Linga 136
Liṅga 136
- Language
- Sanskrit
136.1
ṛṣaya ūcuḥ
aikṣvākurambaroṣo vai vāsudevaparāyaṇaḥ
pālayāmāsa pṛthivīṃ viṣṇo rājñā puraḥsaraḥ
136.2
śrutametanmahābuddhe tatsarvvaṃ vaktumarhasi
nityaṃ tasya hareścakraṃ śatru rogabhayādikam
136.3
hantīti śrūyate loke dhārmikasya mahātmanaḥ
ambarīṣasya caritaṃ tat sarvvaṃ brūhi sattama !
136.4
māhātmyamanubhāvañca bhaktiyogamanuttamam
yathāvacchrotumicchāmaḥ sūta ! vaktuṃ tvamarhasi
136.5
sūta uvāca
śrūyatāṃ muniśārdūlāścaritaṃ tasya dhīmataḥ
ambarīṣasya māhātmyaṃ sarvvaṃ pāpaharaṃ param
136.6
trigatrtoddayitā bhāryyā sarvvalakṣaṇaśobhitā
ambarīṣasya jananī nityaṃ śaucasamanvitā
136.7
yoganidrāsamārūḍhaṃ śeṣaparyyaṅkaśāyinam
nārāyaṇaṃ mahātmānaṃ brahmāṇḍakamalodbhavam
136.8
tamasā kālarudrākhyaṃ rajasā kanakāṇḍajam
sattvena sarvvagaṃ viṣṇuṃ sarvvadevanamaskṛtam
136.9
arcayāmāsa satataṃ bāṅmanaḥ kāyakarmmabhiḥ
mākhyadānādikaṃ sarvvaṃ svayamevamacīkarat
136.10
gandhādipeṣaṇañcaiva dhūpadravyādikaṃ tathā
bhūmerālepanādīni haviṣāṃ pacanaṃ tathā
136.11
tat kautukasamāviṣṭā svayameva cakāra sā
śubhā padmāvatī nityaṃ vācā nārāyaṇeti vai
136.12
anante tyeva sā nityaṃ bhāṣamāṇā pativratā
daśa varṣasahasrāṇi tatpareṇāntarātmanā
136.13
arcayāmāsa govindaṃ gandhapuṣpādibhiḥ śuciḥ
viṣṇubhaktānmahābhāgān sarvvapāpavivarjjitān
136.14
dānamānārcanairnityaṃ dhanairannairatoṣayat
tataḥ kadācit sā devī dvādaśīṃ samapoṣaya vai
136.15
hareragre mahābhāgā suṣyāpa patinā saha
tatra nārāyaṇo devastāmāha puruṣottamaḥ
136.16
kimicchasi varaṃ bhadre ! mattastvaṃ brūhi bhāmini !
sā dṛṣṭvā tu varaṃ vavre putro me vaiṣṇavo bhavet
136.17
sārvvabhaumo mahātejāḥ svakarmmanirataḥ śuciḥ
tathetyuktvā dadau tasyai phalamekaṃ janārddanaḥ
136.18
sā prabuddhā phalaṃ dṛṣṭvā bhartre sarvaṃ nyavedayat
bhakṣayāmāsa saṃhṛṣṭā phalaṃ tadgatamānasā
136.16-2
tataḥ kālena sā devī putraṃ kulavivardhanam
asūta sā sadācāraṃ vāsudevaparāyaṇam
136.20
śubhalakṣaṇasampannaṃ cakrāṅkitatanūruham
jātaṃ dṛṣṭvā pitā putraṃ kriyāḥ sarvāścakāra vai
136.21
ambarīṣa iti khyāto loke samabhavat prabhuḥ
