Pramāṇa · Search · About · API

Linga 141

Liṅga 141

Language
Sanskrit

141.1

navamo'dhyāyaḥ
ṛṣaya ūcuḥ
devaiḥ purā kṛtaṃ divyaṃ vrataṃ pāśupataṃ śubham
brahmaṇā ca svayaṃ sūta ! kṛṣṇenākliṣṭakarmaṇā

141.2

patitena ca vipreṇa dhaunmukhena vai tathā
kṛtvā jagra gatiḥ prāptā kathaṃ pāśupataṃ vratam

141.3

kathaṃ paśupatirdevaḥ śaṅkaraḥ parameśvaraḥ
vaktumarhasi cāsmākaṃ paraṃ kautūhalaṃ hi naḥ

141.4

sūta uvāca
purā śāpādivinirmukto brahmaputrī mahāyaśāḥ
rudrasya devadevasya maruddegādihāgataḥ

141.5

tyaktā prasādādrudrasya uṣṭradehaṃmajājñayā
śilādaputramāsādya namaskṛtya vidhānataḥ

141.6

merupṛṣṭhe munivaraḥ śrutvā dharmamanuttamam
māheśvaraṃ muniśreṣṭhā ! apṛcchacca punaḥ punaḥ

141.7

nandinaṃ praṇipatyainaṃ kathaṃ paśupatiḥ prabhuḥ
vaktumarhasi cāsmākaṃ tatsarvvañca tadāha saḥ

141.8

tatsarvvaṃ śrutavān vyāsaḥ kṛṣṇadvaipāyanaḥ prabhuḥ
tasmādahamapaśrutya yuṣmākaṃ pravadāmi vaḥ

141.6-2

sarve śṛṇvantu vacanaṃ namaskṛtyā maheśvaram
sanatkumāra uvāca
kathaṃ paśupatirdevaḥ paśavaḥ ke prakīrttitāḥ

141.10

kaiḥ pāśaiste nibadhyante vimucyante ca te katham
śailādiruvāca
sanatkumāra ! vakṣyāmi sarvvametadyathātatham

141.11

rudrabhaktasya śāntasya tava kalyāṇacetasaḥ
brahmādyāḥ sthāvarāntāśca devadevasya dhīmataḥ

141.12

paśavaḥ parikīrttyante saṃsāravaśavarttinaḥ
teṣāṃ patitvādbhagavān rudraḥ paśupatiḥ smṛtaḥ

141.13

anādinidhano dhātā bhagavān viṣṇuravyayaḥ
māyāpāśena badhnāti paśuṃstaṃ paramekharaḥ

141.14

sa eva mocakaste ṣāṃ jñānayogena sevitaḥ
avidyāpāśabaddhānāṃ nānyo mocaka dūṣyate

141.15

tamṛte paramātmānaṃ śaṅkaraṃ parameśvaram
caturviṃśatitattvāni pāśā hi parameṣṭhinaḥ

141.16

taiḥ pāśairmocayatyekaḥ śivo jīvairūpāsitaḥ
nibadhnāti paśūnekaścaturviṃśati pāśakaiḥ

141.17

sa eva bhagavān rudro mocayatyapi sevitaḥ
daśendriyamayaiḥ pāśaiḥ antaḥkaraṇasambhavaiḥ

141.18

bhūta tanmātrapāśaiśca paśūnmocayati prabhuḥ
indriyārthamayaiḥ pāśairbadhdā viṣayiṇaḥ prabhuḥ

141.18-2

āśu bhaktā bhavantyeva parameśvarasevayā
bhaja ityeṣa dhāturve sevāyāṃ parikīrttitaḥ

141.20

tasmāt sevā budhaiḥ proktā bhaktiśabdena bhūyasī
brahmādistambaparyyantaṃ paśūn badhvā maheśvaraḥ

141.21

tribhirguṇamayaiḥ pāśaiḥ kāryyaṃ kārayati svayam
dṛḍhena bhaktiyogena paśubhiḥ samupāsitaḥ

141.22

mocayatyeṣa tān sadyaḥ śaṅkaraḥ parameśvaraḥ
bhajanaṃ bhaktirityuktā vāṅmanaḥ kāyakarmabhiḥ

141.23

sarvakāryyeṣu hetutvāt pāśacchedapaṭīyasī
satyaḥ sarvaga ityādi śivasya guṇacintanam

141.24

rūpopādānacintā ca mānasaṃ bhajanaṃ viduḥ
vācikaṃ bhajanaṃ dhīrāḥ praṇavādijapaṃ viduḥ

141.25

kāyikaṃ bhajanaṃ sadbhiḥ prāṇāyāmādi kathyate
dharmmādharmmamayaiḥ pāśairbandhanaṃ dehināmidam

141.26

mocakaḥ śiva evaiko bhagavān parameśvaraḥ
caturviṃśatitattvāni māyākarma guṇā iti

141.27

korttyante viṣayāśceti pāśā jīvanibandhanāt
tairbaddhāḥ śivabhaktyaiva mucyante sarvvadehinaḥ

141.28

pañcakleśamayaiḥ pāśaiḥ paśūn badhnāti śaṅkaraḥ
sa eva mocakasteṣāṃ bhaktyā samyagupāsitaḥ

141.26-2

avidyāmasmitāṃ rāgaṃ dveṣañca dvipadāṃ varāḥ !
vadantyabhiniveśañca kleśān pāśatvamāgatān

