Pramāṇa · Search · About · API

Linga 105

Liṅga 105

Language
Sanskrit

105.1

ekanavatitamo'dhyāyaḥ
sūta uvāca !
ata ūrdhvaṃ pravakṣyāmi ariṣṭāni nibodhata
yena jñānaviśeṣeṇa mṛtyuṃ paśyanti yoginaḥ

105.2

arundhatīṃ dhruvañcaiva somacchāyāṃ mahāpaṃtham
yo na paśyetra jīvet sa naraḥ saṃvatsarāt param

105.3

araśmivantamādityaṃ raśmivantañca pāvakam
yaḥ paśyati na jīvedde māsādekādaśāt param

105.4

vamenmūtraṃ purīṣañca suvarṇaṃ rajataṃ tathā
pratyakṣamathavā svapne daśamāsān jīvati

105.5

raktavarṇaṃ drumaṃ paśyet gandharvanagarāṇi ca
paśyet pretapiśācāṃśca navamāsān sa jīvati

105.6

akasmācca bhavet sthūlo hyakasmācca kṛśo bhavet
prakṛteśca nivarteta cāṣṭau māsāṃśca jīvati

105.7

agrataḥ pṛṣṭhato vāpi khaṇḍaṃ yasya padaṃ bhavet
pāṃśukai kaīme vāpi saptamāsān sa jīvati

105.8

kākaḥ kapoto gṛdhro vā nilīyedyasya mūrdhani
kravyādo vā khago yasya ṣaṇmāsāṃścāti varttate

105.8-2

gacchet vāyasasaṅghaubhiḥ pāṃsuvarṣeṇa vā punaḥ
svacchāyāṃ vikṛtāṃ paśye caturaḥ pañca sa jīvati

105.10

anabhre vidyutaṃ paśyeddakṣiṇāṃ diśamāśritām
udake dhanuraindraṃ vā trīṇi dvau vā sa jīvati

105.11

apsu vā yadi vādarśa yo hyātmānaṃ na paśyati
aśiraskaṃ tathā paśyenmāsādūrdhvaṃ na jīvati

105.12

śavagandhi bhavedgātraṃ vasāgandhamathāpi vā
mṛtyuhyupāgatastasya ardhamāsānna jīvati

105.13

yasya vai snātamātrasya hṛdayaṃ pariśuṣyati
dhūmaṃ vā mastakāt paśyeddaśāhānna sa jīvati

105.14

sanmitro māruto yasya marmasthānāni kṛntati
śadbhiḥ spṛṣṭo na tṛpyeta tasya mṛtyurupasthitaḥ

105.15

ṛkṣavānarayuktena rathenāgāndha dakṣiṇām
gāyana nṛtyan vrajet svapne vidyān mṛtyurupasthitaḥ

105.16

kṛṣṇāmbaradharā śyāmā gāyantī vāpyathāṅganā
yaṃ nayeddakṣiṇāmāśāṃ svapne so'pi na jīvati

105.17

chidraṃ vā svasya kaṇṭhasya svapne yo vīkṣate naraḥ
nagnaṃ vā śramaṇaṃ dṛṣṭvā vidyān mṛtyu mupasthitam

105.18

āmastakatalādyastu nimajjet paṅkasāgare
dṛṣṭvā tu tādṛśaṃ svapnaṃ sadya eva na jīvati

105.16-2

bhasmāṅgārāṃśca keśāṃśca nadīṃ śuṣkāṃ bhujaṅgamān
paśyedvo daśarātrantu na sa jīvati tādṛśaḥ

105.20

kṛṣṇaiśca vikaṭaiścaiva puruṣairudyatāyudhaiḥ
pāṣāṇaistāḍyate svapne yaḥ sadyo na sa jīvati

105.21

sūryodaye pratyuṣasi pratyakṣā yasya vai śivāḥ
krośantyabhimukhāṃ pretya sa gatāyurbhavennaraḥ

105.22

yasya vā jātamātrasya hṛdayaṃ pīḍyate bhṛśam
jāyate dantaharṣaśca taṃ gatāyuṣamādiśet

105.23

bhūyo bhūyastasedyastu rātrau vā yadi vā divā
dīpagandhañca nāghrāti vidyānmṛtyamupasthitam

105.24

rātrau cendradhanuḥ paśye divā nakṣatramaṇḍalam
paranetreṣu cātmānaṃ na paśyenna sa jīvati

