Linga 100
Liṅga 100
- Language
- Sanskrit
Contents
- 100.157 — 1 part
100.1
ṣaḍaśītitamo'dhyāyaḥ
ṛṣaya ūcuḥ
japācchreṣṭhatamaṃ prāhurbrāhmaṇā dagdhakilbiṣāḥ
viraktānāṃ prabuddhānāṃ dhyānayajñaṃ suśobhanam
100.2
tasmād vadakha sūtādya dhyānayajñamaśeṣataḥ
vistarātsarvayatne na viraktānāṃ mahātmanām
100.3
teṣāṃ tadvacanaṃ śrutvā munīnāṃ dīrghasatriṇām
rudreṇa kathitaṃ prāha guhāṃ prāpya mahātmanām
100.4
saṃhṛtya kālakūṭākhyaṃ viṣaṃ vai viśvakarmaṇā
sūta uvāca
guhāṃ prāpya sukhāsīnaṃ bhavānyā saha śaṅkaram
100.5
munayaḥ saṃśitātmānaḥ praṣṭumuktāṃ guhāśrayam
astuvaṃstataḥ sarve nīlakaṇṭhamumāpatim
100.6
adyadyaṃ kālakūṭākhyaṃ saṃhṛtaṃ bhagavaṃstvayā
ataḥ pratiṣṭhitaṃ sarvaṃ tvayā deva ! vṛṣadhvaja !
100.7
teṣāmetadvacanaṃ śrutvā bhagavānnīlalohitaḥ
prahasan prāha viśvātmā sanandanapurogamān
100.8
kimetena dvijaśreṣṭhā ! viṣaṃ dagdhe sudāruṇam
saṃharetsarvvamevaitat sa samartho hyasti viśvapaḥ
100.9
na viṣaṃ kālakūṭākhyaṃ saṃsārī viṣamucyate
tasmāt sarvaprayatnena saṃhareta mahābhayam
100.10
saṃsāro dvividhaḥ proktaḥ svādhikārānurūpataḥ
puṃsāṃ saṃmūḍhacittānāmasaṃdigdhaḥ ṣaḍātmakaḥ
100.11
īṣaṇārāgadoṣeṇa sargo jñānena suvratāḥ !
tadvaśādeva sarveṣāṃ dharmādharmau na saṃśayaḥ
100.12
asannikṛṣṭe tvarthe'pi śāstraṃ tattvakṣaṇātsatām
buddhimutpādayatyeva saṃsāre viduṣāṃ dvijāḥ
100.13
tasmād dṛṣṭānuśravikaṃ duṣṭamityubhayātmakam
samyaktyaktvaitadvai na viraktaḥ so'bhidhīyate
100.14
śāstramityucyate bhāgaḥ śruteḥ karmasu tad dvijāḥ
mūrddhānaṃ brahmaṇaḥ sāraṃ ṛṣīṇāṃ karmaṇaḥ phalam
100.15
nanu svabhāvaḥ sarveṣāṃ kāmo dṛṣṭo na cānyathā
śrutiḥ pravarttikā teṣāmiti karmakṣataddidaḥ
100.16
nivṛttilakṣaṇo dharmaḥ samarthānāmihocyate
tasmādajñānamūlo hi saṃsāraḥ sarvadehinām
100.17
kalā saṃśoṣamāyāti karmmaṇānyasvabhāvataḥ
sakalastrividho jīvo jñānahīnastvavidyayā
100.18
nārako pāpakṛta svargī puṇyakṛtpuṇyagauravāt
vyatimiśreṇa vai jīvaścaturddhā saṃvyavasthitaḥ
100.18-2
udbhijñaḥ svedajaścaiva aṇḍajo vai jarāyujaḥ
evaṃ vyavasthito deho karmaṇāñco hyanivṛttaḥ
100.20
prajayā karmaṇā muktirddhanena ca satāṃ kvacit
tyāgenaiveha muktiḥ syāttasmāttyāgavatāṃ nṛṇām
100.21
evamajñānadoṣeṇa nānākarmodbhavena ca
ṣaṭ kauśikaṃ samutpādya bhavarūpī bhavennaraḥ
100.22
garbhe duḥkhānyanekāni yonimārge ca bhūtale
kaumāre yauvane caiva vādhake maraṇe'pi vā
100.23
vicārataḥ satāṃ duḥkhaṃ strosaṃsargāddvibhiddddvijāḥ
duḥkhenaikena vai duḥkhaṃ praśāmyantoha duḥkhinaḥ
100.24
na jātu kāmaḥ kāmānāṃ hyupabhogena śāmyati
haviṣā kṛṣṇavartmava bhūya evābhivardhate
100.25
tasmādvicārato nāsti saṃyogādapi vai nṛṇām
arthānāmarjane'pyevaṃ pālane ca vyaye tathā
100.26
paiśāce rākṣase duḥkhaṃ yākṣe caiva vicārataḥ
gāndharve ca tathā cāndre saumya ! loke dvijottamāḥ!
