Linga 12
Liṅga 12
- Language
- Sanskrit
Contents
- 12.53 — 1 part
12.0
kāruṇyāt sarvabhūtebhyaḥ saṃvibhāgastu madhyamaḥ
12.22
śrutismṛtibhyāṃ vihito dharmo varṇāśramātmakaḥ
12.23
śiṣṭācāraviruddhaśca sa dharmaḥ sādhurucyate
māyākarmaphalatyāgī śivātmā parikīrttitaḥ
12.24
nivṛttaḥ sarvasaṅgebhyo yukto yogo prakīrttitaḥ
asaktobhayato yastu viṣayeṣu vicārya ca
12.25
alabdhaḥ saṃyamo proktaḥ prārthito'pi samantataḥ
ātmārthaṃ vā parārthaṃ vā indriyāṇīha yasya vai
12.26
na mithyā sampravarttante śamasyaiva tu lakṣaṇam
anudvigno hyaniṣṭeṣu tatheṭānnabhinandati
12.27
śrotitāpaviṣādebhyo vinivṛttirviraktatā
sanyāsaḥ karmaṇāṃ nyāsaḥ kṛtānāmakṛtaiḥ saha
12.28
kuśalākuśalānāñca prahāṇaṃ nyāsa ucyate
avyaktādyaviśeṣāste vikāre'sminnacetane
12.28-2
cetanācetanānyatvavijñānaṃ jñānamucyate
evantu jñānayuktasya śraddhāyuktasya śaṅkaraḥ
12.30
prasīdati na sandeho dharmaścāyaṃ dvijottamāḥ !
kintu guhyatamaṃ vakṣye sarvatra parameśvare
12.31
bhave bhaktirna sandehastayā yukto vimucyate
ayogyasyāpi bhagavān bhaktasya parameśvaraḥ
12.32
prasīdati na sandeho nigṛhya vividhaṃ tamaḥ
jñānamadhyāpanaṃ homo dhyānaṃ yajñastapaḥ śrutam
12.33
dānamadhyayanaṃ sarvaṃ bhavabhaktyai na saṃśayaḥ
cāndrāyaṇasahasraiśca prājāpatyaśataistathā
12.34
māsopavāsikānyairvā gatirmuniparottamāḥ !
abhaktā bhagavatyasmin loke giriguhāśraye
12.35
patanti cātmabhogārthaṃ bhakto bhāvena mucyate
bhaktānāṃ darśanādeva nṛṇāṃ svargādayo dvijāḥ !
12.36
na durlabhā na sandeho bhaktānāṃ kiṃ punastathā
brahmaviṣṇusurendrāṇāṃ tathānyeṣāmapi sthitiḥ
12.37
bhaktyā eva munīndrāśca balasaubhāgyameva ca
bhavecca tathā proktaṃ samyagdhomāṃ pinākinā
12.38
devyai devena madhuraṃ vārāṇasyāṃ purā dvijāḥ !
avimukte samāsīno rudreṇa paramātmanā
12.38-2
rudrāṇī rudramāhedaṃ labdhvā vārāṇasīṃ purīm
kena vaśyo mahādeva ! pūjyo dṛśyastvamīśvaraḥ
12.40
tapasā vidyayā vāpi yogeneha vada prabho !
niśamya vacanaṃ tasyāstathā hyālokya pārvatīm
12.41
āha bālendutilakaḥ pūrṇenduvadanāṃ hasan
smṛtvāya menayā patrayā girergāṃ kathitāṃ purā
12.42
cirakālasthitiṃ prekṣya girau devyā mahātmanaḥ
devi ! labdhā purī ramyā tvayā yat praṣṭumarhasi
12.43
sthānārthaṃ kathitaṃ mātrā vismṛteha vilāsini !
purā pitāmahenāpi pṛṣṭaḥ prabrūvatāṃvare !
12.44
yathā tvayādya vai pṛṣṭo draṣṭuṃ brahmātmakaṃ tvaham
śvete śvetena varṇena dṛṣṭvā kalpe tu māṃ śubhe !
12.45
sadyojātaṃ tathā rakte raktaṃ vāmaṃ pitāmahaḥ
pīte tat puruṣaṃ pītamaghore kṛṣṇamīśvaram
12.46
īśānaṃ viśvarūpākhya ! viśvarūpaṃ tadāha mām
pitāmaha uvāca
vāma tatpuruṣāghora ! sadyojāta maheśvara !
12.47
dṛṣṭo mayā tvaṃ gāyatryā devadeva maheśvara !
kena vaśyo mahādeva ! dhyeyaḥ kutra ghṛṇānidhe !
12.48
dṛśyaḥ pūjyastathā devyā vakta marhasi śaṅkara !
bhagavānuvāca
avocaṃ śraddhayaiveti vaśyo vārijasambhava !
12.46-2
dhyeyo liṅge tvayā dṛṣṭe viṣṇunā payasāṃ nidhau
pūjyaḥ pañcāsyarūpeṇa pavitraiḥ pañcabhirdvijaiḥ
12.50
bhava ! bhaktyādya dṛṣṭo'haṃ tvayāṇḍaja ! jagadguro !
so'pi māmāha bhāvārthaṃ dattaṃ tasmai mayā purā
12.51
bhāvaṃ bhāvena deveśi ! dṛṣṭavān māṃ hṛdīśvaram
tasmāt śraddhayā vaśyo dṛśyaḥ śreṣṭhagireḥ sute !
12.52
pūjyo liṅge na sandehaḥ sarvadā śraddhayā dvijaiḥ
śraddhā dharmaḥ paraḥ sūkṣmaḥ śraddhā jñānaṃ hutaṃ tapaḥ
12.53
śraddhā svargaśca mokṣaśca dṛśyo'haṃ śraddhayā sadā
12.53.p1
iti śrolaiṅge bhaktibhāvakathanaṃ nāma daśamo'dhyāyaḥ
Linked texts (2)
- Liṅgapurāṇa — Vyāsa, Sanskrit
- Liṅgapurāṇa — Ativīrarāma Pāṇṭiyar 1500, Sanskrit