Pramāṇa · Search · About · API

Linga 11: atha daśamo'dhyāyaḥ

Liṅga 11

Language
Sanskrit

atha daśamo'dhyāyaḥ

11.1

sūta uvāca
satāṃ jitātmanāṃ sākṣād dvijātīnāṃ dvijottamāḥ !
dharmajñānācca sādhūnāmācāryāṇāṃ śivātmanām

11.2

dayāvatāṃ dvijaśreṣṭhāstathācaiva tapasvinām
sannyāsināṃ viraktānāṃ jñānināṃ vaśagātmanām

11.3

dānināṃ caiva dāntānāṃ trayāṇāṃ satyavādinām
alubdhānāṃ sayogānāṃ śrutismṛtividāṃ dvijāḥ !

11.4

śrautasmārttāviruddhānāṃ prasīdati maheśvaraḥ
saditi brahmaṇaḥ śabdastadante ye labhantyuta

11.5

sāyujyaṃ brahmaṇā yānti tena santaḥ pracakṣate
daśātmake ye viṣaye sādhane cāṣṭalakṣaṇe

11.6

na kruṣyanti na hṛṣyanti jitātmānastu te smṛtāḥ
sāmānyeṣu ca dravyeṣu tathā vaiśeṣikeṣu ca

11.7

brahmakṣatraviśo yasmād yuktāstasmād dvijātayaḥ
varṇāśrameṣu yuktasya svargādisukhakāriṇaḥ

11.8

śrautasmārttasya dharmasya jñānāddharmajña ucyate
vidyāyāḥ sādhanātsādhurbrahmacārī gurorhitaḥ

11.6-2

kriyāṇāṃ sādhanāccaiva gṛhasthaḥ sādhurucyate
sādhanāttapaso'raṇye sādhurvaikhānasaḥ smṛtaḥ

11.10

yatamāno yatiḥ sādhuḥ smṛto yogasya sādhanāt
evamāśramadharmmāṇāṃ sādhanāt sādhavaḥ smṛtāḥ

11.11

gṛhastho brahmacārī ca vānaprastho yatistathā
dharmādharmāviha proktau śabdāveto kriyātmakau

11.12

kuśalākuśalaṃ karma dharmādharmāviti smṛtau
dhāraṇārthe mahān hyeṣa dharmaśabdaḥ prakīrtitaḥ

11.13

adhāraṇe mahattve ca adharma iti cocyate
ateṣṭaprāpako dharma ācāryairupadiśyate

11.14

adharmaścāniṣṭaphalo hyācāryairupadiśyate
vṛddhāścālolupāścaiva ātmavanto hyadāmbhikāḥ

11.15

samyag vinītā ṛjavastānācāryān pracakṣate
svayamācarate yasmādācāre sthāpayatyapi

11.16

ācinoti ca śāstrārthānāryāstena cocyate
vijñeyaṃ śravaṇācchrautaṃ smaraṇāt smārttamucyate

11.17

ijyā vedātmakaṃ śrautaṃ smārttaṃ varṇāśramātmakam
dṛṣṭānurūpamarthaṃ yaḥ pṛṣṭo naivāpi gūhati

11.18

yathādṛṣṭapravādastu satyaṃ laiṅge'tra paṭhyate
brahmacaryaṃ tathā maunaṃ nirāhāratvameva ca

11.16-2

ahiṃsā sarvataḥ śāntistapa ityabhidhīyate
ātmavat sarvabhūteṣu yo hitāyāhitāya ca

11.20

varttate lasakrudhaṃsiḥ kṛtsnā hyeṣā dayā smṛtā
yadyadiṣṭatamaṃ dravyaṃ nyāyenaivāgataṃ kramāt

11.21

tattadgu ṇavate deyaṃ dātustaddānalakṣaṇam
dānaṃ trividhamityetat kaniṣṭhajyeṣṭhamadhyamam

Linked texts (2)