Linga 132
Liṅga 132
- Language
- Sanskrit
Contents
- 132.82 — 1 part
132.1
viṣṇoḥ sthalaṃ samāsādya hareḥ vedamamuttamam
agāyata hariṃ tatra tālavarṣalayānvitam
132.11
mūrcchanā svarayogena śrutibhedena medinam
bhaktiyogaṃ samāpanno bhikṣāmānaṃ hi tatra vai
132.12
tatrainaṃ gāyamānaśca dṛṣṭvā kaścidvijassadā
pañcākhya iti vikhyātastasmai cānnaṃ dadau tadā
132.15
sakuṭumbī mahātejā śuṣṇamava' hi tatra vai
kauśiko hi tadā hṛṣṭo gāyannāste hariṃ prabhum
śṛṇvannāste ca pañcākhyaḥ kāle kāle vinirgataḥ
kālayogena samprāptāḥ śiṣyā vai kauśikasya ca
samrājāyavesthānāṃ viprāṇāṃ kulasambhavāḥ
jñānavidyādhikāḥ śuddhā vāsudevaparāyaṇāḥ
132.18
teñcamapi tathāśrāvyaṃ pañcākhyaḥ śṛṇvato 'bhyayam
śiṣyaiśca sahito nityaṃ kauśiko dṛṣṭamānasaḥ
nityamarccati hariṃ tatra bhaktyā gāyan yathāvidhi
tatreva mālavo nāma veśyo viṣṇuparāyaṇaḥ
132.18-2
dīpamālāṃ harernityaṃ karoti prītimānasaḥ
mālavī nāma bhāryā ca tasya nityaṃ pativratā
132.20
gomayena samālipya hareḥ kṣetraṃ samantataḥ
bhartrā sahāsī suprītā śṛṇvato gānamuttamam
132.21
juṅgakhalāt samāpannā brāhmaṇāḥ śaṃsitavratāḥ
paścāśadvai samāpannā harergānādṛmuttamāḥ
132.22
sādhayanto hi kāryāṇi kauśiksya mahātmanaḥ
jñānavijñānatatvajñāḥ śṛṇvanto hyavasaṃsu te
132.23
svātmāsaunastadā tasya gānaṃ vai kauśikasya tat
śrutvā rājā samabhyetya kaliṅgo vākyamabravīt
132.24
kauśikādya gaṇaiḥ sārdhaṃ gāyasvahaṃ ca māṃ punaḥ
śṛṇudhvañca tadā yūṣaṃ juṃgakhalajanā api
132.25
tat śrutvā kauśikaḥ prāha rājānaṃ sāntvayā girā
na jihvā me mahārāja ! vāṇī ca mama sarvadā
132.26
hareranyamapaundraṃ vā stauti naiva ca vakṣyati
evamukte tu tacchiṣyo vāsiṣṭho gautamo hariḥ
132.27
sārasvatastathā citraścitramālyastathā priyaḥ
ūcuste pārthivaṃ tadvadyathā prāha ca kauśikaḥ
132.28
yāvatkāṃste tadā procuḥ pārthivaṃ viṣṇusatpathāḥ
śrotrācīṇāni kṛtyanti hareranyaṃ na pārthiva !
