantritastu yo vipro hyadhvānaṃ yāti durmatiḥ| bhavanti pitarastasya tanmāsaṃ pāṃśubhojanāḥ

47.p11

nimantritastu yaḥ śrāddhe kuryyādvai kalahaṃ dvijaḥ| bhavanti pitarastasya tanmāsaṃ† malabhojanāḥ|| tasmānnimantritaḥ śrāddhe niyatātmā bhaveddvijaḥ| akrodhanaḥ śaucaparaḥ karttā caiva jitendriyaḥ|| śvo bhūte dakṣiṇāṃ gatvā diśaṃ darbhānsamāhitaḥ| samūlānāhareddāri dakṣiṇāgrān sunirmalalān‡|| dakṣiṇāpravaṇaṃ snigdhaṃ vibhaktaṃ§ śubhalakṣaṇam| śucindeśaṃ viviktañca gomayenopalepayet|| nadītīreṣu tīrtheṣu svabhūmau¶ caiva nāmbuṣu||| vivikteṣu ca tuṣyanti dattena pitaraḥ sadā|| pārakye bhūmibhāge tu pitṝṇāṃ naiva nirvapet| svāmibhistaddhihanyeta mohādyat†† kriyate naraiḥ|| aṭavyaḥ parvvatāḥ puṇyāstīrthānyāyatana‍āni ca| sarvvāṇyasvāmikānyāhurna hyeteṣu parigrahaḥ|| tilānpravikirettatra‡‡ sarvvato bandhayedajam§§| asuropahataṃ sarvvaṃ¶¶ tilaiḥ śudhyatyajena tu || tato'nnambahusaṃskāraṃ naikavyañjanamadhyagam

47.p12

coṣyaṃ peyaṃ saṃsṛtañca yathāśakti prakalpayet || tato nivṛtte madhyāhne luptarāromamakhāndvijān | avagamya† yathāmārgamprayacchedantadhāvanam‡ || tailamabhyañjanaṃ§ snānaṃ snānīyañca pṛthagvidham | pātrairaudumbarairhṛdyairdaikhadaivatyapūrvakam || tataḥ snānānnivṛttebhyaḥ pratyutthāya kṛtāñjaliḥ | pādyamācamanīyañca samprayacchedvathākramam || ye cātra viśvedevānāṃ viprāḥ pūrvvaṃ nimanvitāḥ¶ | prāṅmukhānyāsanānyeṣāṃ cidarbhopahatāni ca|| || dakṣiṇāmukhamuktāni pitṛṇāmāsanāni ca | dakṣiṇāgreṣu darbheṣu prokṣitāni tilodakaiḥ || teṣūpaveśayedetānāsanaṃ saṃspṛśannapi†† | āsadhvamiti sañjalpannāsīraṃste pṛthak pṛthak || dvau daive prāṅmukhau pitrye trayaścodaṅmukhāstathā | ekaikaṃ tatra daivantu pitṛmātāmaheṣvapi‡‡ || satkriyāṃ deśakālau ca śaucaṃ brāhmaṇasampadam

47.p13

pañcaitānvistaro hanti tasmānneheta vistaram || api vā bhojayedekaṃ brāhmaṇaṃ vedapāragam | śrutaśīlādisampannamalakṣaṇavivarjitam || uddhṛtya pātre cānnaṃ tatsarvvasmānnakṛtātataḥ | devatāyatane vāsau† nivedyānyatpravarttayet || prāśyedanaṃ tadagnau tu dadyādvai‡ brahmacāriṇe | tasmādekamapi śreṣṭhaṃ vidvāṃsaṃ bhojayeddvijam || § bhikṣuko brahmacārī vā bhojanārthamupasthitaḥ | upaviṣṭastu yaḥ śrāddhe kāmaṃ tamapi bhojayet || atithiryasya nāśnāti na tacchrāddhampraśasyate | tasmātprayatnācchrāddheṣu pūjyā hyatithayo dvijaiḥ || ātithyarahite śrāddhe bhuñjate ye dvijātayaḥ | kākayoniṃ vrajantyete dātā caiva na saṃśayaḥ || hīnāṅgaḥ patitaḥ kuṣṭhī vraṇayuktastu nāstikaḥ¶ | kukkuṭaḥ śūkaraśvānau varjyāḥ śrāddheṣu dūrataḥ || bībhatsumaśuciṃ nagnaṃ mattanmūrttaṃ rajasvalām | nīlakāṣāyavasanapāṣaṇḍāṃśca vivarjjayet || yattatra kriyate karma paitṛke brāhmaṇānprati | tatsarvvameva karttavyaṃ vaiśvadaivatyapūrvvakam

