Linga 138
Liṅga 138
- Language
- Sanskrit
Contents
- 138.82-2 — 1 part
138.1
ṣaṣṭho'dhyāyaḥ
ṛṣaya ūcuḥ
māyāvitvaṃ śrutaṃ viṣṇordevadevasya dhīmataḥ
kathaṃ jyeṣṭhā samutpattirdevadevān janārddanāt
138.4
vaktu mahaṃsi cāsmākaṃ lomaharṣaṇa ! tatvataḥ
sūta uvāca
anādinidhanaḥ śrīmān dhātā nārāyaṇaḥ prabhuḥ
jagaddharmidasañcakre mohanāya jagatpatiḥ
viṣṇave brāhmapān vedān vedadharmāṃn sanātanān
śriyaṃ padmā tathā śreṣṭhāṃ bhāgamekamakārayat
jyeṣṭhāmasaktaumadharmāṃ vedabāhyān narādhamān
138.5
adharmaśca mahātejā bhāgamekamakalpayat
alakṣmīmagrataḥ sṛṣṭvā paścāt padmā janārddanaḥ
138.6
jyeṣṭhā te na samākhyātā alakṣmīrdvijasattamāḥ !
amṛtodbhavavelāyāṃ viṣānantarasambhavāt
138.7
aśubhā sā tathotpannā jyeṣṭhā iti ca vai śrutam
tataḥ śrīśca samutpannā padmā viṣṇuparigrahaḥ
138.8
duḥsaho nāma viprarṣirupayeme śubhāṃ tadā
jyeṣṭhāṃ tāṃ paripūrṇo'sau manasā vokṣyadhiṣṭhitām
138.6-2
lokaṃ cacāra dṛṣṭvātmā tayā saha munistadā
yasmin ghoṣo harecaiva harasya ca mahātmanaḥ
138.10
vedaghoṣastathā viprā ! homadhūmastathaiva ca
bhagnāṅginī vā yatrāsaṃstatra tatra bhayārditā
138.12
pidhāya kaṇau saṃyāti dhāvamānā itastataḥ
jyeṣṭhāmevaṃvidhāṃ dṛṣṭvā duḥsaho mohamāgataḥ 11
tayā saha vanaṃ gatvā cacāra sa mahāmuniḥ
tapo mahadvane ghore yāti kanyāṃ prati gṛham
138.13
na kariṣyāmi cetyuktvā pratijñāya ca tāpaṣiḥ
yogajñānaparaḥ śuddho yatra yogeśvaro muniḥ
138.14
tatrāyāntaṃ mahātmānaṃ mārkaṇḍeyamapaśyata
praṇipatya mahātmānaṃ duḥsaho munimabravīt
138.15
bhāryyeyaṃ bhagavan ! mahyaṃ na sthāsyati kathañcana
kiṃ karomīti viprarṣe ! anayā saha bhāryyayā
138.16
praviśāmi tathā kutra kuto na praviśāmyaham
mārkaṇḍeya uvāca
śṛṇu duḥsaha ! sarvvatra prakīrttiraśubhānvitā
138.17
alakṣmīratulā ceyaṃ jyeṣṭhā ityabhiśabditā
nārāyaṇaparā yatra vedamārgānusāriṇaḥ
138.18
rudrabhaktā mahātmāno bhasmod dhūlitavigrahāḥ
sthitā yatra janā nityaṃ mā viśethāḥ kathañcana
138.20
nārāyaṇa ! hṛṣīkeśa ! puṇḍarīkākṣa ! mādhava
acyutānantagovinda ! vāsudeva ! janārddana !
