Linga 124
Liṅga 124
- Language
- Sanskrit
Contents
- 124.63 — 1 part
124.1
sūta uvāca
tapasā ca mahādevyāḥ pārvatyā vṛṣabhadhvajaḥ !
prītaśca bhagavān śarvo vacanād brahmaṇastadā
124.2
sthitāya cāśramāṇāñca krīḍārthaṃ bhagavān bhavaḥ
tadā haimavatīṃ devomupayeme yathāvidhi
124.3
jagāma sa svayaṃ brahmā marīcyādyairmaharṣibhiḥ
tapovanaṃ mahādevyāḥ pārvatyāḥ padmasaṃbhavaḥ
124.4
pradakṣiṇīkṛtya ca tāṃ devīṃ sa jagato'raṇīm
kimarthaṃ tapasā lokān santāpayasi śailaje !
124.5
tvayā sṛṣṭaṃ jagat sarvaṃ mātastvaṃ mā vināśaya
tvaṃ hi saṃdhārayerlokān imān sarvān svatejasā
124.6
sarvadeveśvaraḥ śrīmān sarvalokapatirbhavaḥ
yasya vai devadevasya vayaṃ kiṅkaravādinaḥ
124.7
sa eva parameśānaḥ svayañca varayiṣyati
varade ! yena sṛṣṭāsi na vinā yastayāmbike !
124.8
varttate nātra sandehastava bharttā bhaviṣyati
ityuktvā tāṃ namaskṛtya muhuḥ samprekṣya pārvatīm
124.9
gate pitāmahe devo bhagavān parameśvaraḥ
jagāmānugrahaṃ karttuṃ dvija rūpeṇa cāśramam
124.10
sā ca dṛṣṭvā mahādevaṃ dvija rūpeṇa saṃsthitam
pratibhāvyaiḥ prabhuṃ jñātvā nanāma vṛṣabhadhvajam
124.11
sampūjya varadaṃ devaṃ brāhmaṇacchadmanāgatam
tuṣṭāva parameśānaṃ pārvatī parameśvaram
124.12
anugṛhya tadā devīmuvāca prahasanniva
kuladharmāśrayaṃ ratnaṃ bhūdharasya mahātmanaḥ
124.13
krīr̤ārthañca satāṃ madhye sarvadevapatirbhavaḥ
svayaṃvare mahādevi ! tava divye ! suśobhane !
124.14
āsthāya rūpaṃ yat saumyaṃ sameṣye'haṃ saha tvayā
ityuktvā tāṃ samālokya devo divye na cakṣuṣā
124.15
jagāmeṣṭaṃ tadā divyaṃ svapuraṃ prayayau ca sā
dṛṣṭvā hṛṣṭastadā devī menayā tuhinācalaḥ
124.16
āliṅgyāghrāya sampūjya putrīṃ sākṣāttapasvinīm
duhiturdevadevena na jānannabhimanvitam
124.17
svayambaraṃ tadā devyāḥ sarvalokeṣvaghoṣayat
atha brahmā ca bhagavān viṣṇuḥ sākṣājjanārdanaḥ
124.18
śakraśca bhagavān vahnirbhāskaro bhaga eva ca
tvaṣṭāryyamā vivasvāṃśca yamo varuṇa eva ca
124.16-2
vāyuḥ somastatheśāno rudrāśca munayastathā
aśvinau dvādaśādityā gandharvā garur̤astathā
124.20
yakṣāḥ siddhāstathā sādhyā daityāḥ kiṃ puruṣāeragāḥ |'
samudrāśca nadā vedā mantrāstotrādayaḥ gaṇāḥ
124.21
nāgāśca parvatāḥ sarve yajñāḥ sūryādayo grahāḥ
trayastriṃśacca devānāṃ trayaśca triṃśataṃ tathā
124.22
trayaśca trisahasraśca tathānye bahavaḥ surāḥ
jagmu rgiraundraputrāstu svayaṃ varamanuttamam
