Linga 142
Liṅga 142
- Language
- Sanskrit
Contents
- 142.47 — 1 part
142.1
daśamo'dhyāyaḥ
sanatkumāra uvāca
bhūya eva samācakṣva mahimānamumāpateḥ
bhavabhaktamahāprājña ! bhagavannandikeśvara !
142.2
śailādi ruvāca
sanatkumāra ! saṅkṣepānna vakṣyāmyaśeṣataḥ
mahimānaṃ maheśasya bhavasya parameṣṭhinaḥ
142.3
nāsya prakṛtibandho'bhūd buddhivandho na kaścana
na cāhaṅkārabandhaśca mano bandhaśca no'bhavat
142.4
cittabandho na tasyābhūt śrotrabandho na cābhavat
natvacāścakṣuṣāṃ vāpi bandho jajñe kadācana
142.5
jihvābandho na tasyābhūt ghrāṇabandho na kaścana
pādabandhaḥ pāṇibandho vāgbandhaścaiva suvrata !
142.6
upasthendriyabandhaśca bhūtatanmātrabandhanam
nityaśuddhasvabhāvena nityabuddho nisargataḥ
142.7
nityamukta iti prokto munibhistattvavedibhiḥ
anādimadhyanidhanasya śivasya parameṣṭhinaḥ
142.8
buddhiṃ sūte niyogena prakṛtiḥ puruṣasya ca
ahaṅkāraṃ prasūte'syā buddhisattva niyogataḥ
142.8-2
antaryāmīti deveṣu prasiddhasya svayambhuvaḥ
indriyāṇi daśaikañca tanmātrāṇi ca śāsanāt
142.10
ahaṅkāro'ti saṃsūte śivasya parameṣṭhinaḥ
tanmātrāṇi niyogeina tasya saṃsūvate prabhoḥ
142.11
mahābhūtānyaśeṣeṇa mahādevasya dhīmataḥ
brahmādīnāṃ tṛṇāntaṃ hi dehināṃ dehasaṅgatim
142.12
mahābhūtānyaśeṣāṇi janayanti śivājñayā
adhyavasyati sarvvāryān buddhiratasyājñayā vibhoḥ
142.13
antaryāmīti deheṣu prasiddhasya svayambhuvaḥ
svabhāvasiddhamaiśvaryyaṃ svabhāvādeva bhūtayaḥ
142.14
tasyājñayā samastrāryāānahaṅkāro'timamyate
cittañce tayate cāpi manaḥ saṅkalpayatyapi
142.15
śrotraṃ śṛṇoti tacchaktyā śabdasparśādikañca yat
gambhīrājñābalenaiva bhavasya parameṣṭhinaḥ
142.16
vacanaṃ kurute vākyaṃ nādānādi kadācana
śarīrāṇāmaśeṣāṇāṃ tasya devasya śāsanāt
142.17
karoti pāṇirādānaṃ na gatvādi kadācana
sarveṣāmeva jantūnāṃ niyamādeva vedhasaḥ
142.18
vihāraṃ kurute pādo notsagādi kadācana
samastadehihṛntānāṃ śivasyaiva niyogataḥ
142.19
utsargaṃ kurute pāyurna vadeta kadācana
jantorjātasya sarvvasya parameśvaraśāsanāt
142.20
ānandaṃ kurute śaśvadupasthaṃ vacanādvibhoḥ
sarveṣāmeva bhūtānāmīśvarasyaiva śāsanāt
142.21
avakāśamaśeṣāṇāṃ bhūtānāṃ saṃprayacchati
ākāśaṃ sarvvadā tasya paramasraiva śāsanāt
142.22
nirdeśena śivasyaiva bhedaḥ prāṇādibhirnijaiḥ
vibhartti sarvvabhūtānāṃ śarīrāṇi prabhañjanaḥ
142.23
nirdeśāddevadevasya saptaskandhagato marut
lokayātrāṃ vahatyeva bhedaḥ svairāvahādibhiḥ
142.24
nāgādyaiḥ pañcabhirbhedaiḥ śarīreṣu pravarttate
apadeśena devasya paramasya samīraṇaḥ