100.27
prājāpatye tathā brāhme prākṛte pauruṣe tathā
cayasātiśayādyeṣu duḥkhairduḥkhāni suvratāḥ !
100.28
tāni bhāgyānyaśuddhāni santyajecca dhanāni ca
tasmādaṣṭaguṇaṃ bhogaṃ tathā ṣor̤aśadhā sthitam
100.29
caturviṃśat prakāreṇa saṃsthitañcāpi suvratāḥ!
dvātriṃśadbhe damanaghāścatvāriṃśadguṇa puna:
100.30
!
tathāṣṭacatvāriṃśacca ṣaṭpañcāśat prakārataḥ
catuḥṣaṣṭividhañcaiva duḥkhameva vivekinaḥ
100.31
pārthivañca tathāpyañca taijasañca vicārataḥ
vāyavyañca tathā vyomamānasaca yathākramam
100.32
ābhimānikamapyevaṃ bauddhaṃ prākṛtameva ca
duḥkhameva na sandeho yogināṃ brahmavādinām
100.33
gauṇakṛṣṇeśvarāṇāñca duḥkhameva vicārataḥ
pādau madhye tathā cānte sarvalokeṣu sarvadā
100.34
varttamānāni duḥkhāni bhaviṣyāṇi yathātatham
doṣaduṣṭeṣu deheṣu duḥkhāni vividhāni ca
100.35
na bhāvayantyatītāni hyajñāne jñānamāninaḥ
kṣudvādheḥ parihārārthaṃ na sukhāyonnamucyate
100.36
yathetareṣāṃ rogāṇāmauṣadhaṃ na sukhāya tat
śītoṣṇavātavarṣādyai stattat kāleṣu dehinām
100.37
duḥkhameva na sandeho na jānanti hyapaṇḍitāḥ
svarge'pyevaṃ muniśreṣṭhā hyaviśuddhakṣayādibhiḥ
100.38
rogairnānāvidhairya stā rāgadveṣabhayādibhiḥ
chinnamūlastaruryadvadvaśaḥ patati citau
100.36-2
puṇyavṛkṣakṣayāttadvat patanti divaukasaḥ
duḥkhābhilāpaniṣṭhānāṃ duḥkhabhogādisampadām
100.40
asmāttu patatāṃ duḥkhaṃ kaṣṭaṃ svargāddivaukasām
narake duḥkhamevātra narakāṇāṃ niṣevaṇāt
100.41
vihitākaraṇāñcaiva varṇināṃ munipuṅgavāḥ !