pitaryuparate śrīmān abhiṣikto mahāmuniḥ
136.22
mantriṣvādhāya rājyaṃ ca tapa ugrañca kāra saḥ
sasaṃvatsarasahasraṃ vai japanārāyaṇaṃ prabhum
136.23
hṛtpuṇḍarīkamadhyasthaṃ sūryyamaṇḍalamadhyataḥ
śaṅkhacakragadāpadma dhārayantaṃ caturbhujam
136.24
śuddhajāmbūnadanibhaṃ brahmaviṣṇu śivātmakam
sarvābharaṇasaṃyuktaṃ pītāmbaradharaṃ prabhum
136.25
śrīvatsavakṣasaṃ devaṃ puruṣaṃ puruṣottamam
tato garur̤amāruhya sarvadevairabhiṣṭutaḥ
136.26
ājagāma sa viśvātmā sarvalokanaskṛtaḥ
airāvatamivāndhisthaṃ kṛtvā vai garur̤aṃ hariḥ
136.27
svayaṃ śakra ivāsīnastamāha nṛpasattamam
indro'hamasmi bhadraṃ te kiṃ dadāmi varañca te
136.28
sarvalokeśvaro'haṃ tvāṃ rakṣituṃ samupāgataḥ
ambarīṣa uvāca
nāhaṃ tvāmabhisandhāya tapa āsthitavāniha
136.28-2
tvayā dattañca necchāmi gaccha śakra ! yathāyukham
nama nārāyaṇo nāvastaṃ namāmi jagatpatim
136.30
gacche ndra ! mā vyathāstavata mama buddhivilopanam
tataḥ prahasya bhagavān svarūpamakaroddhariḥ
136.31
śārṅgaṃ cakramadāpāṇiḥ khaṅgahasto janārdanaḥ
garuḍopari sarvātmā nīlācala ivāparaḥ
136.32
devagandharvvasaṅghaiśca stū yamānaḥ samantataḥ
praṇamya sa ca santuṣṭastuṣṭāva garuḍadhvajam
136.33
prasīda lokanātheśa ! mama nātha ! janārdana !
kṛṣṇa ! viṣṇo ! jagannātha ! sarvva lokanamaskṛta !
136.34
tvamādistvamanādistvamanantaḥ puruṣaḥ prabhuḥ
aprameyo vibhurviṣṇurgovindaḥ kamalekṣaṇaḥ
136.35
maheśvarāṅgajo madhye puṣkaraḥ khagamaḥ khagaḥ
kavyavāhaḥ kapālī tvaṃ havyavāhaḥ prabhañjanaḥ
136.36
ādidevaḥ kriyānandaḥ paramātmātmani sthitaḥ
tvāṃ prapanno'smi govinda ! jaya devakinandana !
jayadeva ! jagannātha ! pāhi māṃ puṣkarekṣaṇa !
136.37
nānyā gatistvadṛśyā me tvameva śaraṇaṃ mama
tamāha bhagavān viṣṇuḥ kiṃ te hṛdi cikīrṣitam
136.38
tat sarvvaṃ te pradāsyāmi bhakto'si mama suvrata !
bhaktipriyo'haṃ satataṃ taccā dātumihāgataḥ
136.38-2
lokanātha ! parānanda ! nityaṃ me varttate matiḥ
vāsudevakaro nityaṃ vāṅmanaḥkāyakarmmabhiḥ
136.4-2
yathā tvaṃ devadevasya bhavasya paramātmanaḥ
tathā bhavāmyahaṃ viṣṇo ! tava deva ! janārdana !