47.p14

yathopaviṣṭān sarvvāṃstānalaṅkuryyādvibhūṣaṇaiḥ | sragdāmabhiḥ śiroveṣṭairdhūpavāso'nulepanaiḥ || tatastvāvāhayeddevān brāhmaṇānāmanujñayā | udaṅmukho yathānyāyaṃ viśvedevāsa ityṛcā || dve pavitre gṛhītvā'sya† bhājane kṣālite punaḥ | śanno devī jalaṃ kṣiptvā yavo'sīti yavāṃstathā || yā divyā iti mantreṇa haste tvarghyaṃ‡ viniikṣipet | pradadyādgandhamālyāni dhūpādīni ca bhaktitaḥ || apasavyaṃ tataḥ kṛtvā pitṝṇāṃ dakṣiṇāmukhaḥ | āvāhanaṃ tataḥ kuryyāduśantastvetyṛcā budhaḥ || āvāhya tadanujñāto japedāyantu§ nastataḥ | śanno devyodakaṃ pātre tilo'sīti tilāṃstathā || kṣiptvā cārghyaṃ yathāpūrbbandattvā hasteṣu vā¶ punaḥ | saṃsravāṃśca tataḥ sarvvān pātre kuryyātsamāhitaḥ || pitṛbhyaḥ sthānamasīti|| nyubjapātraṃ nidhāpayet | agnau kariṣyannādāya pṛcchedannaṃ†† ghṛtaplutam | kuruṣvetyabhyanujñāto juhuyādupavītavit‡‡ || yajñopavītinā homaḥ karttavyaḥ kuśapāṇinā

47.p15

prācīnāvītinā pitryaṃ vaiśvadevantu homayet || dakṣiṇaṃ pātayejjānundevān paricaransadā† | pitṝṇāṃ paricaryyāsu pātayeditaraṃ tathā || somāya vai pitṛmate‡ svadhā nama iti bruvan | agnaye kavyavāhanāya svadheti juhuyāttataḥ || ag‍nyabhāve tu viprasya pāṇāvevopapādayet | mahādevāntike vātha goṣṭhe vā susamāhitaḥ || tatastairabhyanujñāto gatvā vai dakṣiṇāndiśam | gomayenopalipyātha§ sthānaṅkuryyātsasaikatam || maṇḍalaṃ caturasraṃ vā dakṣiṇā¶pravaṇaṃ śubham | trirullikhettasya madhyaṃ darbheṇaikena caiva hi || tataḥ saṃstīryya tatsthāne darbhānvai dakṣiṇāgragān|| | trīn piṇḍānnirvapettatra haviḥśeṣātsamāhitaḥ || uṣyapiṇḍāṃstu taddhastaṃ nimṛjyāllepabhojinān | teṣu darbheṣvathācamya trirācamya śanairasūna | tadanantu†† namaskuryyātpitṝneva ca mantravit || udakanninayaccheṣaṃ śanaiḥ piṇḍāntike punaḥ | avajighrecca tān piṇḍān yathā nyuptā‡‡ samāhitaḥ

