Linga 135
Liṅga 135
- Language
- Sanskrit
Contents
- 135.21 — 1 part
135.1
caturtho'dhyāyaḥ
ṛṣaya ūcuḥ
vaiṣṇavā iti ye proktā vāsudevaparāyaṇāḥ
kāni cihnāni teṣāṃ vai tanno brūhi mahāmate !
135.2
teṣāṃ vā kiṃ karotyeṣa bhagavān bhūtabhāvanaḥ
etanme sarvamācakṣva sūta ! sarvārthavittama !
135.3
sūta uvāca
ambaroṣeṇa vai pṛṣṭo mārkaṇḍeyaḥ purā muniḥ
yuṣmābhiradya yat proktaṃ tadvadāmi yathātatham
135.4
mārkaṇḍeya uvāca
śṛṇu rājan ! yathā nyāya ṃ yanmāṃ tvaṃ paripṛcchasi !
yatrāste viṣṇubhaktastu tatra nārāyaṇa sthitaḥ
135.5
viṣṇureva hi sarvatra yeṣāṃ vai devatā smṛtā
kīrtyamāne harau nityaṃ romāñco yasya varttate
135.6
kampaḥ svedastathākṣeṣu dṛśyante jalabindavaḥ
viṣṇubhaktisamāyuktān śrautasmārttapravartta kān
135.7
prīto bhavati yo dṛṣṭvā vaiṣṇavo'sau prakīrttitaḥ !
nānyadācchādayedvastraṃ vaiṣṇavo jagato raṇe
135.8
viṣṇubhaktamathāyāntaṃ yo dṛṣṭvā sammukhasthitaḥ
praṇāmādi karotyeva' vāsudeve yathā tathā
135.6-2
sa vai bhakta iti jñeyaḥ sa jayau syājjagattraye
rucākṣarāṇi mukhatastathā bhāgavatairitaḥ
135.10
praṇāmapūrva cāntyā vai yo vadedvaiṣṇavo hi saḥ
gandhapuṣpādikaṃ sarvaṃ śirasā yo hi dhārayet
135.11
hareḥ sarvamitītyevaṃ matvā'sau vaiṣṇavaḥ smṛtaḥ
viṣṇukṣetre śubhānyeva karoti snehasaṃyutaḥ
135.12
pratimāśca harernityaṃ pūjayet prayatātmavān
viṣṇubhaktaḥ sa vijñeyaḥ karmaṇā manasā girā
135.13
nārāyaṇaparo nityaṃ mahābhāgavato hi saḥ
bhojanārādhanaṃ sarvaṃ yathāśaktyā karoti yaḥ
135.14
viṣṇubhaktasya ca sadā yathā nyāyyaṃ hi kathyate
nārāyaṇaparo vidvān yasyānnaṃ prītamānasaḥ
135.15
aśnāti taddharerāsyaṃ gatamannaṃ na saṃśayaḥ
svārthanādapi viśvātmā prīto bhavati mādhavaḥ
135.16
mahābhāgavate tacca dṛṣṭvāsau bhaktavatsalaḥ
vāsudevaparaṃ dṛṣṭvā vaiṣṇavaṃ dagdhakilviṣam
135.17
devāpi bhītāstaṃ yānti praṇipatya yathāgatam
śrūyatāṃ hi purādṛttaṃ viṣṇubhaktasya vaibhavam
135.18
dṛṣṭvā yamo'pi vai bhaktaṃ vaiṣṇavaṃ dagdhakilviṣam
utthāya prāñjalirbhūtvā nanāma bhṛgunandanam
135.18-2
tasmāt sampūjayedbhaktyā vaiṣṇavān viṣṇutatparaḥ
sa yāti viṣṇusāmīpyaṃ nātra kāryā vicāraṇā
135.20
anyabhaktasahasrebhyo viṣṇubhakto viśiṣyate
viṣṇubhaktasahasrebhyo rudrabhakto viśiṣyate
rudrabhaktāt paratarī nāsti loke na saṃśayaḥ
135.21
tasmāttu vaiṣṇavaścāpi rudrabhaktamathāpi vā
pūjayet sarvvabhāvena dharmakāmārthamuktaye
135.21.p1
ityādi mahāpurāṇe śrīlaiṅge uparibhāge viṣṇubhaktakathanaṃ nāma caturtho'dhyāyaḥ || 4
Linked texts (2)
- Liṅgapurāṇa — Vyāsa, Sanskrit
- Haribhaktivilāsa — Gopāla Bhaṭṭa Gosvāmin & Sanātana Gosvāmin 1535, Sanskrit