rudra rudreti rudreti śivāya ca namo namaḥ
namaḥ śivatarāyeti śaṅkakāyeti sarvvadā
138.21
mahādeva ! mahādeva ! mahādeveti kīrttayet
umāyāḥ pataye caiva hiraṇyapataye sadā
138.22
hiraṇyavāhave tubhyaṃ vṛṣāṅgāya namo namaḥ
nṛsiṃha vāmanācintya mādhaveti ca ye janāḥ
138.23
vadyyaṃnta satataṃ dṛṣṭvā brāhmaṇāḥ kṣatriyāstathā
vaiśyāḥ śūdrāśca ye nityaṃ teṣāṃ dhanagṛhādiṣu
ārāme caiva goṣṭheṣu na viśethāḥ kathañcana
138.24
jvālā mālā karālañca sahasrādityasannibham
cakraṃ viṣṇoratīvograṃ teṣāṃ hanti sadā śubham
138.25
svāhākāro vaṣaṭkāro gṛhe yasmin hi varttate
taṃhitvā cānyanāgaccha sāmaghoṣo'tha yatra vā
138.26
vedābhyāsaratā nityaṃ nityakarmaparāyaṇāḥ
vāsudevārcanaratā dūratastān visarjayet
138.27
agnihotraṃ gṛhe yeṣāṃ liṅgārcā vā gṛheṣu ca
vāsudevatanurvāpi caṇḍikā yatra tiṣṭhati
138.28
dūrato vraja tān hitvā sarvapāpavivarjitān
nityanaimittikairyajñairyajanti ca maheśvaram
138.26-2
tān hitvā vraja cānyatra duḥsahatvaṃ sahānayā
śrotriyā brāhmaṇā gāvo guravo'tithayaḥ sadā
138.30
rudrabhaktāśca pūjyante yernityaṃ tān vivarjayet
duḥsaha uvāca
yasmin praveśo yogyo me tad brūhi munisattama !
138.31
tvadvākyādbhayanirmukto viśrāmyeṣāṃ gṛhe sadā
mārkaṇḍeya uvāca
na śrotriyā dvijā gāvo guravo'tithayaḥ sadā
yatra bharttā ca bhāryyā ca paraspara virodhinau
138.32
sabhāryyastvaṃ gṛhaṃ tasya viśethā bhayavarjitaḥ
devadevo mahādevo rudrastribhuvaneśvaraḥ
138.33
vinindyo yatra bhagavān viprasya bhayavarjitaḥ
vāsudevaratirnāsti yatra nāsti sadāśivaḥ
138.34
japahomādikaṃ nāsti bhakta nāsti gṛhe nṛṇām
parvaṇyabhyarccanaṃ nāsti caturddaśyāṃ viśeṣataḥ
138.35
kṛṣṇāṣṭamyāñca rudrasya sandhyāyāṃ bhaktavarjitāḥ
caturddaśyāṃ mahādevaṃ na yajanti ca yatra vai
138.36
viṣṇornāmavihīnā ye saṅgatāśca durātmabhiḥ
namaḥ kṛṣṇāya śarvāya śivāya parameṣṭhine
138.37
brāhmaṇāya narā mūr̤hā na vadanti durātmakā
tatraiva satataṃ vatsa ! sabhāryyastva samāviśa
138.38
vedaghoṣo na yatrāsti gurupūjādayo na ca
pitṛkarmavihīnāṃstu sabhāyyaṃstvaṃ samāviśa
138.38-2
rātrau rātrau gṛhe yasmin kalaho varttate mithaḥ
anayā sārddhamagriśra' viśa tvaṃ bhayavarjitaḥ
138.40
liṅgārccanaṃ yasya nāsti yasya nāsti japādikam
rudrabhaktivinindā ca tatraiva viśa nirbhayaḥ
138.4-2
atithiḥ śrotriyo vāpi gururvā vaiṣṇavo'pi vā
na santi yadgṛhe gāvaḥ sabhāryyastvaṃ samāviśa
138.42
bālānāṃ pre kṣamāṇānāṃ yatrā datvā tvabhakṣayan
bhakṣyāṇi tatra saṃhṛṣṭaḥ sabhāyyaṃstvaṃ samāviśa
138.43
anabhyarcya mahādevaṃ vāsudevamathāpi vā
ahutvā vidhivadyatra tatra nityaṃ samāviśa
138.44
pāpakarmaratā mūḍhā dayāhīnāḥ parasparam
gṛhe yasmin samāsakto deśe vā tatra saṃviśa