105.25

netranekaṃ sravedyasya karṇau sthānācca bhraśyataḥ
vakrā ca nāsā bhavati vijñe yo gatajīvitaḥ

105.26

yasya kṛṣṇā kharā jihvā padmābhāsañca ve mukham
gaṇḍo vā piṇḍikā rakte tasya mṛtyurupasthitaḥ

105.27

muktakeśo isaṃścaiva gāyan nṛtyaṃśca yo naraḥ
yāmyāmabhimukhaṃ gacchet tadantaṃ tasya jīvitam

105.28

yasya śvetaghanābhāsā śvetasarṣapasannibhā
śvetā ca mūrttirhya saktastasya mṛtyurupasthitaḥ

105.29

uṣṭrā vā rāsabhā vābhiyuktāḥ svapne rathe śubhāḥ
yasya so'pi na jīvet dakṣiṇābhimukho gataḥ

105.30

dve vātha parame'riṣṭe ekībhūtaḥ paraṃ bhavet
ghoṣaṃ na śṛṇuyāt karṇe jyotirnetre na paśyati

105.31

śvabhre yo nipatet svapne dvārañcāpi pidhīyate
na cottiṣṭhati yaḥ śvabhrāt tadantaṃ tasya jīvitam

105.32

jarddhā ca dṛṣṭirna ca sampratiṣṭhā
raktā punaḥ samyarivarttamānā
mukhasya śoṣaḥ suṣiro ca nābhiratyuṣṇamūtro viṣamastha eva

105.33

divā vā yadi vā rātrau pratyacaṃ yo nihanyate
hastāraṃ na ca paśyecca sa gatāyurna jīvati

105.34

agnipraveśaṃ kurute svapnānte yastu mānavaḥ
smṛtiṃ nopalabheccāpi tadantaṃ tasya jīvitam

105.35

yastu prāvaraṇaṃ śuklaṃ svakaṃ paśyati mānavaḥ
kṛṣṇaṃ raktamapi svapne tasya mṛtyurupasthitaḥ

105.36

ariṣṭe sūcite dehe tasmin kāla upasthite
tyaktā khedaṃ viṣādañca upeceta buddhimānnaraḥ

105.37

prācīṃ vā yadi vodīcīṃ diśaṃ niṣkramya vai śuciḥ
sameti sthāvare deśe vivikte jantuvarjite

105.38

udaṅmukhaḥ prāṅmukho vā svasthaścācānta eva ca
svastikenopaviṣṭastu namaskṛtvā maheśvaram

105.38-2

samakāyaśirogrīvo dhārayannāvalokayet
yathā dīpo nivātastho neṅgate sopamā smṛtā

105.40

prāgudak pravaṇe deśe tathā yuñjīta śāstravit
kāmaṃ vitarkaṃ prītiñca sukhaduḥkhe ubhe tathā

105.41

nigṛhya manasā sarvaṃ yuktaṃ dhyānamanusmaret
ghrāṇe ca rasane nityaṃ cakṣuṣo sparśane tathā

105.42

śrotre manasi buddhau ca tatra vacasi dhārayet
kālakarmāṇi vinnāya samūheṣveva nityaśaḥ

105.43

dvādaśādhyātkamityevaṃ yogadhāraṇamucyate
śatamarddhaśataṃ vāpi dhāraṇāṃ mūrdhni dhārayet

105.44

khinnasya dhāraṇādyogādvāyururdhvaṃ pravarttate
tataścāpūrayeddeham oṃkāreṇa samanvitaḥ

105.45

tathoṅkāramayo yogī akṣare tvakṣaro bhavet
ata ūrdhvaṃ pravakṣyāmi oṅkāraprāptilakṣaṇam

105.46

eṣa trimātro vijñeyo vyañjanañcātra śekharaḥ
prathamā vidyuto mātrā dvitīyā tāmasī smṛtā

105.47

tṛtīyā nirguṇāñcaiva mātrāmakṣaragāminīm
gāndhāro ceva vijñeyā gāndhā rasvarasambhavā

105.48

pipolikā gatisparśā prayuktā mūrdhni lakṣyate
yathā prayukta oṃkāraḥ pratiniyaryāti mūrddhani

105.48-2

tathāṅkāramayo yogī tvakṣaro tvakṣaro bhavet
praṇavo dhanuḥ śaro hyātmā brahma lakṣyamucyate

105.50

apramattena veddhavyaṃ śaravattanmayo bhavet
omityekākṣaraṃ hyetatguhāyāṃ nihitaṃ padam

