Pramāṇa · Search · About · API

Linga 101

Liṅga 101

Language
Sanskrit

101.1

saptāśītitamo'dhyāyaḥ
sūta uvāca
niśamya te mahāprājñāḥ kumārādyāḥ pinākinam
procuḥ praṇamya vai bhītāḥ prasavaṃ parameśvaram

101.2

evañcedanayā devyā haimavatyā maheśvaram
krīḍase vividhairbhogaiḥ kathaṃ vaktumihārhasi

101.3

sūta uvāca
evamuktāḥ prahasyeśaḥ pinākī nīlalohitaḥ
prāha tāmambikāṃ prekṣya praṇipatya sthitān dvijān

101.4

bandhamocau na seveha mama svecchā śarīriṇaḥ
akartāṅgaḥ paśurjīvo vibhurbhoktā hyaṇaḥ pumān

101.5

māyī ca māyayā baddhaḥkarmabhiryujyate tu saḥ
jñānaṃ dhyānañca bandhaśca moco nāstyātmano dvijāḥ!

101.6

yadaikaṃ mayi vidvān yastasyāpi na ca sarvataḥ
eṣā vidyā hyahaṃ vedyaḥ prajñaiṣā ca śrutiḥ smṛtiḥ

101.7

dhṛtireṣā bhayā niṣṭhā jñānaśaktiḥ kriyā tathā
icchākhyā ca tathā hyājñā he vidye na ca saṃśayaḥ

101.8

na hyeṣā prakṛtirjevo vikṛtiśca vicārataḥ
vikāro naiva māyaiṣā sadasadvyaktivarjitā

101.6-2

purā mamājñā maddaktāt samutpannā sanātanī
pañcavakrā mahābhāgā jagatāmabhayapradā

101.10

tāmājñāṃ sampraviśyāhaṃ cintayaṃ jagatāṃ hitam
saptaviṃśat prakāreṇa sarvaṃ vyāpyānayā śivaḥ

101.11

tadāprabhṛti vai mokṣapravṛttirdvijasattamā !
sūta uvāca
evamuktā tadāpaśyadbhavānīṃ parameśvaraḥ

101.12

bhavānī ca tamālokya māyāmaharadavyayā
te māyā mavanirmuktā munayaḥ prekṣya pārvatīm

101.13

prītā babhūvumuktāśca tasmādeṣā parā gatiḥ
umāśaṅkarayorbhedo nāstyeva paramārthataḥ

101.14

dvidhā'sau rūpamāsthāya sthita eva na saṃśayaḥ
yadā vidvānasaṅgaḥ syādājñayā parameṣṭhinaḥ

101.15

tadā muktiḥ kṣaṇādeva nānyathā karmakoṭibhiḥ
kramī vivacito bhūtastrivraḍaḥ parameṣṭhinaḥ

101.16

prasādena kṣaṇāmu ktiḥ pratijñaiṣā na saṃśayaḥ
garbhastho jāyamāno vā bālo vā taruṇo'pi vā

101.17

vṛddho vā mucyate jantuḥ prasādātparameṣṭhinaḥ
aṇḍajodbhiddijo vāpi svedajo vāpi mucyate

101.18

prasādvādvai vadevasya nātra kāryā vicāraṇā
eṣa eva jagannātho bandhamocakarāḥ śivaḥ

101.18-2

bhūrbhuvaḥsvarmahaścaiva janaḥ satyantapaḥ svayam
saptalokastathāṇḍānāṃ koṭi koṭiśatāni ca-

101.20

vigrahaṃ devadevasya tathāṇḍāvaraṇāṣṭakam
saptaddīpeṣu sarveṣu parvateṣu vaneṣu ca

101.21

samudreṣu ca sarveṣu vāyuskandheṣu sarvataḥ
tathānyeṣu ca lokeṣu vasanti ca carācarāḥ

101.22

sarve bhavāṃśajā nūnaṃ gatisteṣāṃ sa eva ve
sarvo rudro namaste'stu puruṣāya mahātmane

101.23

viśvaṃ bhūtaṃ tathā jātaṃ bahudhā rudra eva saḥ
rudrāṃśaiṣā sthitā devī hyanayā muktirambikā

101.24

ityevaṃ khecarāḥ siddhā jajalpuḥ prītimānasāḥ
dṛṣṭāvalokya tān sarvān prasādādgamaya mbikā

101.25

tadā tiṣṭhanti sāyujyaṃ prāptāste khecarāḥ prabhoḥ

101.80

iti śrīlaiṅge pūrvabhāge munimohanaṃ nāma
saptatyotitamo'dhyāyaḥ samāptaḥ

Linked texts (2)