Linga 114

Liṅga 114

jagatsaṃhārakāreṇa pravṛtto narakesarī
yājanīyo namastasmai maṅgaktisiḍikāṃkṣibhiḥ

etāvaduktvā bhagavān vīrabhadro mahābalaḥ
prapaśyan sarvvabhūtānāṃ tatrai vāntaradhīyata

nṛsiṃhakṛttivasanastadāprabhṛti śaṅkaraḥ
tato devā nirātaṅkāḥ kīrttayantaḥ kathāmimām
vismayotphullanayanā jagmuḥ sarve yathākramam

ya idaṃ paramākhyānaṃ puṇyaṃ devaiḥ samanvitam
paṭhitvā śṛṇute caiva sarvaduḥkhavināśanam

dhanyaṃ yaśasyamāyuṣyamārogyaṃ puṣṭivarddhanam
sarvavighnapraśamanaṃ sarvavyādhivināśanam

apamṛtyupraśamanaṃ mahāśāntikaraṃ śubham
aricakrapraśamanaṃ sarvādhipravināśanam

tato duḥsvapnaśamanaṃ sarvabhūtanivāraṇam
viṣagrahakṣayakaraṃ putrapautrādivarddhanam

yogasiddhipradaṃ samyak śivajñānaprakāśakam
śeṣalokasya sopānaṃ vāñchitārthaikasādhanam

viṣṇumāyānirāsanaṃ devatā paramārthadam
vāñchāsiddhipradañcaiva ṛddhiprajñādisādhanam

idantu śarabhākāraṃ paraṃ rūpaṃ pinākinaḥ
prakāśitavyaṃ bhakteṣu śireṣūdyamiteṣu ca

taireva paṭhitavyañca śrotavyañca śivātmabhiḥ
śivotsaveṣu sarveṣu caturddaśyaṣṭamīṣu ca

paṭhet pratiṣṭhākāleṣu śivasannidhikāraṇam
coravyāghrādisiṃhāntakṣato rājabhayeṣu ca

anāvṛṣṭyātamūkampadavāgnipāṃsuvṛṣṭiṣu
ulkāpāte mahāvāte vinā vastrātivṛṣṭiṣu

sa rudratvaṃ samāsādya rudrasyānucaro bhavet

iti śrīlaiṅge pūrvabhāge śarabhaprādurbhāvo nāma ṣaṇṇavati tamo'dhyāyaḥ || 96

Linked texts (3)