Linga 116

Liṅga 116

ṛṣaya ūcuḥ
kathaṃ daityena vai sūta ! devadevādviśeṣataḥ
sūta uvāca
devānāmasurandrāṇāmabhavacca sadāhavaḥ
sarveṣāmeva bhūtānāṃ vināśakaraṇo mahān

te devāḥ śaktimudgaraiḥ sāyakairnataparvvabhiḥ
abhipyamānāḥ kunteśca dudruvurbhayavihvalāḥ

parājitāstadā devā devadeveśvaraṃ harim
praṇemustaṃ suregānaṃ śokasaṃvignamānasāḥ

tān samīkṣyātha bhagavān devadeveśvaro hariḥ
praṇipatya sthitān devānidaṃ vacanamabravīt

vatsāḥ ! kimiti vo devāścyutasaṅgāravikramāḥ
samāgatāḥ sasantāpā vaktumarhatha suvratāḥ !

tasya tadvacanaṃ śrutvā tathābhūtāḥ surottamāḥ
praṇamyāḍuryathāvṛttaṃ devadevāya viṣṇave

bhagavan devadeveśa ! viṣṇo ! jiṣṇo ! janārddana !
dānavaiḥ pīḍitāḥ sarve vayaṃ śaraṇamāgatāḥ

tvameva devadeveśa ! gatirnaḥ puruṣottama !
tvameva paramātmā hi tvaṃ pitā jagatāmapi

tvameva bharttā harttā ca bhoktā dātā janārddana !
hantumarhasi tasmāttvaṃ dānavān dānavārddana !

daityāśca vaiṣṇavairvāṇai raudrairyāmyaiḥ sudāruṇaiḥ
kauvereścaiva saumyaiśca naiṛtairvāruṇairbrahaiḥ

vāyavyaiśca tathāgneyairāgneyairṛṣisaṃbhavaiḥ
saurai raudraistathā saumyaiḥ kāmadevaiśca sarvvaśaḥ

sūryyamaṇḍalasambhūtaṃ svadīyacakramudyatam

Linked texts (3)