105.51

omitye tat trayo lokāstrayo vedāstrayo'gnayaḥ
viṣṇukamāstrayastve te ṛka sāmāni yajūṃṣi ca

105.52

mātrā cārthañca tisrastu vijñeyāḥ paramārthataḥ
tatprayuktastu yo yogī tasya sālokyamāpnuyāt

105.53

akāro hyakṣaro jñeya ukāraḥ sahitaḥ smṛtaḥ
makārasahitoṅkārastrimāda iti saṃjñitaḥ

105.54

akārasyeṣa bhūrloka ukārī bhuva ucyate
savyañjano makārastu svarloka iti gīyate

105.55

oṅkārastu trayo lokāḥ śirastasya triviṣṭapam
bhuvanāṅgañca tat sarvaṃ brāhmaṃ tat padamucyate

105.56

nāvā pādo bahmaloko hyamāvantu śivaṃ padam
evaṃ jñānaviśeṣeṇa tat padaṃ samupāsate

105.57

tasmāddānaratirnityamamātraṃ hi tadakṣaram
upāsyaṃ hi prayatnena śāśvataṃ sukhamicchatā

105.58

hrasvā tu prathamā mātrā tato dīrghā tvanantaram
tataḥ plutavatī caiva tṛtīyā copadiṣyate

105.56-2

etāsu mātrā vijñeyā yathāvadanupūrvaśaḥ
yāvadeva tu śakyante dhāryyante tāvadeva hi

105.60

indriyāṇi mano buddhiṃ dhyāyannātmani yaḥ sadā
arddhaṃ tanmātramapi cet śṛṇu yatphalamāpnuyāt

105.61

māse māse'śvamedhena yo yajeta śata samāḥ
tena yat prāpyate puṇyaṃ mātrayā tadavāpna yāt

105.62

' na tathā tapasogreṇa na yajñairbhūridakṣiṇaiḥ
yat phalaṃ prāpyate samyak mātrayā tadavāpnuyāt

105.63

tatra caiṣā tu yā mātrā plutā nāmopadiṣyate
eṣā eva bhavet kāryā gṛhasthānāṃ tu yoginām

105.64

eṣāṃ vai bhaviśeṣeṇa aiśvaryyaṃ hyaṣṭalakṣaṇe
aṇimādye tu vijñeyā tasmāt yuñjīta tāṃ dvijāḥ

105.65

evaṃ hi yogasaṃyuktaḥ śucirdānto jitendriyaḥ
ātmānaṃ vidyate yastu sa sarvvaṃ vindate dvijāḥ !

105.66

tasmāt pāśupatairyogairātmānaṃ cintayet budhaḥ
ātmānaṃ jānate ye tu śucayaste na saṃśayaḥ

105.67

ṛco yajūṃṣi sāmāni vedopaniṣadastathā
yogajñānādavāpnoti brāhmaṇo'dhyātmacintakaḥ

105.68

sarvvatejomayo bhūtvā abhūtaḥ sa tu jāyate
yonisaṃkramaṇaṃ tyaktvā yāti vai śāśvataṃ padam

105.68-2

vṛkṣāṅkavāt phalaṃ pakkaṃ pavanena samīritam
namaskāreṇa rudrasya tathā pāpaṃ pramṛṣyati

105.70

yatra rudranamaskāraḥ sarvvakarmaphalo dhruvaḥ
anyadevanamaskārāna tat phalamavāpnuyāt

105.71

tasmāt triḥ praṇavaṃ yogī upāsīta maheśvaram
dṛgavistārakaṃ brahma tathā ca brahmavistaraiḥ

105.72

evaṃ dhyānasamāyuktaḥ svadehaṃ yaḥ parityajet
sa yāti śivasāyujyaṃ samuddhṛtya kulatrayam

105.73

athavāriṣṭamālokya maraṇe samupasthite
avimukteśvaraṃ gatvā vārāṇasyāntu śodhanam

105.74

yena kenāpi vā dehaṃ santajenmṛcyate naraḥ
śrīparvvate vā viprendrāḥ ! santyajet svatanaṃ naraḥ

105.75

sa yāti śivasāyujyaṃ nātra kāryyā vicāraṇā
avimuktaṃ paraṃ kṣetraṃ jantūnāṃ muktidaṃ sadā

105.76

seveta satataṃ dhīmān viśeṣāt maraṇāttike

Linked texts (6)