Pramāṇa · Search · About · API

Linga 123

Liṅga 123

Language
Sanskrit

123.1

ekādhikaśatatamo'dhyāyaḥ
ṛṣaya ūcuḥ
kathaṃ himavataḥ putrī babhūvāmbā satī śubhā
kathaṃ vā devadeveśamavāpa patimīśvaram

123.2

sūta uvāca
sā menā tanumāviśya svecchayaiva varāṅganā
tadā haimavatī jajñe tapasā ca dvijottamāḥ

123.3

jātakarmārmadikāḥ sarvāścakāra ca girīśvaraḥ
dvādaśe ca tathā varṣe pūrṇe haimavatī śubhā

123.4

tapaścakre tadā sārdhaṃ manujā ca śubhānanā
anyā ca devī tanujā sarvvalokanamaskṛtā

123.5

apaśyam tadā sarve sarvvalokamaheśvaram
tuṣṭuvustarasā devīṃ samāgatya samantataḥ

123.6

jyeṣṭhā hyaparṇā hyanujā caikaparṇā śubhānanā
tṛtīyā ca varārohā tathā caivaikapāṭalā

123.7

tapasā ca mahādevyāḥ pārvatyāḥ parameśvaraḥ
vaśīkṛto mahādevaḥ sarvabhūtapatirbhavaḥ

123.8

etasminneva kāle tu tārako nāma dānavaḥ
tārakākṣo mahātejā babhūva ditinandanaḥ

123.6-2

tasya putrāstrayaścāpi tārakākṣo mahāsuraḥ
vidyunmālī ca bhagavān kamalākṣaśca vīryyavān

123.10

pitāmahastathā ceṣām tāro nāma mahābalaḥ
tapasā labdhavīryyaśca prasādāt brahmaṇaḥ prabhoḥ

123.11

so'pi tāro mahātejāstrailokyaṃ sacarācaram
vijitya samare pūrvaṃ viṣṇuśca jitavānasau

123.12

tayoḥ samabhavadyuddhaṃ sughoraṃ romaharṣaṇam
divyaṃ varṣasahasrantu divārātramaviśramam

123.13

sarathaṃ viṣṇumādāya cikṣepa śatayojanam
tāreṇa vijitaḥ saṃkhye dudrāva garur̤adhvajaḥ

123.14

tāro varān śataguṇaṃ labdhvā śataguṇaṃ balam
pitāmahāt jagat sarvamavāpa ditinandanaḥ

123.15

devendrapramukhān jitvā devān deveśvareśvaraḥ
vārayāmāsa tairdevān sarvalokeṣu māyayā

123.16

devatāśca sahendreṇa tārakāṃd bhayapīr̤itāḥ
na śāntiṃ lebhire śūrāḥ śaraṇaṃ vā bhayārditāḥ

123.17

tadāmarapatiḥ śrīmān sañcintyāmaraprabhuḥ
uvācāṅgirasaṃ devo devānāsapi sannidhau

123.18

bhagavaṃstārako nāma tārajo dānavottamaḥ
tena sanihatā yuddhe vatsā gopatinā yathā

123.18-2

bhayāttasmānmahābhāga ! bṛhad yuddhe bṛhaspate !
aniketā bhramantye te śakuntā iva pañjare

123.20

asmākaṃ yānyamoghāni āyudhānyaṅgirovara !
tāni moghāni jāyante prabhāvādamaradviṣaḥ

123.21

daśavarṣasahasrāṇi dviguṇāni bṛhaspate !
viṣṇunā yodhito yuddhe tenāpi na ca sūdataḥ

123.22

yastvaṃ nānijito yuddhe viṣṇa nā prabhaviṣṇunā
kathamasmadvidhastasya sthāsyate samare'grataḥ

123.23

evamuktastu śakre ṇa jīvaḥ sārdhaṃ surādhipaiḥ
sahasrākṣeṇa ca vibhuṃ samprāpyāha kugadhvajam