141.30

tamo moho mahāmohastāmisra iti paṇḍitāḥ
andhatāmisra ityāhuravidyāṃ pañcadhā sthitām

141.31

tān jīvān muniśārdūlāḥ ! sarvāṃśca vāpyavidyayā
śivo mocayati śrīmānnānyaḥ kaścidvimocakaḥ

141.32

avidyā tama ityāhurasmitāṃ moha ityapi
mahāmoha iti prājñā rāgaṃ yogaparāyaṇāḥ

141.33

dveṣaṃ tāmisra ityāhurandhatāmisra ityapi
tathaivābhiniveśañca mithyājñānaṃ vivekinaḥ

141.34

tamaso'ṣṭavidhā bhedā mohaścāṣṭavidhaḥ smṛtaḥ
mahāmohaprabhedāśca budhairdaśa vicintitāḥ

141.35

aṣṭādaśavidhaścāhustāmisrañca vicakṣaṇāḥ
andhatāmisrabhedāśca tathāṣṭādaśadhā smṛtāḥ

141.36

avidyāyāsya sambandho nātīto nāsya nāgataḥ
bhavedrāgeṇa devasya śambhoraṅkanivāsinaḥ

141.37

kāleṣu triṣu sambandhaḥ tasya dveṣeṇa no bhavet
māyātītasya devasya svādhoḥ paśupatervibhoḥ

141.38

tathaivābhiniveśena sambandho na kadācana
śaṅkarasya śaraṇyasya śivasya paramātmanaḥ

141.36-2

kuśalākuśalaistasya sambandho naiva karmabhiḥ
bhavet kālatraye śambhoravidyā mativarttinaḥ

141.40

vipākaiḥ karmaṇāṃ vāpi na bhavedeva saṅgamaḥ
kāleṣu triṣu sarvasya śivasya śivadāyinaḥ

141.41

sukhaduḥkhairasaṃspṛśaḥ kāla tritayavarttibhiḥ
satairvineśvaraiḥ śambhurbodhā nandātmakaḥ paraḥ

141.42

āśayairaparāmṛṣṭaḥ kālatritayagocaraiḥ
dhiyāṃ patiḥ svabhūreśa mahādevī maheśvaraḥ

141.43

aspṛśyaḥ karmasaṃskāraiḥ kālatritayavarttibhiḥ
tathaiva bhogasaṃskārairbhagavānantakāntakaḥ

141.44

puṃ viśeṣaparo devī bhagavān parameśvaraḥ
cetanācetanāyukta prapañcādakhilāt paraḥ

141.45

loke sātiśayatvena jñānaiśvaryyaṃ vilokyate
śivenātiśayatvena śivaṃ prāhurmanīṣiṇaḥ

141.46

pratisargaṃ prasūtānāṃ brahmaṇāṃ śāstravistaram
upadeṣṭā sa evādau kālāvacchedavarttinām

141.47

kālāvacchedayuktānāṃ gurūṇāmapyasau guruḥ
sarveṣāmiva sarveśaḥ kālāvacchedavarjitaḥ

141.48

anādireṣa sambandho vijñānātkarṣayoḥ paraḥ
sthitayo rīdṛśaḥ sarvvaḥ pariśuddhaḥ svabhāvataḥ

141.49

ātmaprayojanābhāve parānugraha eva hi
prayojanaṃ samastānāṃ kāryyāṇāṃ parameśvaraḥ

141.50

praṇavo vācakastasya śivasya paramātmanaḥ
śivarudrādiśabdānāṃ praṇavo'pi paraḥ smṛtaḥ

141.51

śambhoḥ praṇavavācyasya bhāvanā tajjapādapi
yā siddhiḥ svaparā prāpyā bhavatyeva na saṃśayaḥ

141.52

jñānatatvaṃ prayatna na yogaṃ pāśupataṃ param
uktantu devadevena sarveṣāmanukampayā

141.53

sahovācaiva yājñavalkyo yadakṣaraṃ gārgya yoginaḥ
abhivadanti sthūlamantaṃ mahāhrasvaṃ mahorghamalotamamastakramāsāyamata evo punārasamasaṅgamagandhanarasama
kṣukkamaśrotramavāṅmano tejaskamapramāṇamanusukhamanamamage
mamaramajaramanāmayamamṛtamāṃ śabdamamṛttamasaṃvṛtamapūrvaṃma
paramanantamabāhyaṃ tadaśnāti kiñcana na tadaśnā
kiñcana

141.54

etat kālavaye jñātvā paraṃ pāśupataṃ prabhum
yoge pāśupate cāsmin yasyārthaḥ kila uktame

141.55

klavojñārapradīpaṃ mṛgaya gṛhapatiṃ sūkṣmamādyantaraṅka
sadyasya dvāravāsaṃ pavanapadutaraṃ nāyakañcandriyāṇāṃ
vāk jālaiḥ kasya hetorvibhaṭasi tu bhaya' dṛśyate naiva kiṃ
hehastaṃ paśya śambhu bhramasi kimu pare śāstrajāle'ndhakāre
evaṃ samyak budhairjñātvā munīnāmarthakṣīṇaṃ śivena
asamarasaṃ pañcadhā jñātvā bhayadyātmeni yojayet

Linked texts (4)