124.23
atha śailasutā devī haimamāruhya śobhanam
vimānaṃ sarvatobhadraṃ sarvaratnairalaṅkṛtam
124.24
apsarobhiḥ pranṛttābhiḥ sarvābharaṇabhūṣitaiḥ
gandharvvasiddhai rvividhaiḥ kinnaraiśca suśobhanaiḥ
124.25
vandibhistūyamānā ca sthitā śailasutā tadā
sitātapatraṃ ratnāṃśu miśritañcāvahattathā
124.26
mālinī giriputrāstu sandhyā pūrṇendumaṇḍalam
cāmarāsaktahastābhirdivyastrībhiśca saṃvṛtā
124.27
mālāṃ gṭahya jayā tasthau suradrumamumudbhavām
vijayā vyajanaṃ gṭahya sthitā devyāḥ samīpagā
124.28
mālāṃ pragṭahya devyāntu sthitāyāṃ devasaṃsadi
śiśurbhūtvā mahādevaḥ krīr̤ārthaṃ vṛṣabhadhvajaḥ
124.26-2
utsaṅgatalasaṃsupto babhūva bhagavān bhavaḥ
atha dṛṣṭvā śiśuṃ devāstasyā utsaṅgavarttinam
124.30
ko'yamatreti sambhrāntā yuyutsuśca samāgatāḥ
vajramāhārayattasya bāhumudyamya vṛtrahā
124.31
sa bāhurudyamastasya tathaiva samupasthitaḥ
stambhitaḥ śiśurupeṇa devadevena līlayā
124.32
vajraṃ kṣettuṃ na śaśāka bāhuñcālayituṃ tathā
vahniḥ śaktiṃ tathā kṣettuṃ na śaśāka tathā sthitaḥ
124.33
yamo'pi daṇḍaṃ khaṅgañca niṛtirmuṇipuṅgavāḥ !
varuṇo nāgapāśañca dhvajayaṣṭiṃ samoraṇaḥ
124.34
somo gadāṃ dhaneśaśca daṇḍaṃ daṇḍabhṭatāṃ varaḥ
īśānaśca tathā śūlaṃ tobramudyamya saṃsthitaḥ
124.35
rudrāśca śūlamādityā mudgaraṃ vasavastathā
mudgaraṃ stambhitāḥ sarve devenāśu divaukasaḥ
124.36
stambhitā devadevena sathā'nye ca divaukasaḥ
śiraḥ prakampayan viṣṇuścakramudyamya saṃsthitaḥ
124.37
tasyāpi śirasī bālaḥ sthiratvaṃ pracakāra ha
cakraṃ kṣettuṃ na śaśāka bāhuñcālayituṃ na ca
124.38
pūṣādṛntān daśan hantairvājamaicata mohitaḥ
tasyāpi dadmanāḥ peturdṛṣṭamātrasya śambhunā
124.39
balaṃ tejaśca yogañca tathaivāstambhayadvibhuḥ
atha teṣu sthiteṣveva manyu matsu sureṣvapi
124.40
brahmā paramasaṃsinno dhyānamāsthāya śaṅkaram
bubudhe devamīśānamumotsaṅge tamāsthitam
124.41
sa buddhvā devamīśānaṃ śīghramūtthāya vismitaḥ
vavande caraṇau śambhorastuvacca pitāmahaḥ
124.42
purāṇaiḥ sāmasaṅgītaiḥ puṣyaiākhyairguhyanāmabhiḥ
sraṣṭā tvaṃ sarvalokānāṃ prakṛteśca pravarttakaḥ
124.43
buddhistvaṃ sarvalokānāṃ ahaṅkārastvamīśvaraḥ
bhūtānāmindriyāṇāñca tvameveśva pravarttakaḥ
124.44
tavāhaṃ dakṣiṇāṅgastāt sṛṣṭaḥ pūrvaṃ purātanaḥ
vāmahastānmahābāho devī nārāyaṇaḥ prabhuḥ
124.45
iyañca prakṛtirdevī sadā te sṛṣṭikāraṇa !