136.41
pālayiṣyāmi pṛthivīṃ kṛtvā vai vaiṣṇavaṃ jagat
yajñahomārcanaiścaiva tarpayāmi surottamān
136.42
vaiṣṇavān pālayiṣyāmi nihaniṣyāmi śatravān
lokatāpabhaye bhīta iti me dhīyate matiḥ
136.43
śrībhagavānuvāca
evamastu yathecchaṃ vai cakramaitat sudarśanam
purā rudraprasādena labdhaṃ vai durlabhaṃ mayā
136.44
ṛṣiśāpādikaṃ duḥkhaṃ śatru rogādikaṃ tathā
nihaniṣyati te nityamityuktvā'ntaradhīyata
136.45
sūta uvāca
tataḥ praṇamya mudito rājā nārāyaṇaṃ prabhum
praviśya nagarīṃ ramyāmayodhyāṃ paryapālayat
136.46
brāhmaṇādīṃśca varṇāṃśca sva sva karmaṇyayojayat
nārāyaṇaparo nityaṃ viṣṇubhaktānakalmaṣān
136.47
pālayāmāsa hṛṣṭātmā viśeṣeṇa janādhipaḥ
aśvamedhaśateneṣṭvā vājapeyagratena caṃ
136.48
pālayāmāsa pṛthivīṃ sāgarāmbaraśāmimām
gṛhe gṛhe haristasthau vedaghoṣī gṛhe gṛhe
136.46-2
sāmaghoṣo hareścaiva yajñaghoṣastathaiva ca
abhavan nṛpaśārdūle tasmin rājyaṃ praśāsati
136.50
nāsa syānā tṛṇā bhūmirna durbhikṣādibhiryutā
rogahīnāḥ prajā nityaṃ sarvopadravavarjitāḥ
136.51
ambarīṣo mahātejāḥ pālayāmāsa medinīm
tasyaivaṃ varttamānasya kanyā kamalalocanā
136.52
śrīmatī nāma vikhyātā sarvvalakṣaṇasaṃyutā
pradānasamayaṃ prāptā daivamāyeva śobhanā
136.53
tasmin kāle muniḥ śrīmān nārado'bhyāgataśca vai
ambarīṣasya rājño vai parvataśca mahāmatiḥ
136.54
tāvubhāvāgatau dṛṣṭvā praṇipatya yathāvidhi
ambarīṣo mahātejāḥ pūjayāmāsa tāvṛṣī
136.55
kanyāṃ tāṃ ramamāṇāṃ vai meghamadhye śatahradām
prāha tāṃ prekṣya bhagavān nāradaḥ sasmitastadā
136.56
keyaṃ rājan ! mahābhāgā kanyā surasutopamā
brūhi dharmabhṛtāṃ śreṣṭha ! sarvvalakṣaṇaśobhitā
136.57
rājovāca
duhiteyaṃ mama vibho ! śrīmatī nāma nāmataḥ
pradānasamayaṃ prāptā varamanveṣaye śubhā
136.58
ityukto muniśārdūlastāmaicchan nārado dvijāḥ !
parvvato'pi munistāṃ vai cakame munisattamāḥ !
136.59
anujñāpya ca rājānaṃ nārado vākyamabravīt
rahasyāhūya dharmātmā mama dehi sutāmimām
136.60
parvvato hi tathā prāha rājānaṃ rahasi prabhuḥ
tāvubhau sa ca dharmātmā praṇipatya bhayārditaḥ
136.61
ubhau bhavantau kanyāṃ me prārthayānau kathaṃ tvaham
kariṣyāmi mahāprājña ! śṛṇu nārada ! me vacaḥ
136.62
tvañca parvata ! me vākyaṃ śṛṇu vakṣyāmi yat prabho !
kanye yaṃ yuvayorekaṃ varayiṣyati cecchubhā
136.63
tasmai kanyāṃ prayacchāmi nānyathā śaktirasti me
tathetyuktā tato bhūyaḥ vo yāsyāva iti smaha
136.64
ityuktā muniśārdūlau jagmatuḥ prītimānasau
vāsudevaparau nityamubhau jñānavidāṃvarau
136.65
viṣṇulokaṃ tato gatvā nārado munisattamaḥ
praṇipatya hṛṣīkeśaṃ vākyametaduvāca ha
136.66
śrotavyamasti bhagavannātha ! nārāyaṇa ! prabho !
rahasi tvāṃ pravekṣyāmi namaste bhuvaneśvara !