138.4-3
prākārāgāravidhvaṃ sā na caivehā kuṭumbinau
tad gṛhantu samāsādya vasa nityaṃ hi hṛṣṭadhīḥ
138.46
yatra kaṇṭakino vṛkṣā yatra niṣpāvavallarī
brahmavṛkṣaśca yatrāsti sabhāyyaṃstvaṃ samāviśa
138.47
agastyārkādayo vāpi vandhu jīvo gṛheṣu vai
karavīrau viśeṣeṇa nandyāvartta mathāpi vā
138.48
mallikā vā gṛhe yeṣāṃ sabhāryyastvaṃ samāviśa
kāmpā ca yatra vai vṛkṣo drohau vā ca jaṭī gṛhe
138.46-2
bahulā kahalī yatra sabhāryyastvaṃ samāviśa
tālaṃ tamālaṃ bhallātaṃ tintiḍīka mathāpi vā
138.50
kadambakhadiraṃ vāpi sabhāryyastvaṃ samāviśa
nyagrodhaṃ vā gṛhe yeṣāṃ aśvatthaṃ cūtameva vā
138.51
udumbaraṃ vā panasraṃ sabhāryyastvaṃ samāviśa
yasya kākagṛhaṃ nimbe ārāme vā gṛhe'pi vā
138.52
daṇḍino muṇḍino vāpi sabhāryyastvaṃ samāviśa
ekā dāsī gṛhe yatra trigavaṃ pañcamāhiṣam
138.53
ṣar̤aśvaṃ saptamātaṅgaṃ sabhāryyastvaṃ samāviśa
yasya kālī gṛhe devī pretarūpā ca ḍākinī
138.54
kṣetrapālo'tha vā yatra sabhāryyastvaṃ samāviśa
bhikṣuvimbañca vai yasya gṛhe kṣapaṇakaṃ tathā
138.55
bauddhaṃ vā vimbamāsādya tatra pūrṇa samāviśa
śayanāsanakāleṣu bhojanāṭanavṛtttiṣu
138.56
yeṣāṃ vadati no vāṇī nāmāni ca hareḥ sadā
tad gṛhaṃ te samākhyātaṃ sabhāryyasya niveśitum
138.57
pāṣaṇḍācāraniratāḥ śrautasmārtta bahiskṛtāḥ
viṣṇubhaktivinirmuktā mahādeva vinindakāḥ
138.58
nāstikāśca śaṭhā yatra sabhāryyastvaṃ samāviśa
sarvvasmādadhikatvaṃ ye na vadanti pinākinaḥ
138.58-2
sādhāraṇaṃ smaratye naṃ sabhāryyastvaṃ samāviśa
brahmā ca bhagavān viṣṇuḥ śakrāḥ sarvvasureśvarāḥ
138.60
rudraprasādajāśceti na vadanti durātmakāḥ
brahmā ca bhagavān viṣṇuḥ śakraśca sama eva ca
138.61
vadanti mūr̤hāḥ khadyotaṃ bhānuṃ vā mūr̤hacetasaḥ
teṣāṃ gṛhe tathā caite āvāse vā samāviśa
138.62
vipra bhuṃkta gṛhaṃ teṣāṃ api pūrṇamananyadhīḥ
ye'śnanti kevalaṃ mūḍhāḥ pakkamannaṃ vicetasaḥ
138.63
snānamaṅgalahīnāśca teṣāṃ tvaṃ gṛha māviśa
yā nārī śaucavibhraṣṭā dehasaṃskāravarjitā
138.64
sarvabhakṣaratā nityaṃ tasyāḥ sthāne samāviśa
malinākhyāḥ strayaṃ martyā malināmbaradhāriṇaḥ
138.65
maladantā gṛhasthāśca gṛhe teṣāṃ samāviśa
pādaśaucavinirmuktāḥ sandhyākāle ca śāyinaḥ
138.66
sandhyāyāmaśna te ye vai gṛhaṃ teṣāṃ samāviśa
atyāśanaratā martyā atipānaratā narāḥ
138.67
dyūtavādakriyā mūḍhāḥ gṛhe teṣāṃ samāviśa
brahmasvahāriṇo ye cāyogyāṃścaiva yajanti vā
138.68
śūdrānnabhojino vāpi gṛhaṃ teṣāṃ samāviśa
madyapānaratāḥ pāpā māṃsabhakṣaṇatatparāḥ
138.66-2
paradāraratā martyā gṛhaṃ teṣāṃ samāviśa
parvavyanarttābhiratā maithune vā divā ratāḥ
138.70
sandhyāyāṃ maithunaṃ yeṣāṃ gṛhe teṣāṃ samāviśa
vṛkṣato maithunaṃ yeṣāṃ śvānavat mṛgavacca vā