100.42
yathā mṛgo mṛtyubhayasya bhīto
ucchinnavāso na labheta nidrām
evaṃ yatirjñānaparo mahātmā
saṃsārabhīto na labheta nidrām
100.43
kīṭapakṣimṛgāṇāñca paśūnāṃ gajavājinām
dṛṣṭamevāsukhaṃ tasmāttyajataḥ sukhamuttamam
100.44
vaimānikānāmapyevaṃ duḥkhaṃ kalpāyikārthinām
sthānābhimānināñcaiva manvādīnāñca sarvaśaḥ
100.45
devanāścaiva daityānāmamyonyavijigīṣayā
duḥkhameva nṛpāṇāñca rākṣasānāṃ jagattraye
100.46
amārthamāśramañcāpi varṇānāṃ paramārthataḥ
āśramairmedhyadeveodha yannaiḥ sāṅgaistataistathā
100.47
ugraistapobhirvividhairdānairnānāvidhairapi
na labhante tathātmānaṃ labhante jñāninaḥ svayam
100.48
tasmātsarvaprayatnena caretpāśupatavratam
bhasmaśāyī bhavennityaṃ vrate pāśupate budhaḥ
100.46-2
padmārthajñānasampannaḥ śivatatve samāhitaḥ
kaivalyakaraṇaṃ yogaṃ vidhikarmacchidaṃ budhaḥ
100.50
padmārthayogasampanno duḥkhāntaṃ vrajate sudhīḥ
parayā vidyayā vedyaṃ vidantyaparayā na hi
100.51
dve vidye veditavye hi parā caivāparā tathā
aparā tatra ṛgve do yajurvedo dvijottamāḥ !
100.52
sāmavedastathātharvo vedaḥ sarvārthasādhakaḥ
śikṣākalpo vyākaraṇaṃ niruktaṃ chanda eva ca
100.53
jyotiṣañcāparā vidyā parākṣaramiti sthitam
tadadṛśyakadṛpāgrāhyamagotraṃ tadavarṇakam
100.54
tadacakṣustadaśrotraṃ tadapāṇi apādakam
tadajātamabhūtañca tadaśadvaṃ dvijottamāḥ !
100.55
asparśaṃ tadarūpañca rasagandhavivarjitam
avyayañcāpratiṣṭhañca tannityaṃ sarvagaṃ vibhum
100.56
mahāntaṃ tad brahmasañca tattattvañcintayaṃ dvijāḥ
aprāṇamamanaskañca tacchukamamaloditam
100.57
aprameyamarūpaṃ sthūlamaśrotramadṛṣṭamavyayam
akusannādaparaśva sadānandaṃ tadacyutam
100.58
anapāyata mahattaṃ tadamattamagocaram
asaṃhataṃ sadātmānaṃ parā vijñā na cānyathā
100.59
parāpareti kathite naiveha paramārthataḥ
ahameva jagat sarvaṃ mayyeva sakalaṃ jagat
100.60
matta utpadyate tiṣṭhan mayi mayyeva līyate
matto nānyaditośce ta manovākpāṇibhistathā
100.61
sarvamātmani sampaśye ta majñāsañca samāhitaḥ
sarvaṃ hyātmani sampaśyanna bāhye kurute manaḥ
100.62
adho dṛṣṭyā vitastyāntu nābhyāmupari tiṣṭhati
hṛdayaṃ tadvijānīyādviśvasyāyatanaṃ mahat
100.63
hṛdayasyāsya madhye tu puṇḍarīkamavasthitam
dharmakandasamudbhūtaṃ jñānanālaṃ suśobhanam
100.64
aiśvaryāṣṭadalaṃ śvetaṃ paraṃ vairāgyakarṇikam
chidrāṇi ca diśo yasya prāṇādyāśca pratiṣṭhitāḥ
100.65
prāṇādyaiścaiva saṃyuktaḥ paśyate bahudhā kramāt
daśaprāṇavahā nāḍyāḥ pratyekaṃ munipuṅgavāḥ
100.66
dvisaptatisahasrāṇi nādyaḥ samparikīrttitāḥ
netrasthaṃ jāgrataṃ vidyāt kaṇṭhe suptaṃ samādiśet
100.67
suṣuptaṃ hṛdayasthantu turīyaṃ mūrddhani sthitam
jāgre brahmā ca viṣṇuśca svapne caiva yathākramam
100.69
īśvarastu suṣupte tu turīye ca maheśvaraḥ
bahurupavadhārte'pi sarvaśaktyātmasumān
hṛtaṃ mānasasadbhāvattatta jāgradādi pravarttate
manobuddhirahaṅkāraścittañceti catuṣṭayam
100.70
yadā vyavasthitastai staiḥ svapna ityabhidhīyate
karaṇāni vilīnāni yadā svātmani suvratāḥ !