136.67
tataḥ prahasya govindaḥ sarvvāgatamāryyaṃ taṃ munim
bū hotyāha ca viśvātmā'munirāha ca keśavam
136.68
tvagoyo nṛpatiḥ śrīmānambarīṣo mahīpatiḥ
tasya kanyā viśālākṣī śrīmatī nāma nāmataḥ
136.66-2
pariṇetumanāstatra gato'smi vacanaṃ śṛṇu
parvvato'yaṃ muniḥ śrīmāṃstatra mṛtyastaponidhiḥ
136.70
tāmaicchat so'pi bhagavaṃntrāvāmāha janādhipaḥ
ambarīṣo mahātejāḥ kanyeyaṃ yuvayorvaram
136.71
lāvaṇyayuktaṃ vṛṇuyādyadi tasmai dadāmyaham
ityāhavān nṛpastatra tathetyuktāhamāgataḥ
136.72
āgamiṣyāmi te rājan ! śvaḥ prabhāte gṛhasthiti
āgato'haṃ jagannātha ! karttumarhasi me priyam
136.73
vānarānanavadbhāti parvvatasya mukhaṃ yathā
tathā kuru jagannātha ! mama cedicchasi priyam
136.74
tathetyuktā sa govindaḥ prahasya madhusūdanaḥ
tayoktañca kariṣyāmi gaccha saumya ! yathāgatam
136.75
evamuktā munidṛṣṭaḥ praṇipatya janārddanam
manyamānaḥ kṛtātmānaṃ tathāyodhyāṃ jagāma saḥ
136.76
gate munivare tasmin parvvato'pi mahāmuniḥ
praṇamya mādhava dṛṭo rahasye namuvāca ha
136.77
vṛttaṃ tasya nivedyāgre nāradasya jagatpate !
golāṅgūlamukhaṃ yadvanmukhaṃ bhāti tathā kuru
136.78
tat śrutvā bhagavān viṣṇustayoktañca karomi vai
gaccha śīghramayodhyāṃ vai mā vedīnnāradasya vai
136.76-2
tvayā me saṃvidaṃ tatra tathetyuktvā jagāma saḥ
tato rājā samājñāya prāptau munivarau tadā
136.80
māṅgalyairvvividhaiḥ sarvvāmayodhyāṃ dhvajamālinīm
maṇḍayāmāsa puṣpaiśca lājaiścaiva samantataḥ
136.81
ambusiktagṛhadvārāṃ siktāpagāmahāpathām
divyagandharasopetāṃ dhūpitāṃ divyadhūpakaiḥ
136.82
kṛtvā ca nagarīṃ rājā maṇḍayāmāsa tāṃ sabhām
divyairgandhaistathā dhūpairatnaiśca vividhaistathā
136.83
alaṅkṛtāṃ maṇistambhairnānāmālyopaśobhitām
parārdhyāstaraṇopetairdivyairbhadrāsanairvṛtām
136.84
kṛtvā nṛpendrastāṃ kanyāṃ ādāya praviveśa ha
sarvvābharaṇasampannāṃ śrīrivāyatalocanām
136.85
karasammitamadhyāṅgīṃ padmagandhāṃ śubhānanām
strībhiḥ parivṛtāṃ divyāṃ śrīmatīṃ saṃśritāṃ tadā
136.88
sabhā ca sā bhūmipateḥ samṛddhā maṇividrumarītimaratnacitrā
nyastāsanā mālyavatī suvastrā tāmāyayuste na rarāja vargāḥ
athāparo brahmavarātmajo hi tre vidyavidyo bhagavānmahātmā
saparvato brahmavidāṃ variṣṭho mahāmunirnārada ājagāma
tāvāgatau samīkṣyātha rājā sambhrāntamānasaḥ
divyamāsanamādāya pūjayāmāsa tāvubhau
136.89
ubhau devarṣisiddhau tau ubhau jñānavidāṃ varau
samāsīnau mahātmānau kanyārthe munisattamau
136.90
tāvubhau praṇipatyāgre kanyāṃ tāṃ śrīmatīṃ śubhām
sutāṃ kamalapatrākṣīṃ prāha rājā yaśasvinīm
136.91
anayoryyaṃ varaṃ bhadre ! manasā tvamihecchasi
tasmai mālāmimāṃ dehi praṇipatya yathāvidhi
136.92
evamuktā tu sā kanyā strībhiḥ parivṛtā tadā
mālāṃ hiraṇmayīṃ divyāṃ ādāya śubhalocanā
136.93
yatrāsīnau mahātmānau tatrāgamya sthitā tadā
vīkṣyamāṇā muniśreṣṭhau parvvataṃ nāradaṃ tathā
136.94
śākhāmṛgānanaṃ dṛṣṭvā nāradaṃ parvvataṃ tathā
golāṅgūlamukhaṃ kanyā kiñcit trāsasamanvitā
136.95
sambhrāntamānasā tatra pravātakadalī yathā
tasthau tāmāha rājāsau vatse ! kiṃ tvaṃ kariṣyasi
136.96
anayorekamuddiśya dehi mālāmimāṃ śubhe !
