Linga 125
Liṅga 125
- Language
- Sanskrit
Contents
- 125.81 — 1 part
125.1
tryadhikaśatatamo'dhyāyaḥ
sūta uvāca
atha brahmā mahādevamabhibandya kṛtāñjaliḥ
udvāhaḥ kriyatāṃ deva ! ityuvāca maheśvaram
125.2
tasya tadvacanaṃ śrutvā brahmaṇaḥ parameṣṭhinaḥ
yatheṣṭamiti lokeśaṃ prāha bhūtapatiḥ prabhuḥ
125.3
udvāhārthaṃ maheśasya tatkṣaṇādeva suvratāḥ !
brahmaṇā kalpitaṃ divyaṃ puraṃ ratnamayaṃ śubham
125.4
athāditirditiḥ sākṣāddanuḥ kadrūḥ sukādrikā
sukhomā suramā caiva siṃhikā vigatā tathā
125.5
siddhirmāyā kriyā durgā devī sākṣāt sudhā svadhā
sāvitrī vedamātā ca rajanī haviṣā śrutiḥ
125.6
svāhā svadhā matirbuddhirdhṛtirvṛddhiḥ sarasvatī
rākā kuhūḥ sinīvālī devī anumatistathā
125.7
dharaṇī dhāraṇī cailā śacī nārāyaṇī tathā
etāścānyāśca devānāṃ mātaraḥ patnayastathā
125.8
udvāhaḥ śaṅkarasyeti jagmuḥ sarvā mudānvitāḥ
uragā garur̤ā yakṣā gandharvāḥ kinnarā gaṇāḥ
125.9
sāgarā girayo meghā māsāḥ saṃvatsarāstathā
vedā mantrāstathā yajñāstomā dharmāśca sarvaśaḥ
125.10
huṅkāraḥ praṇavaścaiva pratihārāḥ sahasraśaḥ
koṭirapsaraso divyāstāsāñca paricārikāḥ
125.11
yāśca sarveṣu dvīpeṣu devalokeṣu nimnagāḥ
tāśca strīvigrahāḥ sarvāḥ samājagmurhṛṣṭamānasāḥ
125.12
gaṇapāśca mahābhāgāḥ sarvalokanamaskṛtāḥ
udvāhaḥ śaṅkarasyeti tatrājagmurmudānvitāḥ
125.13
abhyayuḥ śaṅkhakarṇāśca gaṇakoṭyo gaṇeśvarāḥ
daśabhiḥ keka rākṣasaśca vidyuto'ṣṭābhireva ca
125.14
catuḥṣaṣṭyā viśākhaśca navabhiḥ pārayātrikaḥ
ṣaḍbhiḥ sarvāntakaḥ śrīmān tathaiva vikṛtānanaḥ
125.15
jvālā keśo dvādaśabhiḥ koṭibhirgaṇapuṅgavaḥ
saptabhiḥ samadaḥ śrīmān dundubho'ṣṭābhireva ca
125.16
ṣaṣṭhibhiśca kapālīśaḥ ṣaḍbhiḥ sandārakaḥ śubhaḥ
koṭikoṭibhirevaiha kandukaḥ kumbhakastathā
125.17
viṣṭambho'ṣṭābhirevaiha gajapaḥ sarvasaṃttaḥ
pippalaśca sahasreṇa saptādaśa tathā dvijāḥ
125.18
āveṣṭanastathāṣṭābhiḥ saptabhiścandratāpanaḥ
mahākeśaḥ sahasreṇa koṭīnāṃ gaṇapo vṛtaḥ
125.18-2
kuṇḍī dvādaśabhirvīrastathā parvatakaḥ śubhaḥ
kālaśca kālakaścaiva mahākālaḥ śatena vai
125.20
agnikaḥ śatakoṭyā vai koṭyāmrisukha eva ca
ādityamūrdhā koṭyā ca tathā caiva dhanāpahaḥ
125.21
sannāmaśca śatenaiva kumudaḥ koṭibhistathā
amoghaḥ kokilaścaiva koṭikoṭyā sumantrakaḥ
125.22
kākapādo paraḥ ṣaṣṭyā ṣaṣṭyā santānakaḥ prabhuḥ
mahāvalaśca navabhirmadhupiṅgala piṅgalaḥ
125.23
nīlo navatyā deveśaḥ pūrṇabhadrastathaiva ca
koṭīnāñcaiva saptatyā caturvaktro mahābalaḥ
125.24
koṭikoṭisahasrāṇāṃ śatairviṃśatibhirvṛtāḥ
tatrājagmu stathā devāste sarve śaṅkara ṃ bhavam
125.25
bhūtakoṭisahasreṇa pramathaḥ koṭibhistribhiḥ
vīrabhadrastataḥṣaṣṭyā robhajāñcaiva koṭibhiḥ
125.26
karaṇaścaiva viṃśatyā navatyā kevalaḥ śubhaḥ
pañcākṣaḥ śatamanyu śca meghamanyu stathaiva ca
125.27
kāṣṭhakūṭaścatuḥṣaṣṭyā sukeśo vṛṣabhastathā
virūpākṣaśca bhagavān catuḥṣaṣṭyā sanātanaḥ
125.28
tālaketuḥ ṣar̤āsyaśca pañcāsyaśca 'sanātanaḥ
saṃvarttako'tha caitro lakulīśaḥ svayamprabhuḥ
125.28-2
