Linga 127
Liṅga 127
- Language
- Sanskrit
Contents
- 127.30 — 1 part
127.1
pañcādhikaśatatamo'dhyāyaḥ
sūta uvāca
yadā sthitāḥ sureśvarāḥ praṇamya caivamīśvaram
tadāmbikāpatirbhavaḥ pinākadhṛka maheśvaraḥ
127.2
dadau nirīcaṇa' caṇāhavaḥ sa tān surottamān
praṇemurādarāddharaṃ surā mudārdralocanāḥ
127.3
bhavaḥ sudhāyatoṣamairgiroccairnirīkṣaṇāt
tadāha bhadramastu vaḥ sureśvarān maheśvaraḥ
127.4
varārthamodha ! vocyate surāgrahaṃ gatāstvime
praṇamya cāha vākpatiḥ patiṃ nirīkṣya nirbhayaḥ
127.5
suretarādibhiḥ sadā hyavighnamarthito bhavān
samastakarmasiddhaye surāpakārakāribhiḥ
127.6
tataḥ prasīdatādbhavān suvighnakarmakāraṇam
surāpakārakāriṇāmihaiṣa eva no varaḥ
127.7
tatastadā niśamya vai pinākadhṛk sureśvaraḥ
gaṇeśvaraṃ sureśvaraṃ vapurdadhāra saḥ śivaḥ
127.8
gaṇeśvarāya tuṣṭuvuḥ sureśvarā maheśvaram
samastalokasambhavaṃ bhavārttihāriṇaṃ śubham
127.9
śubhānanāśritaṃ varaṃ triśūlapāṇadhāriṇam
samastalokasambhavaṃ gajānanaṃ tathāsvikā
127.10
daduḥ puṣpavarṣaṃ hi siddhā munīndrāstathā khecarā devasaṅghāstadānīm
tadā tuṣṭuvuśśreṣṭhaṃ taṃ suregāḥ
praṇemurgaṇeśaṃ maheśaṃ vitandrāḥ
127.11
tadā tayorvinirgataḥ subhairavaḥ sa mūrttimān
sthito nanartta bālakaḥ samastamaṅgalālayaḥ
127.12
vicitravastrabhūṣaṇairalaṃkratī gajānanaḥ
maheśvarasya putrako'bhivandya tātamambikām
127.13
jātamātraṃ sutaṃ dṛṣṭvā cakāra bhagavān bhavaḥ
gajānanāya kṛtyāni sarvāṇi sarveśvaraḥ svayam
127.14
ādāya ca karābhyāñca susukhārthī bhavaḥ svayam
āliṅgyāghrāya mūrddhānaṃ mahādevo jagadguruḥ
127.15
tavāvatāro daityānāṃ vināśāya mamātmaja !
devānāmupakārārthaṃ dvijānāṃ brahmavādinām
127.16
yajñaśca dakṣiṇāhīnaḥ kṛto yena mahītale
tasya dharmasya vighnañca kuru kharga pathe sthitaḥ
127.17
adhyāpanañcādhyayanaṃ vyākhyānaṃ karma eva ca
yo'nyāyataḥ karotyasmiṃstasya prāṇān sadā hara
127.18
varṇāśrutānāṃ nārīṇāṃ narāṇāṃ narapuṅgava !
svadharmarahitānāñca prāṇānapahara prabho !
127.16-2
yāstriyastvāṃ sadā kālaṃ puruṣāśca vināyaka !
yajanti tāsāṃ teṣāñca tvakāmyaṃ dātumarhasi
127.20
tvaṃ bhaktān sarvayatnena rakṣa bāla gaṇeśvara !
yauvanasthāṃśca vṛddhāṃśca ihāmutra ca pūjitaḥ
127.21
jagatvaye'tha sarvatra tvaṃ hi vighnagaṇeśvaraḥ
sampūjyo vandanīyaśca bhaviṣyasi na saṃśayaḥ
127.22
māñca nārāyaṇaṃ vāpi brahmāṇamapi putraka !
yajanti yajñairvā viprai ratha pūjyo bhaviṣyasi
127.23
tvāmamabhyarcya kalyāṇaṃ śrautaṃ smārtañca laukikam
kurute tasya kalyāṇaṃ akalyāṇaṃ bhaviṣyati
127.24
brāhmaṇaiḥ kṣatriyairvaiśyaiḥ śūdraiścaiva gajānana !
saṃpūjyaḥ sarvasiddhyarthaṃ bhakṣyabhojyādibhiḥ śubhaiḥ
127.25
tvāṃ gandhapuṣpadhūpādyairanamaskṛṣṇa jagattraye
devairapi tathānyaiśca sammaryo nāsti kuttacit
127.26
abhyarthayanti ye lokā mānavāstu vināyakam
te cārcanīyāḥ prakrāyairbhaviṣyanti na saṃśayaḥ
127.27
ajaṃ hariśca māṃ vāpi śakramamvān surānapi
vighnairbādhayasi tvāñcennā'rcayanti phalārthinaḥ
127.28
sasarja ca tadā vighnagaṇaṃ gaṇapatiḥ prabhuḥ
gaṇaiḥ sārdhaṃ namaskṛtyāpyatiṣṭhattatra cāgrataḥ
127.26-2
tadāprabhṛtiloke'smin pūjayanti gaṇeśvaram
daityānāṃ dharmavighnaṃ ca cakārāsau gaṇeśvaraḥ
127.30
etadvaḥ kathitaṃ sarvaṃ skandāgrajasamudbhavam
yaḥ paṭhecchṛṇuyādvāpi śrāvayedvā sukhī bhavet
127.30.p1
iti śrīlaiṅge pūrvabhāge vināyakotpattirnāma pañcādhikaśatatamo'dhyāyaḥ || 105
Linked texts (2)
- Liṅgapurāṇa — Vyāsa, Sanskrit
- Liṅgapurāṇa — Ativīrarāma Pāṇṭiyar 1500, Sanskrit