Linga 109
Liṅga 109
- Language
- Sanskrit
Contents
- 109.32 — 1 part
109.1
caturnavatitamo'dhyāyaḥ
ṛṣaya ūcuḥ
kathamasya pitā daityo hiraṇyākṣaḥ sudāruṇaḥ
viṣṇunā sūdanto viṣṇurbārāhatvaṃ kathaṃ gataḥ
109.2
tasya śṛṅgaṃ maheśasya bhūṣaṇatvaṃ kathaṃ gatam
etat sarvaṃ viśeṣeṇa sūta ! vaktumihārhasi
109.3
sūta uvāca
hiraṇyakaśiporbhrātā hiraṇyākṣa iti śrutaḥ
parāśūkāṃsureśasya pitā kālāntakopamaḥ
109.4
devān jitvātha daityendro badhvā ca dharaṇīmimām
nītvā rasātalañcakre bandīmindovaraprabhām
109.5
tataḥ sabrahmakā devāḥ parikhāntasukhaśriyaḥ
bādhitāstār̤itā badhvā hiraṇyākṣeṇa tena ye
109.6
balinā daityamukhyena krūreṇa sudurātmanā
praṇamya śirasā viṣṇuṃ daityakoṭivimarddanam
109.7
sarvve vijñāpayāmāsurddharaṇībandhanaṃ hareḥ
śrutvaitadbhagavān viṣṇurdharaṇībandhanaṃ hariḥ
109.8
bhūtvā yajñavarāho'sau yatrā sindhīśvave tathā
daityaiśca sārdhandaityendraṃ hiraṇyākṣaṃ mahābalam
109.9
daṃṣṭrāgrakoṭarā rūḍhena reje daityātmajastata
109.6-2
kalpādisu yathāpūrvvaṃ praviśya ca rasātalam
109.10
ānīya vasudhāṃ devīmaṅkasthāmakarodbahiḥ
tatastuṣṭāva deveśaṃ devadevaḥ pitāmahaḥ
109.11
śakrādyaiḥ sahito bhūtvā harṣagadgadayā girā
śāśvatāya varāhāya daṃṣṭriṇe daṇḍine namaḥ
109.12
nārāyaṇāya sarvāya brahmaṇe paramātmane
kartre dhartre dharāyāstu hartre devāriṇāṃ svayam
kartre netre surendrāṇāṃ śāstre ca sakalasya ca
109.13
tvamaṣṭamūttiṃstvamanantamūttiṃstvamādidevastvamanantaveditaḥ
tvayā kṛtaṃ sarvvamidaṃ prasīda
sureśa ! lokeśa ! varāha ! viṣṇo !
109.14
tathaikadaṃṣṭrāmukhāgrakoṭibhāmaiṛbhāgārddatamena viṣṇo !
hatāḥ kṣaṇāt kāmadadaityamukhyāḥ
khadaṃṣṭrakoṭyā saha putrabhṛtyaiḥ
109.15
tvayoddhṛtā deva ! dharā dhareśa !
dharā dharākāra ! dhṛtāgradaṃṣṭre
bharādhareḥ sarvvajanaiḥ samuddhaiḥ
surāsuraiḥ sevitacandravaktra !
109.16
tvayaiva deveśa ! vibho ! kṛtaśca
jayaḥ surāṇāmasureśvarāṇām
aho pradattastu varaḥ prasīda
vāṣṭe vatā vārijasambhavāya
109.17
tava romṇi sakalāmarembarā
nayanadvaye śaśiravī padadvaye
nihitā rasātala gatā vasundharā
tave pṛṣṭhataḥ sakalatārakādayaḥ
109.18
jagatāṃ hitāya bhavatā vasundharā
bhagavan ! rasātalapuṭaṃ gatā tadā
avalohṛ tā ca bhagavaṃ svayaiva
sakalaṃ tvayaiva hi dhṛtaṃ jagadguro !
109.18-2
iti vāk patirvvahuvidhaiḥstavācanaiḥ
praṇipatya viṣṇamamaraiḥ prajāpatiḥ
vividhān varān harisukhāttu labdhavān
harinābhivārijadehabhṛt svayam
109.20
atha tāmuddhṛtāṃ tena dharāṃ devā munīśvarāḥ
mūrddhāropya namaścakruścakriṇaḥ sannidhau tadā
109.21
anenaiva varāheṇa coddha tāsi varaprade !
kṛṣṇe nākliṣṭakāryyeṇa śatahastena viṣṇunā
109.22
dharaṇi ! tvaṃ mahābhoge ! bhūmisrva' dhenuravyaye !
lokānāṃ dhāraṇī tvaṃ hi mṛttike ! hara pātakam
109.23
manasā karmaṇā vācā varade ! ārijeśrvaṇe !
tvayā hatena pāpena jīvāmastvat prasādataḥ
109.24
ityuktā sā tadā devī dharo devairathāmravīt
varāhadaṃṣṭrā bhinnāyāṃ dharāyāṃ mṛttikāṃ dvijāḥ !
109.25
mallepanena yo vibhrat mūrdhni pāpāt pramucyate
śāyuṣmān balavān dhanyaḥ putrapautrasamanvitaḥ
109.26
kramād bhuvi divaṃ prāpya karmākto modate suraiḥ
atha deve gate tyaktvā varāhaṃ kṣīrasāgaram
109.27
vārāharūpamanaghañcacāla ca dharā punaḥ
tasya daṃṣṭrā bharākrāntā devadevasya dhīmataḥ
109.28
yadṛcchayā bhavaḥ paśyan jagāma jagadīśvaraḥ
daṃṣṭrāṃ jagrāha dṛṣṭvā tāṃ bhūṣaṇārthamathātmanaḥ
109.29
dadhāra ca mahādevaḥ kūrccānte vai mahorasi
devāśca tuṣṭuvuḥ sendrā devadevasya vai bhavam
109.30
dharā pratiṣṭhitā hyevaṃ devadevena līlayā
bhūtānāṃ saṃplave vāpi viṣṇostai va kalevaram
109.31
brahmaṇaśca tathānyeṣāṃ devānārmāpa līlayā
vibhuraṅgavibhāgena bhūṣito na yadi prabhuḥ
109.32
kathaṃ vimuktirviprāṇāṃ tasmād daṃṣṭrī maheśvaraḥ
109.32.p1
iti śrīlaiṅge pūrvabhāge varāhaprādurbhāvo nāma caturnavatitamo'dhyāyaḥ || 94
Linked texts (2)
- Liṅgapurāṇa — Vyāsa, Sanskrit
- Liṅgapurāṇa — Ativīrarāma Pāṇṭiyar 1500, Sanskrit