sā prāha pitaraṃ vatsā imau tau naravānarau
136.97
muniśreṣṭhaṃ na paśyāmi nāradaṃ parvvataṃ tathā
anayormadhyatasthe kamūnaṣoḍaśavārṣikam
136.98
sarvābharaṇasampannamatasīpuṣpasannibham
dīrghabāhuṃ viśālākṣaṃ tuṅgoraskamanuttamam
136.99
rekhāṅkitakaṭigrīvaṃ raktāntāyatalocanam
namracāpānukaṇapaṭubhra yugamaśobhitam
136.100
vibhaktavivaloṣṭhyaktaṃ nābhiṣyaktaśubhodaram
hiraṇyāmbarasaṃvautaṃ tuṅgaratnanakhaṃ śubham
padmākārakaraṃ lenaṃ padmākṣyaṃ padmalocanam
136.101
sunāsaṃ padmadṛdayaṃ padmanābhaṃ śriyāvṛtam
dantapaṃktibhiratyarthaṃ kundakujhalasannibhaiḥ
136.102
hasantaṃ māṃ samālokya dakṣiṇañca prasāryya vai
pāṇiṃ sthitamamuṃ tatra paśyāmi śubhamūrddhajam
136.104
sambhrāntamānasāṃ tatra vepatoṃ kadalaumiva
sthitāṃ tāmāha rājāsau vatse ! kiṃ tvaṃ kariṣyasi 103
evamukto muniḥ prāha nāradaḥ saṃśayaṃ gataḥ
kiyanto bāhavastasya kanye ! brūhi yathātayam
136.105
bāhudvayañca paśyāmautyāha kanyā śucismitā
prāha tāṃ parvvatastatra tasya vakṣasyale śubhe
136.106
kiṃ paśyasi ca me brūhi kare kiṃ vāsya paśyasi
kanyā tamāha mālāṃ vai padmarūpāmanuttamām
136.107
vakṣasthale'sya paśyāmi kare kārmukasāyakān
evamuktau muniśreṣṭhau parasparamanuttamau
136.108
manasā cintayantau tau māyeyaṃ kasyacid bhavet
māyāvī taskaro nūnaṃ svayameva janārddanaḥ
136.109
āgato na yathā kuryyāt kathamasmanmukhaṃ tvidam
golāṅgūlatvamityeva cintayāmāsa nāradaḥ
136.110
parvvato'pi yathārthāyyaṃ vāmaratvaṃ kathaṃ mama
prāptamityeva manasā cintāmāpedivāṃstathā
136.11-2
tato rājā praṇamyāsī nāradaṃ parvvataṃ tathā
bhavadbhyāṃ kimidaṃ tatra kṛtaṃ buddhivimohanam
136.112
svasthau bhavantau tiṣṭhetāṃ yathā kanyārthaṃma dyatau
evamuktau muniśreṣṭhau nṛpamūcaturuvmaṇī
136.113
tvameva mohaṃ kuruṣe nāvāmiha kathañcana
āvayorekameṣā te varayatveva mā ciram
136.114
tataḥ sā kanyakā bhūyaḥ praṇipatye ṣṭadevatām
māyāmādāya tiṣṭhantaṃ tayormadhye samāhitam
136.115
sarvābharaṇasaṃyuktamatasīpuṣpasannibham
dīrghabāhuṃ supuṣṭāṅgaṃ karṇāntāyatalocanam
136.116
pūrvvavat puruṣaṃ dṛṣṭvā mālāṃ tasmai dadau hi sā
anantaraṃ hi sā kanyā na dṛṣṭā manujaiḥ punaḥ
136.117
tato nādaḥ samabhavat kimetaditi vismitau
tāmādāya gato viṣṇuḥ svasthānaṃ puruṣottamaḥ
136.11-3
purā tadarthamaniśaṃ tapastaptvā varāṅganā
śrīmatī sā samutpannā sā gatā ca tathā harim