patnīrūpaṃ samāsthāya jagatkāraṇamāgatā
124.46
namastubhyaṃ mahādeva ! mahādevyai namo namaḥ
prasādāttava deveśa ! niyogānca mayā prajāḥ
124.47
devānvāsu imāḥ sṛṣṭā mūḍhāstvadyogamohitāḥ
kuru prasādamitteṣāṃ yathāpūrvvaṃ bhavantvime
124.48
sūūta uvāca
vijñāpyaivaṃ tadā brahmā devadevaṃ maheśvaram
saṃstambhitāṃstadā tena bhagavānāha padmajaḥ
124.49
mūḍhāstvaṃ devatāḥ sarvā naiva budhyata śaṅkaram
devadevamiśāyāgāṃ sarvadevanamaskṛtam
124.50
gacchadhvaṃ śaraṇaṃ śīghraṃ devāḥ śakrapurogamāḥ
sanārāyaṇakāḥ sarvai munibhiḥ śaṅkaraṃ prabhum
124.51
sārdhaṃ mayaiva deveśaṃ paramātmānamīśvaram
anayā haimavatyā ca prakṛtyā saha sattamām
124.52
tatra te stabhitāstena tathaiva surasattamāḥ
praṇemurmanasā sarve sanārāyaṇakāḥ prabhum
124.53
atha teṣāṃ prasanno'bhūddeva devastriyambakaḥ
yathāpūrvaṃ cakārāśu vacanāt brahmaṇaḥ prabhuḥ
124.54
tata evaṃ prasanne tu sarvadevanivāraṇam
vapuścakāra deveśa vyaktaṃ paramamadbhutam
124.55
tejasā tasya devāste sendracandradivākarāḥ
sabrahmakāḥ sasādhyāśca sanārāyaṇakāstathā
124.56
sayamāśca sarudrāśca cakṣuraprārthayan vibhum
tebhyaśca paramaṃ cakṣuḥsarvadṛṣṭau ca śaktimat
124.57
dadāvambāpatiḥ śarvo bhavānyāśca valasya ca
labdhvā cakṣustadā devā indrāviṣṇupurogamāḥ
124.58
sabrahmakāḥ sabhṛgāśca tamapaśyanmaheśvaram
brahmādyā nemire tūrṇa bhavānī ca girīśvaraḥ
124.59
munayaśca mahādevaṃ gaṇeśāḥ śivasammatāḥ
sasṛrjuḥ puṣpavṛṣṭiśca khecarāḥ siddhacāraṇāḥ
124.60
devadundu bhayo nedustuṣṭuvurmu munayaḥ prabhum
jagurgandharvamukhyāśca nanṛtuścāpsarogaṇāḥ
124.61
sumuhurga ṇapāḥ sarve sumodāścā va pāvatī
tasya devau tadā dṛṣṭvā samagnaṃ tridivaukasām
124.62
pādayoḥ sthāpayāmāsa mālāṃ divyāṃ sugandhinīm
sādhu sādhviti saṃprocya tathā tatraiva cāviśat
124.63
sahadevyā namaścakruḥ śirobhirbhūtalāśritaiḥ
sarve srahmakā devāḥ sayarakṣoragarākṣasāḥ
124.63.p1
iti śrīpūrvabhāge umāsvayambaro nāma dvayadhikaśata tamo'dhyāyaḥ || 102
Linked texts (9)
- Liṅgapurāṇa — Vyāsa, Sanskrit
- Brahmapurāṇa — Vyāsa, Sanskrit
- Liṅgapurāṇa — Ativīrarāma Pāṇṭiyar 1500, Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit
- Vaiṣṇavakhaṇḍa — Sanskrit
- Kumārikākhaṇḍa — Sanskrit
- Kaumārakhaṇḍa — Sanskrit
- Māheśvarakhaṇḍa — Sanskrit
- Kaumārīkākhaṇḍa — Sanskrit