100.71
suṣuptaḥ kāraṇairbhinnasturīyaḥ parikīrttyate
parasturīyātīto'sau śivaḥ paramakāraṇam
100.72
jāgrat svapnasuṣuptiśca turīyañcādhibhautikam
ādhyātmikañca viprendrāścādhidaivikamucyate
100.73
tatsarvvamaṅgameveti veditavyaṃ vijānatā
jñānendriyāṇi viprendrāstathā karmmendriyāṇi ca
100.74
manobuddhirahaṅkāraścittañceti catuṣṭayam
adhyātmaṃ pṛthagevedaṃścaturddaśavidhaṃ smṛtam
100.75
draṣṭavyañcaiva śrotavyaṃ ghrātavyañca yathākramam
rasayitavyaṃ muniśreṣṭhāḥ ! sparśitavyaṃ tathaiva ca
100.76
mantavyañcaiva boddhavyamahaṅkarttavyameva ca
tathā cetayitavyañca vaktavyaṃ munipuṅgavāḥ !
100.77
ādātavyañca gantavyaṃ visargāṃyitameva ca
ānanditavyamityeta dvādhibhūtamanukramāt
100.78
ādityo'pi diśaścaiva pṛthivī varuṇastathā
vāyuścandrastathā brahmā rudraḥ kṣetrajña eva ca
100.76-2
agnirindrastathā viṣṇurmitro devaḥ prajāpatiḥ
ādhidaivikameva' hi caturdaśavidhaṃ kramāt
100.80
rājñī sudarśanā caiva jitā saumyā yathākramam
moghā baddhā mṛtā satyā madhyamā ca dijottamāḥ
100.82
nār̤aurābhiścatasraścaitra śaṅkharā caiva janbhikā
bhāskarā nāḍiyaśce tāścaturdaśanibandhanāḥ
100.83
vāyavo nār̤imadhyasthā bāhyakāṃśca caturdaśa
prāṇo vyānastvapānaśca udānaśca samānakaḥ
100.84
vairabhaṃśca tathā mukhyo hyantaryāmaḥ prabhañjanaḥ
kūrmmakaśca tathā śyenaḥ śvetāḥ kṛṣṇastathāparaḥ
100.85
nāga ityeve kathitā vāyavaśca caturdaśa
yadyaccakṣuṣya draṣṭavye tathāditye ca suvratāḥ
100.86
nāḍyāṃ prāṇe ca vijñāne tvānande ca yathākramam
hṛdyākāśe ya etasmin sarvvasminnantare paraḥ
100.87
ātmā ekaśca carati samupāsīta māṃ prabhum
ajaraṃ tamamatsañca aśokasamṛtaṃ dhruvam
100.88
caturdaśavidheṣkheva sañcaratyeka eva saḥ
līyante tāni tatraiva yadanya' nāsti vai dvijāḥ
100.89
eka eva hi sarvvajñaḥ sarvvaśaskhe ka eva saḥ
eṣa sarvādhipo devastvantaryāmī mahādyutiḥ
100.90
upāsyamānaḥ sarvvasya sarvvasaukhyaḥ sanātanaḥ
upāsyati na caiveha sarvvasaukhyaṃ dvijottamāḥ
100.90-2
upāsyamāno vedeśa śāstrai rnānāvidhairapi
naveṣa vedaśāstrāṇi sarvvajño yāsyati prabhuḥ
100.91
asyai vāvamidaṃ sarvva na so'dya bhavati svayam
svātmanā racitañcāsīdamṛtaṃ na kutaścana
100.92
sarvata pāṇināmeśca prāṇināṃ cāntarātmanaḥ
praśastānarthamaya va paścāt sa vidhīyate
100.93
