Pramāṇa · Search · About · API

Linga 130

Liṅga 130

Language
Sanskrit

130.1

aṣṭādhikaśatatamo'dhyāyaḥ
ṛṣaya ūcuḥ
dṛṣṭo'sau vāsudevena kṛṣṇenākliṣṭakarmaṇā
dhaumyasyāgrajastato labdhaṃ divyaṃ pāśupataṃ vratam

130.2

kathaṃ labdhaṃ tadā jñānaṃ tasmāt kṛṣṇena dhīmatā
vaktumarhasi tāṃ sūta ! kathāṃ pātakanāśinīm

130.3

sūta uvāca
khecchayā hyavatīrṇo'pi vāsudevaḥ sanātanaḥ
nindayanneva mānuṣyaṃ dehaśuddhimakāra saḥ

130.4

putrārthe bhagavāṃstatra tapastaptuṃ jagāma ca
āśramañcopamanyorvai dṛṣṭavāṃstatra taṃ munim

130.5

namaścakāra taṃ dṛṣṭvā dhaumyyāgrajamatho dvijāḥ !
bahumānena vai kṛṣṇāstriḥ kṛtvā vai pradakṣiṇam

130.6

tasyāvalokanādeva muneḥ kṛṣṇasya dhīmataḥ
naṣṭamevamalaṃ sarvvaṃ kāyajaṃ karmmajaṃ tathā

130.7

bhasmānoddhūlanaṃ kṛtvā upamanyurmahādyutiḥ
tamāgniriti viprendrā ! vāyurityādibhiḥ kramāt

130.8

divyaṃ pāśupataṃ jñānaṃ pradadau prītamānasaḥ
yataḥ prasādātprāpto'sau kṛṣṇaḥ pāśupate dvijāḥ
tapasā tvekavarṣānte dṛṣṭvā devaṃ maheśvaram
sāmbaṃ sagagaṇamavyayaṃ labdhavān putramātmanaḥ

130.10

tadāprabhṛti taṃ kṛṣṇaṃ munayaḥ śaṃsitavratāḥ
divyāḥ pāśupatāḥ sarve tasthuḥ saṃhṛtya sarvvadā

130.11

prayañca kathayiṣyāmi muktyarthaṃ prāṇināṃ sadā
sauvarṇī mekhalāṃ kṛtvā ādhāraṃ daṇḍadhāraṇam

130.12

sauvarṇaṃ picchikañcāpi vyajanaṃ daṇḍameva ca
karaḥ striyāthavā kāryyaṃ maṣābhājanalekhanīm

130.13

puṣpaṃ kattarikā cāpi atha pātamathāpi vā
pāśupatāya dātavyaṃ bhasmoddhūlitavigrahaiḥ

130.14

sauvarṇe rājataṃ vāpi tāmraṃ vātha nivedayet
ātmavittānusāreṇa yoginaṃ pūjayet budhaḥ

130.15

te sarve pāpanirmuktāḥ samastakulasaṃyutāḥ
yānti rudrapadaṃ divyaṃ nātra kāryā vicāraṇā

130.16

tasmādanena dānena gṛhastho mucyate bhavāt
yogināṃ samyagdānena śriyaḥ kṣipraṃ prasodati

130.17

rājyaṃ putraṃ dhanaṃ bhavyaṃ vastraṃ yānamathāpi vā
sarvasvaṃ vāpi dātavyaṃ yadīcchedvoccamuttamam

130.18

adhruveṇa śarīreṇa dhruvaṃ sādhyaṃ prayatnataḥ
bhavyaṃ pāśupataṃ nityaṃ saṃsārāṇavatārakam

130.18-2

etadvaḥ kathitaṃ sarvaṃ saṅkṣepāva na saṃśayaḥ
yaḥ paṭhet śṛṇuyādvāpi śivalokaṃ sa gacchati

Linked texts (3)