136.118
tāvubhau muniśārdūlau dhikkṛtāvatiduḥkhitau
vāsudevaṃ prati tadā jagmaturbhavamaṃ hareḥ
136.120
tāvāgatau samīkṣyāha śrīmatīṃ bhagavān hariḥ
muniśreṣṭhau samāyātau gṛhasvātmānamadya vai
136.121
tathetyuktvā ca sā devī prahasantī cakāra ha
nāradaḥ praṇipatyāgre prāha dāmodaraṃ harim
136.122
priyaṃ hi śataśaśvānya mama tvaṃ parvatasya hi
tvameva nūnaṃ govinda ! kanyāṃ tāṃ hṛtavānasi
136.123
vimohyāvāṃ svayaṃ buddhyā pratāryya surasattama !
ityuktaḥ puruṣo viṣṇuḥ pidhāya śrotramacyutaḥ
pāṇibhyāṃ prāha bhagavān bhavadbhyāṃ kimudīritam
136.124
kāmavānapi bhāvo'yaṃ munihṛttiraho kila !
evamukto muniḥ prāha vāsudevaṃ sa nāradaḥ
136.125
karṇamūle mama kathaṃ golāṅgulamukhanviti
karṇamūle tamāhedaṃ vānaratvaṃ kṛtaṃ mayā
136.126
parvatasya mayā vidvan ! golāṅga lamukhaṃ tava
mayā tava kṛtaṃ tava priyārthaṃ nānyathā tviti
136.127
parvato'pi tathā prāha tasyāpyevaṃ jagāda saḥ
śṛṇvatorubhayostatra prāha dāmodaro vacaḥ
136.128
priyaṃ bhavadbhyāṃ kṛtavān satyenātmānamālabhe
nāradaḥ prāha dharmātmā dvāvayormadhyataḥ sthitaḥ
136.126-2
dhanuṣmān puruṣaḥ ko'tra tāṃ hṛtvā gatavān kila
tat śrutvā vāsudevo'sau prāha tau munisattamau
136.130
māyāvino mahātmāno bahavaḥ santi sattamāḥ
tatra sā śrīmato nūnamahaṣṭā munisattamau !
136.131
cakrapāṇirahaṃ nityaṃ caturbāhuriti sthitaḥ
tāṃ tathā nāhamaicchaṃ vai bhavadbhyāṃ viditaṃ hi tat
136.132
ityuktau praṇipatyainamṛcatuḥ prītimānasau
ko'nya doṣastva viṣṇo ! nārāyaṇa ! jagatpate !
136.133
daurātmā tat nṛpasyaiva māyāṃ hi kṛtavānasau
ityuktā jagmatustasmāt munī nāradaparvvatau
136.134
ambarīṣaṃ samāsādya śāpenainamayojayat
nāradaḥ parvataścaiva yasmādāvāmihāgatau
136.135
āhvaya paścādanyasmai kanyāṃ tvaṃ dattavānasi
māyāyogena tasmātvāṃ tamo 'bhibhaviṣyati
136.136
tena cātmānamatyarthaṃ yathāvattvaṃ na vetsyasi
evaṃ śāpe pravṛtte tu tamorārirathotthitaḥ
136.137
nṛpaṃ prati tataścakraṃ viṣṇoḥ prādurabhūt kṣaṇāt
cakravitrāsitaṃ ghoraṃ tāvubhau tama abhyagāt
136.138
tataḥ sambastasarvāṅgau dhāvamānau mahāmunī
pṛṣṭhataścakramālokya tamorārśi durāsadam
136.139
kanyāsiddhiraho prāptā hyāvayoriti vegatau
lokālokāntamaniśaṃ dhāvamānau bhayārditau
136.140
trāhi trāhīti govinda bhāṣamāṇau bhayārditau
viṣṇulokaṃ tato gatvā nārāyaṇa ! jagatpate !