apatayo'si bhūtānāṃ yoṣit svayamutātmanā
prāṇamayaśca kriyātmā saṅkalpātmā manomayaḥ
100.94
kālātmā soma eveha vijñānamaya ucyate
sadānandamayo bhūtvā maheśaḥ parameśvaraḥ
100.95
so'hameva jagat sarvaṃ mayyeva sakalaṃ sthitam
paratantraṃ svatantre'pi tadā bhāvādvicārataḥ
100.96
ekatvamapi nāstyeva dvaitaṃ tatra kutaskhaho
evaṃ nāstyatha satyaṃśca kuto'mṛtamajodbhavaḥ
100.97
nāntaḥprajño bahiḥprajño na cobhayagatastathā
na prajñā na ghanestvevaṃ na prājño jñānapūrvakaḥ
100.98
viditaṃ nāsti vedyaśca nirvāṇaṃ paramārthataḥ
nirvāṇañcaiva kaivalyaṃ niḥśreyasamanāmayam
100.99
asattathāparaṃ brahma ! paramātmā parāparam
nirvikalpaṃ nirābhāsaṃ jñānaṃ paryāya vācakam
100.100
prasavañca yadekāgraṃ tadā jñānamiti smṛtam
ajñānamitaratsarvaṃ nātra kāryā vicāraṇā
100.101
yasya prasavaṃ vijñānaṃ gurusamparkajaṃ dhruvam
rāgamaṃhāvṛtakrodha kāmatṛṣṇādibhiḥ sadā
100.102
aparāmṛṣṭamañcaiva vijñeyaṃ muktidaṃ vidam
ajñānamalapūrkatvāt puruṣo malinaḥ smṛtaḥ
100.103
tatkṣayāddhi bhavenmuktirnānyathā janmakoṭibhiḥ
jñānamekaṃ vinā nāsti puṇyapāpapariccayaḥ
100.104
jñānamevābhyasettasmāt kāryaṃ brahmavittamāḥ !
jñānābhyāsādvijendrāṇāṃ buddhirbhavati nirmalā
100.105
tathābhyāsādbhavej jñānaṃ hyavidyāṅgatarāyaṇāḥ
jñānenaikena tṛptasya tṛptasaṅghasya yoginaḥ
100.106
karttavyaṃ nāsti viprendrā ! asti cettattvavinna ca
iha loke pare cāpi karttavyaṃ nāsti tasya vai
100.107
jīvanmukto yatastasmād brahmavit paramāryataḥ
jñānābhyāsarato nityaṃ jñātatattvārthavit svayam
100.108
karttavyābhyāsamutsṛjya jñānamevādhigacchati
varṇāśramābhimānī yastyaktakrodho dvijottamāḥ !
100.106-2
anyatra ramate mūḍhaḥ so'jñānī nātra saṃśayaḥ
saṃsāraheturajñānaṃ saṃsārastattusaṃgrahaḥ
100.110
mokṣahetustathā jñānaṃ muktaḥ svātmanyavasthitaḥ
ajñāne sati viprendrāḥ ! krodhādyā nātra saṃśayaḥ
100.111
krodho harṣastathā lobho moho dambho dvijottamāḥ !
dharmādhamau hi teṣāñca tadvaśāttusaṃgrahaḥ
100.112
śarīre sati vai kleśaḥ so'vidyāṃ santyajed budhaḥ
avidyāṃ vidyayā hilvā sthitasyaiva ca yoginaḥ
100.113
krodhādyā nāśamāyānti dharmādharmāai ca vai dvijāḥ !
tat kṣayācca śarīraiśca na punaḥ samprayujyate
100.114
sa evamuktaḥ saṃsārād duḥkhatrayavivarjitaḥ
evaṃ jñānaṃ vinā nāsti dhyānaṃ dhyāturhi jarṣabhāḥ !