lokāntakaśca dīptāsyo tathā daityāntakaḥ prabhuḥ
mṛtyuñjayolahā kālo mṛtyuñjayakarastathā
125.30
viṣādo viṣadañcaiva vidyuta: kāntarutaḥ prabhuḥ
devo bhṛṅgīriṭi: śrīmān devadevapriyastathā
125.31
agranirbhāsakañcaiva catuḥpañcyā sahasrapāt
ete cānye ca gaṇapā asaṃkhyātā mahābalāḥ
125.32
sarve sahasrahastāśca jaṭāmukuṭadhāriṇaḥ
candrarekhāvataṃsāśca nīlakaṇṭhāstrilocanāḥ
125.33
hārakuṇḍalakeyūramukuṭāyaira laṅkṛtāḥ
brahmandraviṣṇusaṅgāśā aṇimādiguṇairhṛtāḥ
125.34
sūryakoṭipratīkāśāstatrājagmurgaṇeśvarāḥ
pātālacāriṇaścaiva sarvvalokanivāsinaḥ
125.35
tumbarunārado hāhā hūhūścaiva tu sāmagāḥ
ratnānyādāya vādyāṃca tatrājagmussadā puram
125.36
ṛṣayaḥ kṛtaśubhrāstva devagotāstapodhanāḥ
puṇyān vaivāhikān mantrān japurhṛṣṭamānasāḥ
125.37
tata eva pravṛtte tu sarvataśca samāgame
girijāṃ tāmalaṅkṛtya svayameva suśikśitām
125.38
puraṃ praveśayāmāsa svayamādāya keśavaḥ
sadasyāha ca deveśaṃ nārāyaṇasajo harim
125.39
bhavānagre samutpanno bhavānyā saha daivataiḥ
vāmāṅgādasya rudrasya dakṣiṇāṅgādahaṃ prabho !
125.40
bhavya siṃkhuddhitvāṅgīgo yathārthaṃ saṅka. eva hi
eṣā haimavatī jajñe māyayā parameṣṭhinaḥ
125.41
yautukārthaṃ prahastvenamṛhāhāthaprasiddhagantaḥ
ato'sau jagatāṃ dhātrau dhātā tava mamāpi ca
125.42
asya devasya rudrasya mūrttibhirvihitaṃ jagat
kṣmāvahni khendusūryyātmapavanātmā yato bhavaḥ
125.43
tathāpi tasmai dātavyā vacanācca girermama
eṣā hyajā śuklakṛṣṇā lohitāprakṛtirbhavān
125.44
śreyo'pi śailarājena sambandho'yaṃ tavāpi ca
tava padme samudbhūtaḥ kalpe nābhyambujādaham
125.45
madaṃśasyāsya śailasya mamāpi ca gururbhavān
sūta uvāca
bār̤hamityabrajāhmāsau devadevo janārdanaḥ
125.46
devāśca munayaḥ sarve devadevasya śaṅkaraḥ
tataścotthāya vidvān saḥ padmanābhaḥ praṇamya tām
125.47
pādau prakṣālya devasya karābhyāṃ kamalekṣaṇaḥ
abhyukṣyātmano mūrdhni prahlādasya nirestathā
125.48
tvadīyeṣā vivāhārthaṃ menajā hyanujā mama
ityuktvā sodakaṃ datvā devīṃ deveśvarāya tām
125.49
svātmānamapi devāya sodakaṃ pradadau hariḥ
atha sarve muniśreṣṭhāḥ sarvavedārthapāragāḥ
125.50
kaśurdātā gṛhītā ca phalaṃ dravyaṃ vicārataḥ
eṣa devo haro nūnaṃ māyayā hi tato jagat
125.51
ityuktvā taṃ praṇamyuśca prītikaṇṭakitatvacaḥ
sasṛjuḥ puṣpavarṣāṇi khecarāḥ siddhacāraṇāḥ
125.52
devadundubhayo nedurnanṛtuścāpsarogaṇāḥ
vedāśca mūrttimantaste praṇemustaṃ maheśvaram
125.53
brahmaṇā munibhiḥ sārdhaṃ devadevamumāpatim
devo'pi devīmālokya salajjāṃ himaśailajām
125.54
na tṛpyatyanavadyāṅgī sā ca devaṃ vṛṣadhvajam
varado'smīti taṃ prāha hariṃ so'pyāha śaṅkaram
125.55
tvayi bhaktiḥ prasīdeti brahmākhyāya dadau tu saḥ
tatastu punarevāha brahmā vijñāpayan prabhum
125.56
havirjuhomi vahnau tu upādhyāyapade sthitaḥ
dadāsi mama yadyājñāṃ karttavyo hyakṣato vidhiḥ
125.57
tamāha śaṅkaro devaṃ devadevo jagatpatiḥ
yadyadiṣṭaṃ suraśreṣṭha ! tat kuruṣva yathepsitam
125.58
karttāsmi vacanaṃ sarvaṃ devadeva ! pitāmaha !