47.p16

atha piṇḍācca śiṣṭānnaṃ vidhivadbhojayeddvijān | māṃsān pūpāṃśca vividhāñchākakalpāṃstu śobhanān† || tato‡'nnamutsṛjedbhuktavatsvagrato vikiranbhuvi | pṛṣṭvā tadannamityeva tṛptānācāmayettataḥ || ācāntānanujānīyādabhito ramyatāmiti | svadhāstviti ca te brūyurbrāhmaṇāstadanantaram || tato bhuktavatāṃ teṣāmannaśeṣaṃ nivedayet | yathā brūyustathā kuryyādanujñātastu tairdvijaiḥ || pitrye svaditamityeva vācyaṃ goṣṭheṣu suśritam | sampannamityabhyudaye daive sevita§mityapi || visṛjya brāhmaṇān tānbai pitṛpūrvvantu vāgyataḥ | dakṣiṇāndiśamākāṅkṣyācetemānvarān pitṝn || dātāro no'bhivarddhantāṃ vedāḥ santatireva ca | śraddhā ca no mā vigamadbahudeyañca no'stviti || piṇḍāstu go'javiprebhyo dadyādagnau jale'pi vā | madhyamantu tataḥ piṇḍamadyātpatnī sutārthinī || prakṣālya hastāvācamya jñātiṃ śeṣeṇa toṣayet | sūpaśākaphalānīkṣūn¶ payo dadhi ghṛtaṃ madhu

47.p17

annañcaiva yathākāmaṃ vividhaṃ bhojya peyakam | yadyadiṣṭaṃ† dvijendrāṇāṃ tatsarvaṃ vinivedayet || dhānyāṃstilāṃśca vividhān śarkarā vividhāstathā | uṣṇamannaṃ dvijātibhyo dātavyaṃ śreya icchatā | anyatra phalamūlebhyo pānakebhyastathaiva ca || na bhūmau pātayejjānuṃ na kuṣyennānṛtaṃ vadet | na pādena spṛśedannaṃ na caivamavadhūnayet‡ || krodhenaiva ca yadbhuktaṃ yadbhuktaṃ tvayathāvidhi | yātudhānā vilumpanti jalpatā copapāditam || svinnagātro na tiṣṭheta sannidhau ca dvijanmanām§ | na ca paśyeta kākādīn pakṣiṇaḥ pratilomagān¶ | tadrūpāḥ pitarastatra samāyānti bubhutsavaḥ || na dadyāttatra hastena pratyakṣaṃ lavaṇaṃ tathā | na cāyasena pātreṇa na caivāgradvayā punaḥ || kāñcanena tu pātreṇa rājatodumbareṇa vā†† | dattamakṣayatāṃ yāti khaṅgena ca viśeṣataḥ || pātre tu mṛṇmaye yo vai śrāddhe vai bhojayedvijān‡‡ | sa yāti narakaṃ ghoraṃ bhoktā caiva purodhasaḥ

47.p18

na paṅktyāṃ viṣamaṃ dadyānna yācita na dāpayet | yācitā dāpitā dātā narakānyāti bhīṣaṇān† || bhuñjīrannagrataḥ ślakṣṇaṃ‡ na brūyuḥ prākṛtān guṇān | tāvaddhi pitaro'śnanti yāvannoktā havirguṇāḥ || nāgrāsanopaviṣṭastu bhuñjīta prathamaṃ dvijaḥ | bahūnāṃ paśyatāṃ so'nyaḥ paṅktyā harati kilbiṣam || na kiñcidvarjayecchrāddhe niyuktastu dvijottamaḥ | na māṃsasya niṣedhena§ na cānyasyānnamīkṣayet || yo nāśnāti dvijo māṃsaṃ niyuktaḥ pitṛkarmmaṇi | sa pretya paśutāṃ yāti sambhavānekaviṃśatim || svādhyāyaṃ śrāvayedeṣāṃ¶ dharmaśāstrāṇi caiva hi|| | jñātiṣvapi caturtheṣu svān bhṛtyān bhojayettataḥ || paścātsvayañca patnībhiḥ śeṣamannaṃ samācaret¶ | nodvāsayet taducchiṣṭaṃ yāvannāstaṅgato raviḥ || brahmacārī bhavetāntu dampatī rajanīntu tām | dattvā śrāddhaṃ tathā bhuktvā sevate yastu maithunam

