Pramāṇa · Search · About · API

Linga 110

Liṅga 110

Language
Sanskrit

110.1

ṛṣaya ūcuḥ
nṛsiṃhena hataḥ pūrvaṃ hiraṇyākṣāgrajaḥ śrutam
' - - hiraṇyakaśipurvaiha

110.2

sūta uvāca
hiraṇyakaśipoḥ putraḥ prahlāda iti viśrutaḥ
dharmajñaḥ satyasandhastapasvī cābhavat sudhīḥ

110.3

janmaprabhṛti deveśaṃ pūjayāmāsa cāvyayam
sarvvajñaṃ sarvvagaṃ viṣṇuṃ sarvvadevabhavodbhavam

110.4

tamādipuruṣaṃ bhaktyā parabrahmasvarūpiṇam
brahmaṇo'dhipatiṃ sṛṣṭisthitisaṃhārakāraṇam

110.5

so'pi viṣṇostathābhūtaṃ dṛṣṭvā putraṃ samāhitam
namo nārāyaṇāyeti govindeti muhurmuhuḥ

110.6

stuvantaṃ prāha devāriḥ pradahanniva pāpadhīḥ
na māṃ jānāsi durbuddhe ! sarvvadaityāmareśvaram

110.7

prahlāda ! vīra ! duṣṭutra ! dvijadevāttiṃ kāraṇam
ko viṣṇuḥ padmajo vāpi śakraśca varuṇo'thavā

110.8

vāyuḥ somastatheśānaḥ pāvako mama yaḥ samaḥ
māmevārcaya bhaktyā tvaṃ tyaja nārāyaṇaṃ sadā

110.6-2

prahlāda ! jīvite vāñchā tavaiṣā śṛṇu cāsti cet
śrutvāpi tasya vacanaṃ hiraṇyakaśipoḥ sudhīḥ

110.10

prahlādaḥ pūjayāmāsa namo nārāyaṇoti ca
namo nārāyaṇāyeti sarvvadaityakumārakān

110.11

adhyāpayāmāsa ca tāṃ brahmavidyāṃ suśobhanām
durlaṅghyājñātmano dṛṣṭvā śakrādibhirapi svayam

110.12

putreṇa laṅghitāmājñāṃ hiraṇyaḥ prāha dānavān
etaṃ nānāvidhai rvadhyairduṣṭutraṃ hantumarhatha

110.13

evamuktāstata stena daityena bahurākṣasāḥ
nijaghnu rdevadevasya bhṛtyaṃ prahlādamavyayam

110.15

tanna tat pratihataṃ tadā surairdetyarājatanayaṃ dvijottamāḥ
ghoravāri nidhiśāyinaḥ prabhorniṣphalaṃ tvatha babhūva tejasā
tadātha garvabhinnasya hiraṇyakaśipoḥ prabhuḥ
tatraivāvirabhūd dharttuṃ nṛsiṃhākṛtimāsthitaḥ

110.16

jaghāna ca sutaṃ prekṣya pitaraṃ dānavādhamam
bibheda tatkṣaṇādeva karajairniśitaiḥ śataiḥ

110.17

tato nihatya taṃ daityaṃ sabāndhavamaghāpahaḥ
pīḍayāmāsa daityendraṃ yugāntāgnirivāparaḥ

110.16-2

nādaistasya nṛsiṃhasya ghorairvinnāsitaṃ jagat
ābrahmabhuvanād viprāḥ pracacāla ca sarvvataḥ ! ! 18
dṛṣṭvā surāsuramahoragasiddhasādhyāstasmin kṣaṇe harivirañcimukhā nṛsiṃham
dhairyyaṃ balañca samavāpya yayurvihastya
ādikṣukhāttamasurakṣaṇatatparāśca

110.20

tatastairgataiḥ seṣa devo nṛsiṃhaḥ
sahasrākṣatiḥ sarvvapāt sarvvabāhuḥ
sahasre caṇaḥ somasūryāgninetrastadā saṃsthitaḥ sarvvamāvṛtya māyau

110.21

tantuṣṭuvuḥ suraśreṣṭhā lokālokācale sthitāḥ
saprahlādāḥ sasiddhāśca sayamāḥ samarudgaṇāḥ

Linked texts (2)