132.29
gānakīrtiṃ vayaṃ tasya śṛṇumo'nyāṃ na ca stutim
tattat śrutvā pārthivo dṛṣṭī gautamāditi cābravīt
sabhṛtyān brāhmaṇā hyete kīrtiṃ śṛṇvanti no yathā
132.30
na śṛṇvanti kathaṃ tasmāt gīyamāne samantataḥ
132.31
evamuktāstadā bhūtvā jaguḥ pārthivamuttamam
niruddhamārgā viprāste gāne hṛtte tu duḥkhitāḥ
132.32
kāṣṭhaśaṅkubhiranyo'nyaṃ śrotrāṇi pidadhurdvijāḥ
kauśikādyāśca tāṃ jñātvā manovṛttiṃ nṛpasya vai
132.33
prasaṅgānnikhilaṃ gāyeta svagāne'sau nṛpaḥ sthitaḥ
iti viprāḥ suniyatā jihvāgraṃ vicchiduḥ karaiḥ
132.34
tato rājā susaṃkruddhaḥ svadeśāttāna nyavāsayat
ādāya sarvaṃ vittañca tataste jagmuruttarām
132.35
diśamāsādya kālena kāladharmeṇa yojitāḥ
tānāgatān yamo dṛṣṭvā kiṃ karttavyamiti sma ha
132.36
ceṣṭitaṃ tat ṛṣe rājan ! brahmā prāha surādhipān
kauśikādīn dvijānadya vāsayadhvaṃ yathāsukham
132.37
gānayogena ye nityaṃ pūjayanti janārdanam
tānānayata bhadraṃ vo yadi devatvamicchatha
132.38
ityuktā lokapālāste kauśiketi punaḥ punaḥ
mālaveti tathā kecit pañcāleti tathā pare
132.39
krośamānāḥ samabhyetya tānādāya vihāyasā
brahmalokaṃ gatāḥ śīghraṃ sukṛtenaiva te dṛśāḥ
132.40
kauśikādīṃstato dṛṣṭvā brahmā lokapitāmahaḥ
pratyudgamya yathānyāyaṃ svāgatairvābhyapūjayat
132.41
tataḥ kolāhalamabhūdatigauravamuttamam
brahmaṇācaritaṃ dṛṣṭvā devānāṃ nṛpasattama
132.42
hiraṇyagarbho bhagavāṃstānnivāryya surottamān
kauśikādīn samādāya munīn devaiḥ samāvṛtaḥ
132.43
viṣṇulokaṃ yayau śīghraṃ vāsudevaparāyaṇaḥ
tatra nārāyaṇo devaḥ śvetaddīpanivāsibhiḥ
132.44
jñānayogeśvaraiḥ siddhairviṣṇubhaktaiḥ samāhitaiḥ
nārāyaṇasamairdivyaiścaturbāhudharaiḥ śubhaiḥ
132.45
viṣṇucakrasamāpannairdīpyamānairakalmaṣaiḥ
aṣṭāśītisahastraiśca sevyamāno mahājanaiḥ
132.46
asmābhirnāradādyaiśca sanakādyairakalmaṣaiḥ
bhūtairnānāvidhaiścaiva divyastrībhiḥ samantataḥ
132.47
sevyamāno'tha madhye vai brahmasaṃsārasaṃvṛte
sahasrayojanāyāme divye maṇimaye śubhe
132.48
vimāne vimale citre bhadrapīṭhāsane hariḥ
lokakāyyeṃ prasaktānāṃ dattadṛṣṭiśca mādhavaḥ
132.49
tasmin kāle'tha bhagavān kauśikādyaiśca saṃvṛtaḥ
āgamya praṇipatyāgre tuṣṭāva garur̤adhvajam
132.50
tato vilokya bhagavān harirnārāyaṇaḥ prabhuḥ
kauśiketyāha sambodhya tān sarvvāśca yathākramam
132.51
jayaghoṣo mahānāsautsahyāścaryyaṃ samāgate
brahmāṇamāha viśvātmā śṛṇu brahman ! mayoditam
132.52
kauśikasya ime viprāḥ sādhyasādhanatatparāḥ
hitāya sampravṛttā vai kugasthalanivāsinaḥ
132.53
matkīrttanaśravaṇe yuktā jñānatatvārthakovidāḥ
ananyadevatābhaktāḥ sādhyā devā bhavantime
132.54
matsamīpe tathānyatra praveśaṃ dehi sarvvadā
evamuktvā punardevaḥ kauśikaṃ prāha mādhavaḥ
132.55
khamitraistvaṃ mahāprājña ! dig bandho ! bhava me sadā
gaṇādhipatyamāpanno hyatrāhaṃ tvaṃ samāsa vai
132.56
mālavaṃ mālavīñcaiva prāha dāmodaro hariḥ
mama loke yathā kāmaṃ bhāryyayā saha mālava !