123.24

so'pi tasya mukhāt śrutvā praṇayāt praṇatārttihā
devairaśeṣaiḥ sendraistu jīvamāha pitāmahaḥ

123.25

jāne vo'rttiṃ surendrāṇāṃ tathāpi śṛṇu sāmpratam
vinindya dakṣaṃ yā devī satī rudrāṅgasambhavā

123.26

umā haimavatī jajñe sarvvalokanamaskṛtā
tasyāścaiveha rūpeṇa yūyaṃ devāḥ surottamāḥ

123.27

vibhoryatadhvamākraṣṭuṃ yadrasyāmya mano mahat
tayoryogena sambhūtaḥ skandaḥ śaktidharaḥ prabhuḥ

123.28

ṣar̤āsyo dvādaśabhujaḥ senānīḥ pāvakiḥ prabhuḥ
svāṅgeyaḥ kārtikeyaśca gāṅgeyaḥ śaradhāmajaḥ

123.26-2

devaḥ śākho viśākhaśca naigameyaśca vīryyavān
senāpatiḥ kumārākhyaḥ sarvvalokanamasrkūtaḥ

123.30

līla yaiva mahāsenaḥ prabalaṃ tārakāsuram
bālo'pi vinihatyaiko devān santārayiṣyati

123.31

evamuktastadā tena brahmaṇā parameṣṭhinā
bṛhaspatistathā sendrairdevairdevaṃ praṇamya tam

123.32

meroḥ śikharamāsādya smaraṃ sasmāra suvrataḥ
smaraṇāddevadevasya smaro'pi saha bhāryyayā

123.33

ratyā samaṃ samāgamya namaskṛtya kṛtāñjaliḥ
sapraśramāha taṃ jīvaṃ jagajjīvo dvijottamāḥ !

123.34

smṛto yadbhavatā jīva ! samprāpto'haṃ tavāntikam
brūhi yanme vidhātavyaṃ tamāha surapūjitaḥ

123.35

tamāha bhagavān śakraḥsambhāvya makaradhvajam
śaṅkareṇāmbikāmadya saṃyojaya yathāsukham

123.36

tayā sa ramate yena bhagavān vṛṣabhadhvajaḥ
tena mārgeṇa mārgasva patnā ratyā nayā saha

123.37

so'pi tuṣṭo mahādevaḥ pradāsyati śubhāṃ gatim
viprayuktastayā pūrvvaṃ labdhvā tāṃ girijāmumām

123.38

evamukto namaskṛtya devadevaṃ śacopatim
devadevāśramaṃ gantu matiñcakre tayā saha

123.36-2

gatvā tadāśrame śambhoḥ saha ratyā mahābalaḥ
vasantena sahāyena devaṃ yoktu manābhavat

123.40

tataḥ samprekṣya madanaṃ hasan devastriyambakaḥ
nayanena tṛtīyena sāvajñaṃ tamavaikṣata

123.41

tato'sya netrajo vahniḥ madanaṃ pārśvataḥ sthitam !
adahattatkṣaṇādeva lalāpa karuṇaṃ ratiḥ

123.42

ratyāḥ pralāpamākarṇya devadevo vṛṣadhvajaḥ
kṛpayā parayā prāha kāmapatnīṃ nirīkṣya ca

123.43

amūrtto'pi dhruvaṃ bhadre ! kāryaṃ sarvaṃ patistava
ratikālè dhruvaṃ bhadre ! kariṣyati na saṃśayaḥ

123.44

yadā viṣṇuśca bhavitā vāsudevo mahāyaśāḥ
śāpād bhṛgormahātejāḥ sarvalokahitāya vai

123.45

tadā tasya suto yaśca sa patiste bhaviṣyati
sā praṇamya tadā rudraṃ kāmapatnī śucismitā

123.46

jagāma madanaṃ labdhvā vasantena samanvitā

Linked texts (8)