Kurmapurana (Ananta Gokhale) 7
Kūrmapurāṇa (Ananta Gokhale) 7
- Language
- Sanskrit
7.p1
ekādaśo'dhyāyaḥ | kūrma uvāca | evaṃ sṛṣṭvā marīcyādīnde̱vadevaḥ pitāmahaḥ | sahaiva mānaseḥ putraistatāpa paramaṃ tapaḥ || tasyaivaṃ tapato vaktrādrudraḥ kālāgnisambhavaḥ | triśūlapāṇirīśānaḥ prādurāsīttrilocanaḥ
7.p2
arddhanārīnaravapuḥ duṣprekṣyo'tibhayaṅkaraḥ | vibhajātmānamityuktvā brahmā cāntarddadhe bhayāt || tathokto'sau dvidhā strītvaṃ puruṣatvaṃ tathākarot | bibheda puruṣatvañca daśadhā caikadhā punaḥ || ekādaśaite kathitā rudrāstribhuvaneśvarāḥ | kapālīśādayo† viprā devakāyyeṃ niyojitāḥ || saumyāsaumyaistathā śāntāśāntaiḥ strītvañca sa prabhuḥ | bibheda bahudhā devaḥ svarūpairasitaiḥ sitaiḥ || tā vai vibhūtayo‡ viprā viśrutāḥ śaktayo bhuvi | lakṣmyādayo yadvapuṣā§ viśvaṃ vyāpnoti śāṅkarī || vibhajya punarīśānī svātmāṃśamakarodvijāḥ¶ | mahādevaniyogena pitāmahamupasthitā || tāmāha bhagavān brahmā dakṣasya duhitā bhava | sāpi tasya niyogena prādurāsītprajāpateḥ || niyogādbrahmaṇo devīṃ dadau rudrāya tāṃ satīm | dākṣīṃ|| rudro'pi jagrāha svakīyāmeva śūlabhṛt
7.p3
prajāpativinirddeśātkālena parameśvarī† | menāyāmabhavatputrī tadā himavataḥ satī || sa cāpi parvvatavaro dadau rudrāya‡ pārvvatīm | hitāya sarvvadevānāṃ§ trailokyasyātmano dvijāḥ¶ || saiṣā māheśvarī devī śaṅkarārddhaśarīriṇī | śivā satī haimavatī surāsuranamaskṛtā || tasyāḥ prabhāvamatulaṃ sarvve devāḥ savāsavāḥ | vadanti|| munayo vetti śaṅkaro vā svayaṃ hariḥ || etadvaḥ kathitaṃ viprāḥ putratvaṃ parameṣṭhinaḥ | brahmaṇaḥ padmayonitvaṃ śaṅkarasyāmitaujasaḥ
7.p4
iti śrīkūrmapurāṇe devyavatāre ekādaśo'dhyāyaḥ
Linked texts (4)
- Kūrmapurāṇa — Vyāsa, Sanskrit
- Skandamahāpurāṇa (vulgate) — Sanskrit
- Brāhmī Saṃhitā — Sanskrit
- Kūrmapurāṇa — Ativīrarāma Pāṇṭiyar, Sanskrit