100.115
jñānaṃ gurorhi samparkācca vā cāparamārthataḥ
caturvyūhamiti jñātvā dhyātā dhyānaṃ samabhyaset
100.116
sahajāgantukaṃ pāpamasthivāgudbhavaṃ tathā
jñānāgnirdahate kṣipraṃ śuṣkendhanamivānalaḥ
100.117
jñānāt parataraṃ nāsti sarvvapāpavināśanam
abhyasecca sadā jñānaṃ sarvvasaṅgavivarjitaḥ
100.118
jñāninaḥ sarvvapāpāni jīryyante nātra saṃśayaḥ
leāke'pi na lipyeta pāpairnānāvidhairapi
100.119
jñānaṃ yathā tathā dhyānaṃ tasmāt dhyānaṃ samabhyaset
dhyānaṃ nirviṣayaṃ proktamādau saviṣayaṃ tathā
100.120
ṣaṭprakāraṃ samabhyasya catuḥṣaṭddaśabhistathā
tathā dvādaśadhā caiva punaḥ ṣoḍaśadhā kramāt
100.121
dvidhābhyasya ca yogīndro mucyate nātra saṃśayaḥ
śuddhajāmbūnadākāraṃ vidhūmāṅgārasannibham
100.122
pītaṃ raktaṃ sitaṃ vidyutkoṭikoṭisamaprabham
athavā brahmarandhrasthaṃ cittaṃ kṛtvā prayatnataḥ
100.123
na sitaṃ vāsitaṃ pītaṃ na smaredbrahmavidbhavet
ahiṃsakaḥ satyavādī asteyo sarvvayatnataḥ
100.124
parigrahavinirmukto brahmacārī dṛḍhavrataḥ
santuṣṭaḥ śaucasampannaḥ svādhyāyanirataḥ sadā
100.126
saṅgatādyābhyaset dhyānaṃ gurusamparkajaṃ dhruvam
na budhyati tathā dhyātā svādhyacittaṃ dvijottamāḥ! ||125.
na cābhimanyate yogo na paśyati samantataḥ
na ghrāti na śṛṇotyeva līnaḥ svātmani yaḥ svayam
100.127
na ca sparśaṃ vijānāti sa vai samarasaḥ smṛtaḥ
pārthive paṭale brahmā vāritale hariḥ svayam
100.128
āgneye kālarudrākhyo vāyutale maheśvaraḥ
suṣire saṃ śivaḥ sākṣāt kramādevaṃ vicintayet
100.126-2
yato śarvaḥ smṛto devo hyapāṃbhava iti smṛtaḥ
rudra eva tathā vahnau ugro vāvau vyavasthitaḥ
100.130
bhīmaḥ suṣiranāke'sau bhāskare maṇḍale sthitaḥ
īśānaḥ somabimbe ca mahādeva iti smṛtaḥ
100.131
puṃsāṃ paśupatirdevaścāṣṭadhā'haṃ vyavasthitaḥ
kāṭhinyaṃ yattanau sarvaṃ pārthivaṃ parigīyate
100.132
āpyaṃ dravamiti proktaṃ varṇākhyo vahnirucyate
yatsañcarati tadvāyuḥ suṣiraṃ yad dvijottamāḥ !
100.133
tadākāśañca viddānaṃ śabdajaṃ vyomasambhavam
tathaiva viprā ! viddānaṃ sparśākhyaṃ vāyusambhavam
100.134
rūpaṃ vāhneyamityuktamāpyaṃ rasamaya dvijāḥ !
gandhākhyaṃ pārthivaṃ bhūyaścintayedbhāskaraṃ kramāt
100.135
netre ca dakṣiṇe vāme somaṃ hṛdi vibhuṃ dvijāḥ !
ājānu pṛthivītamalānāmevārimaṇḍalam
100.136
cākaṇṭhaṃ vahnitatvaṃ syāllalāṭāntaṃ dvijottamāḥ !
vāyavyaṃ vai lalāṭādyaṃ vyomākhyaṃ vā śikhāgrakam
100.137
haṃsākhyañca tato brahma vyomavyorddhaṃ tataḥ param
vyomākhyo vyomamadhyastho hyayaṃ prāthamikaḥ smarataḥ
100.138
na jīvaḥ prakṛtiḥ sattvaṃ rajaścātha tamaḥ punaḥ
mahāṃstathābhimānaśca tanmātrāṇīndriyāṇi ca
100.138-2
vyomādīni ca bhūtāni naiveha parameśvarataḥ
vyāpya tiṣṭhatyato viśvaṃ sthāṇurityabhidhīyate
100.140
udeti sūyryo bhītaśca pavate vāta eva ca
dīptate candramā vahnirjvalatyapo vahanti ca
100.141
dadhāti bhūmirākāśamavakāśaṃ dadāti ca
tadāśrayā tataṃ sarvaṃ tasmādvai cintayet dvijāḥ!