132.57
divyarūpadharaḥ śrīmān śṛṇvan gānamihādhipaḥ
āsva nityaṃ yathākāmaṃ yāvallokā bhavanti vai
132.58
pañcāttamāha bhagavān dhanado bhava mādhavaḥ
dhanānāmīśvaro bhūtvā yathākālaṃ hi māṃ punaḥ
132.56-2
āgamya dṛṣṭvā māṃ nityaṃ kuru rājyaṃ yathāsukham
evamuktvā hariviṣṇurbrahmaśaṇamidamabravīt
132.60
kauśikasyāsya gānena yoganidrā ca me gatā
viṣṇusthale ca māṃ stauti śiṣyaireṣa samantataḥ
132.61
rājñā nirastaḥ krūreṇa kaliṅgena mahīyasā
sajihvvā chedanaṃ kṛtvā hareranyaṃ kathañcana
132.62
na stoṇyāmīti niyataḥ prāpto'sau mama lokatām
ete ca viprā niyatā mama bhaktā yaśasvinaḥ
132.63
śrotracchidramathāvṛtya śaṅkubhiryai parasvaram
śroṇyāmo naiva cānyasya hareḥ kīrtimiti sma ha
132.64
ete viprāśca devatvaṃ mama sānnidhyameva ca
mālavī bhāryyayā sārdhaṃ matsamīpe paripūjya vai
132.65
dīpamālādibhirnirmāyanbhavantaṃ satataṃ hi mām
gānaṃ śṛṇoti niyato matkīrtiṃ racitānvitam
132.66
tenāso prāptavān lokaṃ mama brahmasanātanam
yaddānto'so dadau bhojyaṃ kauśiṇāya mahātmanaḥ
132.67
dhaneśatvamavāpto'sau mama sānnidhyameva ca
evamuktvā haristatra samāje lokapūjitaḥ
132.68
tasmin kṣaṇe samāpannā madhurākṣarapeśalaiḥ
vipañcīguṇatatvajñairvādyavidyāviśāradaiḥ
132.68-2
mandaṃ mandasmitā devī vicitrāmaraṇānvitā
gāyamānā samāyātā lakṣmorviṣṇuparāgrahā
132.70
vṛtā sahasrakoṭībhiraṅganābhiḥ samantataḥ
tato gaṇādhipā dṛṣṭvā bhuśuṇḍīparighāyudhāḥ
132.71
brahmādīṃstarjayantaste munīn devām samantataḥ
utsārayantaḥ saṃhṛṣṭādhiṣṭhitāḥ parvatopamāḥ
132.72
sarvve vayaṃ hi niryātāḥ sāīṃ vai brahmaṇā suraiḥ
tasmin kṣaṇe samāhūtastumbarurmu nisattamaḥ
132.73
praviveśa samīpa ṃ vai devyā devasya caiva hi
tatrāsīno yathāyogaṃ nānāmūcrchāmanvitam
132.74
jago kalapadaṃ hṛṣṭo vipañcīñcābhyavādayat
nānāratnasamāyuktai rdivyai rābharaṇottamaiḥ
132.75
divyamāyyai stathā śubhraiḥ pūjito munisattamaḥ
nirgaṅgostumbaruhṛṣṭo anye ca ṛṣayaḥ surāḥ
132.76
dṛṣṭvā sampūjitaṃ yāntaṃ yathāyogamarindama!
nārado'tha munirdṛṣṭvā tumbaroḥ satkriyāṃ paraiḥ
132.77
śokāviṣṭena manasā santaptahṛdayo'bhavat
cintāmāpedivāṃstatra śokamūrcchākulātmakaḥ
132.78
kenāhaṃ hi hareryāsye yogaṃ devausamīpataḥ
aho tumbaruṇā prāptaṃ dhikmāṃ mūḍhaṃ vicetasam
132.76-2
yo'haṃ hareḥ savikāśaṃ bhūtairniryārtitaḥ katham
jīvan yāsyāmi kutrāhamaho tumbaruṇā kṛtam
132.80
iti sañcintayan viprastapa āsthitavān muniḥ
divyaṃ varṣasahasrantu nirucchāsasamanvitaḥ
132.81
dhyāyan viṣṇumathādhyāste tumbaroḥ satkriyāṃ smaran
rodamāno muhurvidvān dhiksāmiti ca cintayan
132.82
tatra yat kṛtavān viṣṇustat śṛṇuṣva narādhipa !
132.82.p1
iti mahāpurāṇe śrīlaiṅge uttarabhāge kauśikavṛttakathanaṃ nāma prathamo'dhyāyaḥ || 1
Linked texts (1)
- Liṅgapurāṇa — Vyāsa, Sanskrit