Linga 131
Liṅga 131
- Language
- Sanskrit
131.1
iti liṅgapurāṇe pūrvārddhaṃ samāptam
atha
liṅgapurāṇam
uttarārdham
prathamo'dhyāyaḥ
ṛṣaya ūcuḥ
kaṇastuṣyati keneha sarvadeveśvareśvaraḥ
vaktumarhasi cāsmākaṃ sūta ! sarvārthavid bhavān
131.2
sūta uvāca
purā pṛṣṭo mahātejā mārkaṇḍeyo mahāmuniḥ
ambarīṣeṇa viprendrāstadvadāmi yathātatham
131.3
ambarīṣa uvāca
mune ! samastadharmāṇāṃ pāragastvaṃ mahāmate !
mārkaṇḍeya ! purāṇajño'si purāṇārthaviśāradaḥ
131.4
nārāyaṇānāṃ divyānāṃ dharmāṇāṃ śreṣṭhamuttamam
tat kiṃ brūhi mahāprājña ! bhaktānāmiha suvrata !
131.5
tasya tadvacanaṃ śrutvā samutthāya kṛtāñjaliḥ
smarannārāyaṇaṃ devaṃ kṛṣṇamacyutamavyayam
131.6
mārkaṇḍeya uvāca
śṛṇu bhūpa ! yathā nyāyyaṃ pṛṣṭaṃ nārāyaṇavācakam
kharasya pūjaneścaiva praṇāmo bhaktipūrvakam
131.7
pratyekamaśvamedhasya yajñasya samamucyate
ya ekaḥ puruṣaḥ śreṣṭhaḥ paramātmā janārddanaḥ
131.8
yasmāt brahmā tataḥ sarvaṃ samāśrityevamucyate
dharmamekaṃ pravakṣyāmi yaddṛṣṭa viditaṃ mayā
131.6-2
purā tretāyuge kaścit kauśiko nāma vai dvijaḥ
vāsudevaparo nityaṃ sāmagānarataḥ sadā
131.10
bhojanāsamaśaktyāsu sadā tadgatamānasaḥ
udāracaritaṃ viṣṇorgāyamānaḥ punaḥ punaḥ
Linked texts (1)
- Liṅgapurāṇa — Vyāsa, Sanskrit