136.142
vāsudeva ! hṛṣīkeśa ! padmanābha ! janārddana !
trādyāvāṃ puṇḍarīkākṣa ! nātho'si puruṣottama ! 144
tato nārāyaṇaścintyaḥ śrīmān śrīvatsasāñchanaḥ
nivārya cakraṃ dhvāntañca bhaktānukampakāmyayā
136.143
ambarīṣaṃśca madbhaktastathaitau munisattamo
anayorasya ca tathā hitaṃ kāryaṃ mayādhunā
136.144
āhūya tantamaḥ śrīmān girā prahlādayan hariḥ
provāca bhagavān viṣṇuḥ śṛṇutāṃ me mahat vacaḥ
136.145
ṛpiśāpo na caivāsīdanyathā na karomyaham
dūto nṛpāya rakṣārthaṃ nāsti tasyānyathā punaḥ
136.146
ambaroṣasya putrasya manuḥ putro mahāyaśāḥ
śromān daśaratho nāma rājā bhavati dhārmikaḥ
136.147
tasyāhamagrajaḥ putro rāmanāmā bhavāmyaham
tatra me dakṣiṇo bāhurbharato nāma vai bhavet
136.148
śatrughno nāma savyaśca śeṣo'sau lakṣmaṇaḥ smṛtaḥ
tatra māṃ sam pāgaccha gacche dānoṃ nṛpaṃ vinā
136.158
muniśreṣṭho ca hitvā tvaṃ iti smāha ca mādhavaḥ
evamuktaṃ tamaunābhaṃ tatkṣaṇācca jagāma vai
136.150
nivāritaṃ hareścakraṃ yathāpūrvvamatiṣṭhata
muniśreṣṭhau bhayān muktau praṇipatya janārddanam
136.151
nirgatau śokasantaptau ūcatustau parasparam
adya prabhṛti dehāntamāvāṃ kanyā parigraham
136.152
na kariṣyāva ityu ktvā pratijñāya ca tāvṛṣī
yogadhyānaparau śuddhau yathāpūrvva vyavasthitau
136.153
ambarīṣaśca rājāsau paripālya ca medinīm
sabhṛtyajñātisampanno viṣṇulokaṃ jagāma vai
136.155
mānārthamambarīṣasya tathaiva munisaṃśayoḥ
rāmo dāśarathirbhūtvā nātmavedīśvaro'bhavat 154
munayaśca tathā sarvve bhṛgvādyā munisattamāḥ
māyā na kāryyā vidvadbhirityāhuḥ prekṣya taṃ harim
136.156
nāradaḥ parvataścaiva ciraṃ jñātvā viceṣṭitam
māyāṃ viṣṇorvinindya va rudrabhaktau babhūvatuḥ
136.15-2
etaddhi kathitaṃ sarvva mayā yuṣmākamadya vai
ambarīṣasya māhātmyaṃ mayyābittañca vai hareḥ
136.16-3
yaḥ paṭhet śṛṇuyādvāpi śrāvayedvāpi mānavaḥ
māyāṃ visṛjya puṇyātmā rudralokaṃ sa gacchati
Linked texts (3)
- Liṅgapurāṇa — Vyāsa, Sanskrit
- Adbhutarāmāyaṇa — Vālmīki, Sanskrit
- Puruṣārthasudhānidhi — Sāyaṇācārya, Sanskrit