Linga 119
Liṅga 119
- Language
- Sanskrit
Contents
- 119.20 — 1 part
119.1
navanavatitamo'dhyāyaḥ
ṛṣaya ūcuḥ
sambhavaḥ sūcito devyāstvayā sūta ! mahāmate !
savistaraṃ vadasvādya satītve ca yathātatham
119.2
menājantvaṃ mahādevyā dakṣayajñavimarddanam
viṣṇunā ca kathaṃ dattā devadevāya śambhave
119.3
kalyāṇaṃ vā kathaṃ tasya vaktu marhasi sāmpratam
teṣāṃ tadvacanaṃ śrutvā sūtaḥ paurāṇikottamaḥ
119.4
sambhavañca mahādevyaḥ prāha teṣāṃ mahātmanām
sūta uvāca
brahmaṇā kathitaṃ pūrvvaṃ daṇḍine tat suvistaram
119.5
yuṣmābhirvai kumārāya tena vyāsāya dhīmate
tasmādahamupaśrutya pravadāmi suvistaram
119.6
vacanādbho mahābhāgāḥ ! praṇamyomāṃ tathā bhavam
sā bhagākhyā jagaddhātrī liṅgamūrttestrivedikā
119.7
liṅgastu bhagavān hābhyāṃ jagat sṛṣṭarhijottamāḥ
liṅgamūrttiḥ śivo jyotistamasaścopari sthitaḥ
119.8
liṅgave disamāyogāda nārauśvaro'bhavat
brahmāṇaṃ vidadhe devamagre pūrvvañcaturmukham
119.8-2
prāṇitotisma tasyaiva jñānaṃ jñānamayo haraḥ
viśvādhiko'sau bhagavānarddha nārīśvaro vibhuḥ
119.10
hiraṇyagarbhaṃ taṃ devo jāyamānamapaśyata
so'pi rudraṃ mahādevaṃ brahmā paśyata śaṅkaram
119.11
taṃ dṛṣṭvā saṃsthitaṃ devamarddhanārīśvaraṃ prabhum
tuṣṭāva vāgbhiriṣṭābhirvaradaṃ vārijodbhavaḥ
119.12
vibhajasveti viśveśaṃ viśvātmānamajo vibhuḥ
sasarja devīṃ vāmāṅgāt patnīñcaivātmanaḥ samām
119.13
mahāhyasya śubhā patnī tataḥ puṃsaḥ purātanī
sevājñayā vibhordevī dakṣaputrī babhūva ha
119.14
satīsaṃjñā tadā sā vai rudramevāśritā patim
dakṣaṃ vinindya kālena devī mainā hyabhūt punaḥ
119.15
nāradasyaiva dakṣo'pi śāpādeva vinindya ca
avajñādurmado dakṣo devadevamumāpatim
119.16
anādṛtya satiṃ jñātvā satī dakṣeśa tatkṣaṇāt
bhasmaukṛtyātmano dehaṃ yogamārgeṇa sā punaḥ
119.17
babhūva pārvatī devī tapasā ca gireḥ prabhoḥ
jñātvaitadbhagavāṃn bhargo dadāha ruṣitaḥ prabhuḥ
119.18
dakṣasya vipulaṃ yajñaṃ cyāvanervacanādapi
cyavanasya suto dhīmān dadhīca iti viśrutaḥ
119.18-2
vijitya viṣṇuṃ samare prasādāttryambakasya ca
viṣṇu nā lokapālāṃśca śaśāpa ca munīśvaraḥ
119.20
rudrasya krodhajenaiva vahninā haviṣā surāḥ
vināśo vai kṣaṇādeva māyayā śaṅkarasya vai
119.20.p1
iti śrīlaiṅge pūrvabhāge devīsambhave nāma navanavatitamo'dhyāyaḥ || 99
Linked texts (2)
- Liṅgapurāṇa — Vyāsa, Sanskrit
- Liṅgapurāṇa — Ativīrarāma Pāṇṭiyar 1500, Sanskrit