Pramāṇa · Search · About · API

Kurmapurana (Ananta Gokhale) 58: Tīrthamāhātmyam

Kūrmapurāṇa (Ananta Gokhale) 58

Language
Sanskrit

Tīrthamāhātmyam

58.p1

tricatvāriṃśo'dhyāyaḥ

58.p2

sūta uvāca |❊ anyacca tīrthapravaraṃ jaṣyeśvarasamīpataḥ† | nāmnā pañcanadaṃ puṇyaṃ sarvvapāpapraṇāśanam || cirāttamuṣitastatra‡ pūjayitvā maheśvaram | sarvvapāpaviśuddhātmā rudraloke mahīyate ||§ anyacca tīrthapravaraṃ śakrasyāmitatejasaḥ¶ | mahābhairavamityuktaṃ|| mahāpātakanāśanam || tīrthānāñca paraṃ tīrthaṃ vitastā paramā nadī | sarvvapāpaharā puṇyā svayameva girīndrajā || tīrthaṃ pañcatapo nāma śambhoramitatejasaḥ |❊❊ yatra devādhidevena śakrārthe†† pūjito bhavaḥ || piṇḍadānādikaṃ tatra pretyānandasukhapradam‡‡ | mṛtastatrātha niyamādbrahmaloke§§ mahīyate || kāyāvarohaṇaṃ nāma¶¶ mahādevālayaṃ śubham | yatra māheśvarā dharmmā munibhiḥ sampravarttitāḥ

58.p3

śrāddhaṃ dānaṃ tapo homa upavāsastathākṣayaḥ | parityajati yaḥ prāṇāndrudralokaṃ sa gacchati || anyacca tīrthapravaraṃ kanyātīrthamanuttamam† | tatra gatvā tyajetprāṇām̐llokān prāpnoti‡ śāśvatān || jāmadagnyasya ca śubhaṃ rāmasyākliṣṭakarmaṇaḥ | tatra snātvā tīrthavare gosahasraphalaṃ labhet || mahākālamiti khyātaṃ tīrthaṃ lokeṣu viśrutam§ | gatvā prāṇān parityajya gāṇapatyamavāpnuyāt || guhyādguhyatamaṃ tīrthaṃ nakulīśvaramuttamam | tatra sannihitaḥ śrīmān bhagavānnakulīśvaraḥ || himavacchikhare ramye gaṅgādvāre suśobhane¶ | devyā saha mahādevo nityaṃ śiṣyaiśca sambhṛtaḥ|| || tatra snātvā mahādevaṃ pūjayitvā vṛṣadhvajam | sarvvapāpairviśuddhyeta mṛtastajjñāna††māpnuyāt || anyacca devadevasya sthānaṃ puṇyatamaṃ śubham | bhīmeśvaramiti khyātaṃ gatvā muñcati pātakam || tathānyaccaṇḍavegāyāḥ sambhedaḥ pāpanāśanaḥ | tatra snātvā ca pītvā ca mucyate brahmahatyayā

58.p4

sarveṣāmapi caiteṣāṃ tīrthānāṃ paramā purī | nāmnā vārāṇasī divyā koṭikoṭyayutādhikā || tasyāḥ purastānmāhātmyaṃ bhāṣitaṃ vo mayā tviha | nānyatra labhate muktiṃ yogenāpyekajanmanā || ete prādhānyataḥ proktā deśāḥ pāpaharā nṛṇām | gatvā saṅgālayetpāpaṃ janmāntaraśatairapi || yaḥ svadharmān parityajya tīrthasevā karoti hi | na tasya phalate† tīrthamiha loke paratra ca || prāyaścittī ca vidhura‡stathā yāyāvaro§ gṛhī | prakuryyāttīrthasaṃsevāṃ yaścānyastādṛśo janaḥ¶ || sahāgnirvā sapatnīko gacchettīrthāni yatnataḥ | sarvvapāpavinirmukto yathoktāṃ gatimāpnuyāt || ṛṇāni trīṇyapākuryyātkurvvanvā tīrthasevanam|| | vidhāya vṛttiṃ putrāṇāṃ bhāryyāṃ teṣu nidhāya ca || prāyaścittaprasaṅgena tīrthamāhātmyamīritam | yaḥ paṭhecchṛṇuyādvāpi sarvvapāpaiḥ pramucyate

58.p5

iti śrīkūrmapurāṇe upavibhāge tīrthamāhātmyaṃ nāma tricatvāriṃśo'dhyāyaḥ

Linked texts (1)