Linga 120
Liṅga 120
- Language
- Sanskrit
120.1
śatatamo'dhyāyaḥ
ṛṣaya ūcuḥ
vijitya viṣṇu nā sārddhaṃ bhagavān parameśvaraḥ
sarvān dadhīcavacanāt kathaṃ bheje maheśvaraḥ
120.2
sūta uvāca
dakṣayajñe suvipule devān viṣṇupurogamān
dadāha bhagavān rudraḥ sarvān munigaṇāṃnapi
120.3
bhadro nāma gaṇastena preṣitaḥ parameṣṭhinā
viprayogena devyā vai duḥsahenaiva suvratāḥ !
120.4
so'sṛjadvīrabhadraśca gaṇeśāṃ romajāṃñchubhān
gaṇeśvaraiḥ samāruhya rathaṃ bhadraḥ pratāpavān
120.5
gantuñcakre matiṃ yasya sārathirbhagavānajaḥ
gaṇeśvarāśca te sarve vividhāthudhapāṇayaḥ
120.6
vimānairvismatobhadrai stamanvayuratho surāḥ
himavacchikhare ramye hemaśṛṅge suśobhane
120.7
yajñavāṭastathā tasya gaṅgādvārasamīpataḥ
taddeśe caiva vikhyātaṃ śubhaṃ ka nakhalaṃ dvijāḥ !
120.8
dṛṣṭuṃ vai preṣitahyāso bhagavān parameṣṭhinā
tadotpātā babhūvātha lokānāṃ bhayaśaṃsanaḥ
120.6-2
parvatāśca vyaśīryyanta pracakampe vasundharā
marutaścāpyaghūrṇanta cukṣubhe makarālayaḥ
120.10
agnayo naiva dīpyanti na ca dīpyati bhāskaraḥ
grahāśca na prakāśante na devā na ca dānavāḥ
120.11
tataḥ kṣaṇāt praviśyaiva yajñavāṭaṃ mahātmanaḥ
romajaiḥ sahito bhadraḥ kālāgniriva cāparaḥ
Linked texts (3)
- Liṅgapurāṇa — Vyāsa, Sanskrit
- Adbhutasāgara — Ballālasena & Lakṣmaṇasena, Sanskrit
- Liṅgapurāṇa — Ativīrarāma Pāṇṭiyar 1500, Sanskrit