Linga 126
Liṅga 126
- Language
- Sanskrit
Contents
- 126.28-2 — 1 part
126.1
caturadhikaśatatamo'dhyāyaḥ
ṛṣaya ūcuḥ
kathaṃ vināyako jāto gajavaktro gaṇeśvaraḥ
kathaṃ prabhāvastasyaivaṃ sūta ! vaktumihārhasi
126.2
sūta uvāca
etasminnantare devāḥ sendropendrāḥ sametya te
dharmavighnaṃ tadā kartuṃ daityānāāmabhavat-ttrijāḥ !
126.3
asurā yātudhānāśca rākṣasāḥ krūrakarmmaṇaḥ
tāmasāśca tathā cānye rājasāśca tathā bhuvi
126.4
avighnaṃ varadānādyaiḥ samabhyarcya maheśvaram
brahmāṇaśca hariṃ viprā labdhepsitavarā yataḥ
126.5
tato'smākaṃ suraśreṣṭhāḥ sadā vijayasambhavaḥ
teṣāṃ tatastu vighnārtham avighnāya divaukasām
126.6
putrārthaścaiva nārīṇāṃ narāṇāṃ karmasiddhaye
vighneśaṃ śaṅkaraṃ sraṣṭuṃ gaṇapaṃ stotumarhatha
126.7
ityuktānyo'nyamanaghaṃ tuṣṭuvuḥ śivamīśvaram
namaḥ sarvātmane tubhyaṃ sarvvajñāya pinākine
126.8
anaghāya viriñcāya devyāḥ kāryārthadāyine
akāyāyārthakāyāya haraiḥ kāyāpahāriṇe
126.6-2
kāyāntasyāmṛtādhāramaṇḍalāvasthitāya te
ṛtādibhedakālāya kālavegāya te namaḥ
126.10
kālāgnirudrarūpāya dharmādyaṣṭapadāya ca
kāloviśuddhadehāya kālikā kāraṇāya te
126.11
kālakaṇṭhāya mukhyāya vāhanāya varāya te
ambikāpataye tubhyaṃ hiraṇyapataye namaḥ
126.12
hiraṇyaretase caiva namaḥ śarvāya śūline
kapāladaṇḍapāśāsicarmāṅkuśadharāya ca
126.13
pataye haimavatyāśca hemaśṛṅgāya te namaḥ
pītaśṛṅgāya rakṣārthaṃ surāṇāṃ kṛṣṇavartmane
126.14
padmamāya mahāpadmagranthināṃ phaladāya ca
padmāsanavihārāya padmākṣaramayāya te
126.15
pañcadhā pañcakairvyaktadevairvistṛtamūrtaye
pañcākṣaradṛśe tubhyaṃ parātparatarāya te
126.16
ṣor̤aśasvaravajrāṅgavahnāyādyasvarūpiṇe
kādipañcakahastāya cādihastāya te namaḥ
126.17
ṭādipādāya rudrāya tādipādāya te namaḥ
pādimedrāya yadyaṅgadhātusaptakadhāriṇe
126.18
sāmbāmvarūpiṇe sākṣāt ṣaḍntakrodhane namaḥ
lavarephahalāṅgāya niraṅgāya ca te namaḥ
126.18-2
sarveṣāmeva bhūtānāṃ hṛdi niḥsvanakāriṇe
bhruvorante sadā sannihṛṣṭāyātmaprabhānave
126.20
bhānusomāgninetrāya paramātmasvarūpiṇe
guṇatrayopariṣṭāya tīrthapādāya te namaḥ
126.21
tīrthatattvāya sārāya tasmādapi parāya te
ṛgyajuḥsāmavedāya oṅkārāya namo namaḥ
126.22
oṅkāre trividhaṃ rūpamāsthāyoparivāsine
potāya kṛṣṇavarṇāya raktāyātmapratejase
126.23
sthānapañcakasaṃsthāya pañcadhāṇḍa bahiḥkramāt
brahmaṇe viṣṇave tubhyaṃ kumārāya namo namaḥ
126.24
ambāyaḥ parameśāya sarvoparicarāya te
mūlasūkṣmasvarūpāya sthūlasūkṣmāya te namaḥ
126.25
sarvasaṅkalpaśūnyāya sarvasaṅgādricitāya te
ādimadhyāntaśūnyāya citsaṃjñāya namo namaḥ
126.26
yamāgnivāryarudrāgbu somaśakraniśācaraiḥ
dikṣu khe dikṣu khe nityaṃ sagaṇaiḥ pūjitāya te
126.27
sarveṣu sarvadā sarvamāgai sampūjitāya te
rudrāya rudranīlāya rudradrāya pracetase
maheśvarāya ghorāya namaḥ sākṣāt śivāya te
126.28
śratha śṛṇu bhagavaṃstava cchalena
kathitamajendramukhaiḥ surāsureṇaiḥ
makhamadamavamāmnidattayajñakṣaṇavicitraviceṣṭitaṃ camasta
126.28-2
sūta uvāca
yaḥ paṭhettu stavaṃ bhaktyā śakrāgnipramukhaiḥ suraiḥ
kīrttitaṃ śrāvayedvidvān sayāti paramāṃ gatim
126.28-2.p1
iti śrīlaiṅge pūrvabhāge devastutirnāma caturadhikaśatatamo'dhyāyaḥ || 104
Linked texts (2)
- Liṅgapurāṇa — Vyāsa, Sanskrit
- Liṅgapurāṇa — Ativīrarāma Pāṇṭiyar 1500, Sanskrit