tataḥ praṇamya hṛṣṭātmā brahmā lokapitāmahaḥ
125.59
hastaṃ devasya devyāśca yuyoja paramaṃ prabhuḥ
jvalannatha svayaṃ tatra kṛtāñjalirupasthitaḥ
125.60
śrotairetairmahāmantrairmūttiṃmadbhirupasthitaiḥ
yathoktavidhinā hutvā lājāmapi yathākramam
125.61
ānītān viṣṇunā viprān sampūjya vividhairvaraiḥ
vipra taṃ jvalanaṃ devaṃ kārayitvā pradakṣiṇam
125.62
muktvā hastasamāyogaṃ sahitaiḥ sarvadaivataiḥ
suraiśca mānavaiḥ sarvaiḥ prahṛṣṭenāntarātmanā
125.63
nanāma bhagavān brahmā devadevamumāpatim
tataḥ pādyaṃ tayordattvā gabhīrācamanaṃ tathā
125.64
madhuparkaṃ tathā gāñca praṇamya ca punaḥ śivam
atiṣṭhadbhagavān brahmā devairindrapurogamaiḥ
125.65
bhṛgvādyā munayaḥ sarvve hyakṣataistilataṇḍulaiḥ
sūryādayaḥ samabhyarcya tuṣṭuturvṛṣabhadhvajam
125.66
śivaḥ samāpya devoktaṃ balimārādhya cātmani
tayā samāgato rudraḥ sarvvalokahitāya vai
125.67
yaḥ paṭhet śṛṇuyādvāpi bhavodvāhaṃ śucismitaḥ
śrāvayedvā dvijān śuddhān vedavedāṅgapāragān
125.68
sa labdhvā gāṇapatyañca bhavena saha modate
yatrāyaṃ kīrttyate vipre stāvadāste tadā bhavaḥ
125.66-2
tasmāt sampūjya vidhivat kīrttayennānyathā dvijāḥ
udvāhe ca dvijendrāṇāṃ kṣatriyāṇāṃ dvijottamāḥ !
125.70
kīrttanīyamidaṃ sarvvaṃ bhavodvāhamanuttamam
kṛtodvāhastadā devyā haimavatyā vṛṣadhvajaḥ
125.71
sagaṇo nandinā sārddhaṃ sarvvadevagaṇairvṛtaḥ
purīṃ vārāṇasoṃ divyām ājagāma mahādyutiḥ
125.72
avimukte sukhāsīnaṃ praṇamya vṛṣabhadhvajam
apṛcchat kṣetramāhātmyaṃ bhavānī harṣitānanā
125.73
athāhārddhendutilakaḥ kṣetramāhātmyamuttamam
avimuktasya māhātmyaṃ vistarācchakyate na hi
125.74
vaktuṃ mayā sureśāni ! ṛṣisaṅghābhipūjitam
kiṃ mayā varṇyate devi ! hyavimuktaphalodayaḥ
125.75
pāpināṃ yatra muktiḥ syānnṛtānāmekajanmana
anyatra tu kṛtaṃ pāpaṃ vārāṇasyāṃ vyapohati
125.76
vārāṇasyāṃ kṛtaṃ pāpaṃ paiśācyanarakāvaham
kṛtvā pāpasahasrāṇi piśācatvaṃ varaṃ nṛṇām
125.78
na tu śakasahasratvaṃ svarge kāśīpurīṃ vinā
yatra triviṣṭapo devo yatra viśveśvaro vibhuḥ || 77||.
oṅkāreśaḥ kṛttivāsā mṛtānāṃ na punarbhavaḥ
uktvā kṣetrasya māhātmyaṃ saṅkṣepācchaśiśekharaḥ
125.76-2
darśayāmāsa caudyānaṃ parityajya gaṇeśvarān
tatraiva bhagavān jāto gajavaktro vināyakaḥ
125.80
daityānāṃ vighnarūpārthamavighnāya divaukasām
etadvaḥ kathitaṃ sarvaṃ kathāsarvasvamuttamam
125.81
yathā śrutaṃ mayā sarvaṃ prasādāhraḥ suśobhanam
125.81.p1
iti śrīlaiṅge tryadhikaśatatamo'dhyāyaḥ || 103
Linked texts (11)
- Liṅgapurāṇa — Vyāsa, Sanskrit
- Brahmapurāṇa — Vyāsa, Sanskrit
- Mudgalapurāṇa — Sanskrit
- Vīraśaivācārapradīpikā — Gurudeva 1575, Sanskrit
- Liṅgapurāṇa — Ativīrarāma Pāṇṭiyar 1500, Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit
- Māheśvarakhaṇḍa — Sanskrit
- Kaumārīkākhaṇḍa — Sanskrit
- Vaiṣṇavakhaṇḍa — Sanskrit
- Kumārikākhaṇḍa — Sanskrit
- Kaumārakhaṇḍa — Sanskrit