47.p19

mahārauravamāsādya kīṭayoniṃ vrajetpunaḥ || śucirakrodhanaḥ śāntaḥ satyavādī samāhitaḥ | svādhyāyañca tathādhvānaṃ karttā bhoktā ca varjjayet || śrāddhaṃ kṛtvā paraśrāddhe bhuñjate ye dvijātayaḥ | mahāpātakibhistulyā yānti te narakān bahūn || eṣa vo vihitaḥ samyak śrāddhakalpaḥ samāsataḥ† | anena varttaye‡nnityaṃ§ brāhmaṇo vyasanānvitaḥ || āmaśrāddhaṃ yadā¶ kuryyādvidvijaḥ śraddhayānvitaḥ | tenāgnaukaraṇaṃ kuryyātpiṇḍāṃstenaiva nirvapet || yo'nena vidhinā śrāddhaṃ kuryyādvai śāntamānasaḥ|| | vyapetakalmaṣo nityaṃ yatināṃ varttayetpadam†† || tasmātsarvvaprayatnena śrāddhaṃ kuryyādvijottamaḥ | ārādhito bhavedīśastena samyak sanātanaḥ || api mūlaiḥ phalairvāpi prakuryyānnirddhano dvijaḥ | tilodakaistarpayitvā pitṝn snātvā samāhitaḥ | na jīvatpitṛko dadyāddhomāntaṃ vā vidhīyate‡‡ | yeṣāṃ vāpi pitā dadyātteṣāmcaike pracakṣate

47.p20

pitā pitāmahaścaiva tathaiva prapitāmahaḥ | yo yasya prīyate tasmai deyaṃ nānyasya tena tu || bhojayedvāpi jīvantaṃ yathākāmantu bhaktitaḥ | na jīvantamatikramya dadāti śrūyate śrutiḥ || dvāmuṣyāyaṇi ko dadyāddījine†kṣetrikayoḥ samam‡ | adhikārī bhavetso'dya niyogātpādito yadi || aniyuktātsuto' yaśca¶ śukrato jāyate tviha | pradadyādvījine piṇḍaṃ kṣetriṇe tu tato'nyathā || dvau piṇḍau nirvapettābhyāṃ kṣetriṇe bījine tathā | kīrttayedathacaivāsmin|| bījinaṃ kṣetriṇaṃ tataḥ | mṛtāhani tu kartavyamekoddiṣṭaṃ vidhānataḥ || aśauce sve parikṣīṇe kāmyaṃ vai kāmataḥ punaḥ | pūrvāhṇe caiva kartavyaṃ śrāddhamabhyudayārthinā || devavatsarvvameva syānnaiva kāryā tilaiḥ kriyāḥ†† | darbhāśca ṛjavaḥ kāryā yugmāndhai bhojayedvijān || nāndīmukhāstu pitaraḥ prīyantāmiti vācayet | mātṛśrāddhantu pūrvvaṃ syātpitṝṇāṃ tadanantaram‡‡

47.p21

tato mātāmahānāntu vṛddhau śrāddhatrayaṃ smṛtam | daivapūrvvamapradadyādvai na kuryyādapradakṣiṇam || prāṅmukho nirvapedvidvān† upavītī samāhitaḥ | pūrvvantu‡ mātaraḥ pūjyā bhaktyā vai sagaṇeśvarāḥ || sthaṇḍileṣu vicitreṣu§ pratimāsu dvijātiṣu | puṣpairdhūpaiśca naivedyairbhūṣaṇairapi pūjayet|| || pūjayitvā mātṛgaṇaṃ kuryyācchāddhatrayaṃ dvijaḥ|| | akṛtvā mātṛyogantu yaḥ śrāddhantu niveśayet†† || tasya krodhasamāviṣṭā hiṃsāṃ gacchanti‡‡ mātaraḥ

47.p22

iti śrīkūrmapurāṇe upavibhāge vyāsagītāsu śrāddhakalpe dvāviṃśo'dhyāyaḥ

Linked texts (7)