Linga 104
Liṅga 104
- Language
- Sanskrit
Contents
- 104.24 — 1 part
104.1
navatitamo'dhyāyaḥ
sūta uvāca
ata ūrdhvaṃ pravakṣyāmi yatīnā miha niścitam
prāyaścittaṃ śivaproktaṃ yatīnāṃ pāpaśodhanam
104.2
pāpaṃ hi trividhaṃ jñeyaṃ vāṅmanaḥkāyasaṃbhavam
satataṃ hi divārātrau yenedaṃ veṣṭyate jagat
104.3
tat karmaṇā vināpye ṣa tiṣṭhatīti parā śrutiḥ
kṣaṇameva prayojyantu āyuścantu vidhāravam
104.4
bhavedyogo pramattasya yogo hi paramaṃ balam
na hi yogāt paraṃ kiñcinnarāṇāṃ dṛśyate śubham
104.5
tasmādyogaṃ praśaṃsanti dharmayuktā manīṣiṇaḥ
avidyāṃ vidyayā jitvā prāpyaiśvaryyamanuttamam
104.6
dṛṣṭvā parāvaraṃ dhīrāḥ paraṃ gacchanti tat padam
vratāni yāni bhikṣūṇāṃ tathaivopatratāni ca
104.7
ekaikātikrame teṣāṃ prāyaścittaṃ vidhīyate
upetya tu striyaṃ kāmāt prāyaścittaṃ vinirdiśet
104.8
prāṇāyāmasamāyuktaṃ caret sāntapanaṃ vratam
tataścarati nirddeśāt kṛcchrānte samāhitaḥ
104.6-2
punarāśramamāgatya cared bhikṣuratandritaḥ
na dharmayuktamanṛtaṃ hinastīti manīṣiṇaḥ
104.10
tathāpi na ca karttavyaṃ prasaṅgo hyeṣa dāruṇaḥ
ahorātropavāsaśca prāṇāyāmaśataṃ tathā
104.11
asadvādo na karttavyo yatinā dharmalipsunā
paramāpannatenāpi na kāryyaṃ steyamapyuta
104.12
steyādabhyadhikaḥ kaścinnāstyadharma iti śrutiḥ
hiṃsā hyeṣā parā kaṣṭā stenyaṃ vai kathitaṃ tathā
104.13
yadetad draviṇaṃ nāma prāṇā hyete bahiñcarāḥ
sa tasya harate prāṇān yo yasya harate dhanam
104.14
evaṃ jñātvā suduṣṭātmā bhinnavṛtto vratācyutaḥ
bhūyo nirvedamāpannaścareścāndrāyaṇaṃ vratam
104.15
vidhinā śāstradṛṣṭena saṃvatsaramiti śrutiḥ
tataḥ saṃvatsasyānte bhūyaḥ prakṣīṇakalmaṣaḥ
putannirvvedamāpannaścared bhikṣuratandritaḥ
104.16
ahiṃsā sarvabhūtānāṃ karmaṇā manasā girā
prakāmādapi hiṃseta yadi bhikṣuḥ paśūn kramīn
104.17
kṛcchrātikṛcchraṃ kurvīta cāndrāyaṇamathāpi vā
skandedindriyadaurbalyāt striyaṃ dṛṣṭvā yatiryadi
104.18
tena dhārayitavyā vai prāṇāyāmāstu ṣoḍaśa
divāsvapnasya viprasya prāyaścittaṃ vidhīyate
104.19
trirātramupavāsāśca prāṇāyāmaśataṃ tathā
rātrau snānnaḥ śuciḥ snātvā dvādaśaiva tu dhāraṇāḥ
104.20
prāṇāyāmena śuddhātmā virajā jāyate dvijaḥ !
ekānnaṃ madhu māṃsaṃ vā amṛtārya tathaiva ca
104.21
abhojyāni yatīnāntu pratyakṣalavaṇāni ca
ekaikātikramātteṣāṃ prāyaścittaṃ vidhīyate
104.22
prājāpatyena kṛcchreṇa tataḥ pāpāt pramucyate
vyatikramāśca ye kecit vāṅmanaḥkāyasambhavāḥ
104.23
sadbhiḥ saha viniścitya yad brūyustat samācaret
104.24
caredbhicakṣuḥ samaloṣṭakāñcanaḥ
samastabhūteṣu ca sat samāhitaḥ
sthānaṃ dhruvaṃ śāśvatamavyayantu
paraṃ hi gatvā na punarihaṃ jāyate
104.24.p1
iti śrīlaiṅge pūrvabhāge yatiprāyaścittaṃ nāma navatitamo'dhyāyaḥ || 60
Linked texts (2)
- Liṅgapurāṇa — Vyāsa, Sanskrit
- Liṅgapurāṇa — Ativīrarāma Pāṇṭiyar 1500, Sanskrit