Linga 139
Liṅga 139
- Language
- Sanskrit
Contents
- 139.33 — 1 part
139.1
saptamo'dhyāyaḥ
ṛṣaya ūcuḥ
kiṃ japanmucyate jantuḥ sarvvalokabhayādibhiḥ
sarvvapāpavinirmuktaḥ prāpnoti paramāṃ gatim
139.2
alakṣmīṃ vātha santyajya gamiṣyati japena vai
lakṣmīvāso bhavetkathyaṃḥ sūta ! vaktumihārhasi
139.3
sūta uvāca
purā pitāmahenoktaṃ vasiṣṭhāya mahātmane !
vakṣye saṅkṣepataḥ sarvvaṃ sarvvalokahitāya vai
139.4
śṭaṇvantu vacanaṃ sarvve praṇipatya janārddanam
devadevamajaṃ viṣṇuṃ kṛṣṇamacyutamavyayam
139.5
sarvvapāpaharaṃ śuddhaṃ mokṣadaṃ brahmavādinām
manasā karmaṇā vācā yo vidvān puṇyakarmakṛt
139.6
nārāyaṇaṃ jagannityaṃ praṇamya puruṣottamam
svapannārāyaṇaṃ devaṃ gacchannārāyaṇaṃ tathā
139.7
bhuñjannārāyaṇaṃ viprastiṣṭhan jāpyam sanātanam
uttiṣṭhannimiṣan vāpi namo nārāyaṇyeti vai
139.8
bhojyaṃ peyañca lehyañca namo nārāyaṇyeti ca
abhimantraya svayam bhuṃkte sa yāti paramāṃ gatim
139.6-2
sarvvapāpavinirmuktaḥ prāpnoti ca satāṃ gatim
alakṣmī ca mayā proktā patno yā duḥsahasya ca
139.10
nārāyaṇapadaṃ śrutvā gacchatyeva na saṃśayaḥ
yā lakṣmīrdevadevasya hareḥ kṛṣṇasya vallabhā
139.11
gṛhe kṣetre tathā vāse tatrau vasati suvratāḥ !
ālodya sarvvaśāstrāṇi vicāryya ca punaḥ punaḥ
139.12
idamekaṃ suniścitaṃ dhyeyo nārāyaṇaḥ sadā
kiṃ tasya bahubhirmantraiḥ kiṃ tasya bahubhirvrataiḥ
139.13
namo nārāyaṇāyeti mantraḥ sarvvārthasādhakaḥ
tasmāt sarvveṣu kāleṣu namo nārāyaṇati ca
139.14
japet sa yāti viprendrā ! viṣṇulokaṃ sabāndhavaḥ | .
anyacca devadevasya śṛṇvantu munisattamāḥ !
139.15
mantro mayā purābhyastaḥ sarvvavedārthasādhakaḥ
dvādaśākṣarasaṃyukto dvādaśātmā purātanaḥ
139.16
tasyoddeśaṃ ca māhātmyaṃ saṅkṣepāt pravadāmi vaḥ
kaściddijo mahāprājñastapastaptvā kathañcana
139.17
putramekaṃ tathotpādya saṃskāreṇa yathākramam
yojayitvā yathākālaṃ kṛtopanayanaṃ punaḥ
139.18
adhyāpayāmāsa tadā sa ca novāca kiñcana
na jihvā spandate tasya duḥkhito'bhūddijottamaḥ
139.16-2
vāsudeveti niyatamaitareyo vadatyasau
pitā tasya tathā cānyāṃ pariṇīya yathāvidhi
139.20
putrānutpādayāmāsa tathaiva vidhipūrvakam
vedābhaghautva sampanā babhūvuḥ sarvvasammatāḥ
139.21
aitareyasya sā mātā duḥkhitā śokamūrcchitā
uvāca putrāḥ sampanā vedavedāṅgapāragāḥ
139.22
brāhmaṇaiḥ pūjyamānā vai modayanti ca mātaram
mama tvaṃ bhāgyahīnāyāḥ putro jāto nirākṛtiḥ
139.23
mamādya nidhanaṃ śreyo na kathañcana jīvitam
ityuktaḥ sa ca nirgamya yajñavāṭaṃ jagāma vai
139.24
tasmin yāte dvijānāntu na mantrāḥ pratipedire
aitareye sthite tatra brāhmaṇā mohitāstadā
139.25
tato vāṇī samudbhūtā vāsudeveti kīrttanāt
aitareyasya te viprāḥ praṇipatya yathātatham
139.26
pūjāñcakru stato yajñaṃ svayameva jagāma vai
tataḥ samāpya taṃ yajñamaitareyo dhanādibhiḥ
139.27
sarvvedān sadasyāṃśca ṣaḍaṅgān sasamāhitaḥ
tuṣṭuvuśca tathā viprā brahmādyāśca tathā dvijāḥ !
139.28
sasṛjuḥ puṣpavarṣāṇi khecarāḥ siddhacāraṇāḥ
evaṃ samāpya vai yajñamaitareyo dvijottamaḥ
139.26-2
mātaraṃ pūjayitvā tu viṣṇoḥ sthānaṃ jagāma ha
etadvai kathitaṃ sarvaṃ dvādaśākṣaravaibhavam
139.30
paṭhatāṃ śṛṇvatāṃ nityaṃ mahāpātakanāśanam
japan yaḥ puruṣo nityaṃ dvādaśākṣaramavyayam
139.31
sa yāti divyamatulaṃ viṣṇostatparamaṃ padam
api pāpasamācāro dvādaśākṣaratatparaḥ
139.32
prāpnoti paramaṃ sthānaṃ nātra kāryyā vicāraṇā
kiṃ punaryye svadharmmasthā vāsudevaparāyaṇāḥ
139.33
divyaṃ sthānaṃ mahātmānaḥ prāpnuvantīti suvratāḥ !
139.33.p1
ityādi mahāpurāṇe śrīlaiṅge uttarārddhe dvādaśākṣarapraśaṃsā nāma saptamo'dhyāyaḥ || 7
Linked texts (1)
- Liṅgapurāṇa — Vyāsa, Sanskrit