Linga 140
Liṅga 140
- Language
- Sanskrit
140.1
aṣṭamo'dhyāyaḥ
sūta uvāca
aṣṭākṣaro dvijaśreṣṭhā namo ! nārāyaṇati ca
dvādaśākṣaramantraśca paramaḥ paramātmanaḥ
140.2
mantraḥ ṣaḍakṣaro viprāḥ ! sarvavedārthasañcayaḥ
yasau namaḥ śivāyeti mantraḥ sarvārthasādhakaḥ
140.3
tathā śivatarāyeti divyaḥ pañcākṣaraḥ śubhaḥ
mayaskarāya cetyevaṃ namase śaṅkarāya ca
140.4
saptākṣaro'yaṃ rudrasya pradhānapuruṣasya vai
brahmā ca bhagavān viṣṇuḥ sarve devāḥ savāsavāḥ
140.5
mantrairetairdvijaśreṣṭhā ! munayaśca yajanti tam
śaṅkaraṃ devadeveśaṃ mayaskaramajodbhavam
140.6
śivañca śaṅkaraṃ rudraṃ devadevamumāpatim
prāhurnamaḥ śivāyeti namaste śaṅkarāya ca
140.7
mayaskārāya rudrāya tathā śivatarāya ca.
japtvā mucyeta vai vipro ! brahmahatyādibhiḥ kṣaṇāt
140.8
purā kaściddvijaḥ śakto dhundhu mūka iti śrutaḥ
āsīttṛtīye tretāyāmāvartte ca manoḥ prabhoḥ
140.6-2
meṣavāhanakalpe vai brahmaṇaḥ paramātmanaḥ
meṣo bhūtvā mahādevaṃ kṛttivāsasamīśvaram
140.10
bahumānena vai rudraṃ devadevo janārddanaḥ
khinno'tibhārādrudrasya niśvāsocchvāsavarjitaḥ
140.11
vijñāpya śitikaṇṭhāya tapaścakre 'mbujekṣaṇaḥ
tapasā paramaiśvaryyaṃ balañcaiva tathāmutam
140.12
labdhavān paramegānāt śaṅkarāt paramātmanaḥ
tasmāt kalpastadā cāsīnmeṣavāhanasaṃjñayā
140.13
tasmin kalpe muneḥ śāpāt dhundhu mūkasamudbhavaḥ
dhundhumūka|tmajastena durātmā ca babhūva saḥ
140.14
dhundhumūkaḥ purāsakto bhāryyaṃ yā saha mohitaḥ
tasyāṃ vai sthāpito garbhaḥ kāmāsaktena cetasā
140.15
amāvāsyāmahanyeva muhūrtte rudradaivate
antarvatnī tadā bhāryyā muktā tena yathāsukham
140.16
asta sā ca tanayaṃ viśalyākhyā prayatnataḥ
rudre muhūrtte mandeina bodhite munisattamāḥ !
140.17
mātuḥ pitustathāriṣṭaṃ sa sañjātastathātmanaḥ
ṛṣo tamūcaturviprā ! dhundhu mūkaṃ nidhastadā
140.18
mitrā varuṇanāmānau kupyatutra iti saptamau
vasiṣṭhaḥ prāśu nīco'pi prabhāvāhrai vṛhaspateḥ
140.16-2
putrastavāsī durbuddhirapi mucyati kilviṣāt
duḥkhito dhundhumūko'sau dṛṣṭvā putramavasthitam
140.20
jātakamādikaṃ kṛtvā vidhivat svayameva ca
adhyāpayāmāsa ca taṃ vidhinaiva dvijottamaḥ !
140.21
tenādhītaṃ yathā nyāyaṃ dhaundhumūkena suvratāḥ !
kṛtodvāhastadā gatvā guruśuśrūṣaṇe rataḥ
140.22
anenaiva muniśreṣṭhā ! dhaundhumūkena durmaṃdāt
bhuktāntyāṃ vṛṣalīṃ dṛṣṭvā svabhāryyāvadvihāniśam
140.23
'ekaśayyāsaṅgato dhaundhumūko dvijādhamaḥ
tathā cacāra durbuddhistyaktvā dharmagatiṃ parām
140.24
mādhvī pītā tayā sārdhaṃ tena rāgavihvahaye
kenāpi kāraṇānte na tāmuddiśya dvijottamāḥ !
140.25
nihatā sā ca pāpena vṛṣalī gatamaṅgalā
tatastasyāstadā tasya bhrātṛbhirnihataḥ pitā
140.26
mātā ca tasya durbuddheḥ dhaundhu mūkasya śobhanā
bhāryyā ca tasya durbuddheḥ śyālāste cāpi suvratāḥ !
140.27
rājñā caṇḍādaho naṣṭaṃ kulaṃ tasyāśca tasya ca
gatvāsau dhaundhumūkaśca yena kenāpi līlayā
140.28
dṛṣṭvā tu taṃ muniśreṣṭhaṃ rudrajāpyaparāyaṇam
labdhvā pāśupataṃ tasmai purā devācchreśvarāt
140.29
labdhvā pañcākṣaraccaiva ṣaḍakṣaramanuttamam
punaḥ pañcākṣarañcaiva japtvā lakṣaṃ pṛthak pṛthak
140.30
vrataṃ kṛtvā ca vidhinā divyaṃ dvādaśamāsikam
kāladharmaṃ gataḥ kāle pūjitaśca yamena vai
140.31
uddhṛtā ca tathā mātā pitā śyālāśca sarvvataḥ !
patnī ca subhagā jātā susthitā ca pativratā
140.32
tābhirvimānamāruhya devaiḥ sendrairabhiṣṭutaḥ
gāṇapatyamanuprāpya rudrasya dayito'bhavat
140.33
tasmādaṣṭākṣarāt mantrāttathā vai dvādaśākṣarāt
bhavetkoṭiguṇaṃ puṇyaṃ nātra kāryā vicāraṇā
140.34
tasmājjapeddhi yo nityaṃ prāguktena vidhānataḥ
śaktibījasamāyuktaṃ sa yāti paramāṃ gatim
140.35
etadvaḥ kathitaṃ sarvaṃ kathāsarvasvamuttamam
yaḥ paṭhet śṛṇuyādvāpi śrāvayedvā dvijottamān
140.36
sa yāti brahmalokantu rudrajāpyamanuttamam
Linked texts (2)
- Liṅgapurāṇa — Vyāsa, Sanskrit
- Sāmbapurāṇa — Sanskrit