138.71
jale vā maithunaṃ kuryyāt sabhārthyastvaṃ samāviśa
rajasvalāṃ striyaṃ gaccheccāṇḍālīṃ vā narādhamaḥ
138.72
kanyāṃ vā gorute vāpi gṛhaṃ teṣāṃ samāviśa
bahunā kiṃ pralāpena nityakarmabahiṣkṛtāḥ
138.73
rudrabhaktivihīnā ye gṛhaṃ teṣāṃ samāviśa
imaṃ diṅmohasaiḥ kṣudraiḥ meṣamālipya gacchati
138.74
bhadrāva karotyasmāt sabhāyaṃsya samāviśa
sūta uvāca
ityuktā sa muniḥ śrīmān nirmājya nayane tadā
138.75
brahmarṣibhre bhrasaṅgādyasattvaivāntaradhīyata
duḥsahaśca tathoktāni sthānāni ca sameyivān
138.76
viśeṣāddevadevasya viṣṇornindāratāmbavām
sabhāryo muniśārdūlaḥ seṣā jyeṣṭhā iti smṛtā
138.77
duḥsahastā muvācedaṃ taḍāgāśramamantare
āsva tvamatra grāhaṃ vai pravekṣyāmi rasātalam
138.78
āvayoḥ sthānamālokya nivāsārthaṃ tataḥ punaḥ
āgamiṣyāmi te pārśvamityuktā tamuvāca sā
138.76-2
kimaśnāmi mahābhāga ! ko me dāsyati vai balim
ityuktāṃ muniḥ prāha yāstriyastvāṃ yajanti vai
138.80
balibhiḥ puṣpadhūpaiśca na tāsāñca gṛhaṃ viśa
ityuktā tvāviśattatra pātāla bilayogataḥ
138.81
adyāpi ca vinirmagno muniḥ sajalasaṃstare
grāmaparvatabāhyeṣu nityamāste śubhā punaḥ
138.82
prasaṅgāddevadeveśo viṣṇustribhuvaneśvaraḥ
khadmagā dṛṣṭastayā lakṣmyāḥ sā tamāha janārddanam
138.83
bharttā gato mahābāho ! bilaṃ tyaktā sa māṃ prabho !
anāthā'haṃ jagannātha ! vṛttiṃ dehi namo'stu te
138.84
sūta uvāca
evamukto bhagavān viṣṇuḥ prahasyāha janārddanaḥ
jyeṣṭhāmasatīṃ deveśo mādhavo madhusūdanaḥ
138.85
śrīviṣṇuruvāca
ye rudramanaghaṃ śarvaṃ śaṅkaraṃ nīlalohitam
ambāṃ haimavatīṃ vāpi janitrīṃ jagatāmapi
138.86
madbhaktāścintayantyatra teṣāṃ vittaṃ tavaiva hi
yo'pi caiva mahādevaṃ vinindyaiva yajanti mām
138.87
mūr̤hā hyabhāgyā madbhaktā api teṣāṃ dhanaṃ tava
yasyājñayā hyahaṃ brahmā prasādād varttate sadā
138.88
ye yajanti vinindyaiva mama vidveṣakārakāḥ
madbhaktā naiva te bhaktā iva varttanti durmadāḥ
138.86-2
teṣāṃ gṛhaṃ dhanaṃ caiva iṣṭāpūrttaṃ tavaiva hi
sūta uvāca
ityuktā tāṃ parityajya lakṣmyā lakṣmīṃ janārddanaḥ
138.801
jajāpa bhagavān rudramalakṣmīkṣayasiddhaye
tasmāt pradeyaṃ tasyai va baliṃ nityaṃ munīśvarāḥ !
138.81-2
viṣṇubhaktairna sandehaḥ sarvayatnena sarvadā
aṅganābhiḥ sadā pūjyā balibhirvividhairdvijāḥ !
138.82-2
yaḥ paṭhet śṭaṇuyādvāpi śrāvayedvā dvijottamān
alakṣmīhṛttamanagho lakṣmīvān labhate gatim
138.82-2.p1
ityādi mahāpurāṇe śrīlaiṅge uttarārddhe alakṣmīvrataṃ nāma ṣaṣṭho'dhyāyaḥ || 6
Linked texts (4)
- Liṅgapurāṇa — Vyāsa, Sanskrit
- Vīraśaivācārapradīpikā — Gurudeva 1575, Sanskrit
- Vedāntasāravīraśaivacintāmaṇi — Niṣṭhura Nañjanācārya 1700, Sanskrit
- Narmadāmāhātmya — Sanskrit