Linga 133

Liṅga 133

dvitīyo'dhyāyaḥ
mārkaṇḍeya uvāca
tato nārāyaṇo devastasmai sarvvaṃ pradāya ca
kālayogena viśvātmā samacakro'tha tumbaroḥ

nāradaṃ muniśāddūlamevaṃ vṛttamabhūt purā
nārāyaṇasya gītānāṃ gānaṃ śreṣṭhaṃ punaḥ punaḥ

gānenārādhito viṣṇuḥ satkīrttiṃ jñānavarcasau
dadāti tuṣṭiṃ sthānañca yathāsau kauṇikasya vai

padmāccaprabhṛtīnāñca saṃsiddhiṃ pradadau hariḥ
tasmāt tvayā mahārāja ! viṣṇukṣetre viśeṣataḥ

arcanaṃ gānanṛtyādyaṃ vādyotsavasamanvitam
karttavyaṃ viṣṇubhaktairhi puruṣairaniśaṃ nṛpa !

śrotavyañca sadā nityaṃ śrotavyo'sau haristathā
viṣṇukṣetre tu yo vidvān kārayet bhaktisaṃyutaḥ

gānanṛtyādikañcaiva viṣṇvākhyānaṃ kathāṃ tathā
jātismṛtiñca medhāñca tathaivāparame smṛtim

prāpnoti viṣṇusāyujyaṃ satyametat nṛpādhipa !
etatte kathitaṃ rājan ! yanmāṃ tvaṃ paripṛcchasi

kiṃ vadāmi ca te bhūyo vada dharmabhṛtāṃ vara !

iti śrīmanmahāpurāṇe śrīlaiṅge uttarārddhe viṣṇumāhātmyaṃ nāma dvitīyo'dhyāyaḥ

Linked texts (1)