100.142
tenaivādhiṣṭhitaṃ tasmātsmaratasarvaṃ dvijottamāḥ !
sarvyarūpamayaḥ śarvva iti matvā smaredbhavam
100.143
saṃsāraviṣataptānāṃ jñānadhyānāmṛtena vai
pratīkāraḥ samākhyāto nānyathā dvijasattamāḥ!
100.144
jñānaṃ dharmodbhavaṃ sākṣāt jñānādvai rāgyasambhavaḥ
vairāgyātparamaṃ jñānaṃ parasārthaprakāśakam
100.145
jñānavairāgyayuktasya yogasiddhirdvijottamāḥ !
yogasiddhā vimuktiḥ syāt satvaniṣṭhasya nānyathā
100.146
tamo vidyāpadacchannaścintyaṃ yatpadamavyayam
satvaśaktiṃ samāsthāya śivamabhyarcayed dvijāḥ !
100.147
yaḥ satvaniṣṭho madbhakto madarccanaparāyaṇaḥ
sarvato dharmaniṣṭhaśca sadotsāhī samāhitaḥ
100.148
sarvadvandvasaho dhīraḥ sarvabhūtahite rataḥ
ṛjusvabhāvaḥ satataṃ svasthacitto mṛduḥ sadā
100.146-2
amānī buddhimāṃñchāntastyaktaspardhī dvijottamāḥ !
sadā mumukṣurdharmajñaḥ svātmalakṣaṇalakṣaṇaḥ
100.150
ṛṇatrayavinirmuktaḥ pūrvajanmani puṇyabhāk
jarāyukto dvijo bhūtvā śraddhayā ca guroḥ kramāt
100.151
anyathā vāpi śuśrūṣāṃ kṛtvā kṛtrimavarjitaḥ
svargalokamanuprāpya bhuktvā bhogānanukramāt
100.152
āsādya bhārataṃ varṣaṃ brahmavijjāyate dvijāḥ !
samyagbījaṃ jñānamāsādya jñānino yogavidbhavet
100.153
karmī'yaṃ matsupūrṇasya jñānaprāptirdvijottamāḥ !
tasmādetena mārgeṇa vyagrasaṅgo dṛḍhavrataḥ
100.154
saṃsārakālagūṭākhyāmṛkṣate munipuṅgavāḥ !
evaṃ saṃkṣepataḥ proktaṃ mayā yuṣmākamadbhutam
100.155
jñānasyaiveha māhātmyaṃ prasaṅgādiha śobhanam
evaṃ pāśupataṃ yogaṃ kathitaṃ tvīśvareṇa tu
100.156
na deyaṃ yasya kasyāpi śivoktaṃ munipuṅgavāḥ !
dātavyaṃ yogine nityaṃ bhaktāniṣṭhāya supriyam
100.157
yaḥ paṭhecchṛṇuyādvāpi saṃsāraśamanaṃ naraḥ
sa yāti brahmasāyujyaṃ nātra kāryā vicāraṇā
100.157.p1
iti śrīliṅge pūrvabhāge saṃsāraviṣayakathanaṃ nāma ṣaḍ śītitamo'dhyāyaḥ || 86
Linked texts (5)
- Liṅgapurāṇa — Vyāsa, Sanskrit
- Lalitāsahasranāmastotra — Śambhu, Sanskrit
- Haribhaktivilāsa — Gopāla Bhaṭṭa Gosvāmin & Sanātana Gosvāmin 1535, Sanskrit
- Liṅgapurāṇa — Ativīrarāma Pāṇṭiyar 1500, Sanskrit
- Himavatkhaṇḍa — Sanskrit