Linga 14: atha ekādaśo'dhyāyaḥ
Liṅga 14
- Language
- Sanskrit
Contents
- 14.11 — 1 part
atha ekādaśo'dhyāyaḥ
14.1
ṛṣayaḥ ūcuḥ
kathaṃ vai dṛṣṭavān brahmā sadyojātaṃ maheśvaram
vāmadevaṃ mahātmānaṃ purāṇapuruṣottamam
14.2
aghorañca tatheśānaṃ yathāvadvaktu marhasi
sūta uvāca
ekonatriṃśakaḥ kalpo vijñeyaḥ śvetalohitaḥ
14.3
tasmiṃstat paramaṃ dhyānaṃ dhyāyato brahmaṇastadā
utpannastu śikhāyuktaḥ kumāraḥ śvetalohitaḥ
14.4
taṃ dṛṣṭvā puruṣaṃ śrīmān brahmā vai viśvatomukhaḥ
hṛdi kṛtvā mahātmānaṃ brahmarūpiṇamīśvaram
14.5
sadyojātaṃ tato brahmā dhyānayogaparo'bhavat
dhyānayogāt paraṃ jñātvā vavande devamīśvaram
14.6
sadyojātaṃ tato brahmā brahma vai samacintayat
tato'sya pārśvataḥ śvetāḥ prādurbhūtā mahāyaśāḥ
14.7
sunando nandanaścaiva viśvanandopanandanau
śiṣyāste vai mahātmāno yaistad brahma sadā vṛtam
14.8
tasyāgre śvetavarṇābhaḥ śveto nāma mahāmuniḥ
vijajñe'tha mahātejāstasmājjajñe harastvasau
14.9
tatra te munayaḥ sarve sadyojātaṃ maheśvaram
prapannāḥ parayā bhaktyā gṛṇanto brahma śāśvatam
14.10
tasmāddimbeśvaraṃ devaṃ ye prapadyanti vai dvijāḥ
prāṇāyāmaparā bhūtvā brahma tatparamānasāḥ
14.11
te sarve pāpanirmuktā vimalā brahmavarcasaḥ
viṣṇulokamatikramya rudralokaṃ vrajanti te
14.11.p1
ityādi0 sadyojātamāhātmyaṃ nāmaikādaśo'dhyāyaḥ || 11
Linked texts (4)
- Liṅgapurāṇa — Vyāsa, Sanskrit
- Vāyupurāṇa — Vyāsa, Sanskrit
- Liṅgapurāṇa — Ativīrarāma Pāṇṭiyar 1500, Sanskrit
- Prakriyāpāda — Sanskrit