142.25
havyaṃ vahati devānāṃ kavyaṃ kavyāśināmapi
pākañca kurute vahniḥ śaṅkarasyaiva śāsanāt
142.26
bhaktamāhārajātaṃ yat pacate dehināṃ tathā
udarasthaḥ sadā vahniḥ viśveśvaraniyogataḥ
142.27
sañjīvayantyaśeṣāriṇa bhūtānyāpa stadājñayā
avilaṅgyā hi sarvveṣāmājñā tasya garīyaso
142.28
carācarāṇi bhūtāni vibharttyeva tadājñayā
ājñayā tasya devasya devadevaḥ purandaraḥ
142.29
jīvatāṃ vyādhibhiḥ pīḍāṃ mṛtānāṃ yātanāśataiḥ
viśvambharaḥ sadā kālaṃ lokaiḥ sarvvairalaṅghyayā
142.30
devān pātya surān hanti vai lokamakhilaṃ sthitaḥ
adhārmikāṇāṃ vai nāśaṃ karoti śivaśāsanāt
142.31
varuṇaḥ salilairlokān sambhāvayati śāsanāt
majjayatyājñayā tasya pāśairbadhnāti cāsurān
142.32
puṇyānurūpaṃ sarvveṣāṃ prāṇināṃ samprayacchati
vittaṃ vitteśvarastasya śāsanāt parameṣṭhinaḥ
142.33
udayāstamaye kurvvan kurute kālamājñayā
ādityastasya nityasya sūkhasya paramātmanaḥ
142.34
puṣṇātyoṣadhijātāni prahlādayati ca prajāḥ
amṛtāṃśuḥ kalādhāraḥ kālakālasya śāsanāt
142.35
ādityā vasavo rudrā aśvinī marutastathā
anyāśca devatāḥ sarvāstacchāsanavinirmitāḥ
142.36
gandharvā devasaṅghāśca siddhāḥ sādhyāśca cāraṇāḥ
yakṣarākṣaḥ piśācāśca sthitāḥ śāsane ṣu vedhasaḥ
142.37
grahanakṣatratārāśca yajñā vedāstapāṃsi ca
ṛṣoṇāñca gaṇāḥ sarve śāsanaṃ tasya dhiṣṭhitāḥ
142.38
kanyāgnināṃ gaṇāḥ sapta samudrā girisambhavaḥ
śāsane tasya vartante kānanāni sarāṃsica
142.38-2
kalāḥ kāṣṭhā nimeṣāśca muhūrttā divasāḥ kṣapāḥ
ṛtavaddhapacamāsāśca niyogāttasya dhiṣṭhitāḥ
142.40
yugamanvantarākhyasya śambhostiṣṭhati śāsanāt
parārddhañca parārddhāśca kālabhedāstathā pare
142.41
devānāṃ jātayaścāṣṭau tiraścāmadhya jātayaḥ
manuṣyāśca pravarttante devadevasya dhīmataḥ
142.42
jātāni bhūtavṛndāni caturdaśasu yoniṣu
sarvvalokanaviṣṭhāni tiṣṭhantyasyaiva śāsanāt
142.43
caturdaśasu lokeṣu sthitā jātāḥ prajāḥ prabhoḥ
sarvveśvarasya tasyaiva viyogavagravarttinaḥ
142.44
pātālāni samastāni bhuvanānyasya śāsanāt
brahmāṇḍāni ca śeṣāṇi tathā sthāvarajaṅgamaṃ
142.45
varttamānāni sarvāṇi brahmāṇḍāni tadājñayā
varttante sarvabhūtārthaiḥ sametāni samantataḥ
142.46
vyatītānyapyasaṃkhyāni brahmāṇḍāni tadājñayā
pravṛttāni padārthaughaiḥ sahitāni samantataḥ
142.47
brahmāṇḍāni bhaviṣyanti saha vastubhirāmakaiḥ
kariṣyanti śivasyājñāṃ sarvai rāvaraṇaiḥ saha
142.47.p1
ityādimahāpurāṇe śrīlaiṅge uttarabhāge daśamo'dhyāyaḥ|| 10
Linked texts (9)
- Liṅgapurāṇa — Vyāsa, Sanskrit
- Śivapurāṇa (complete text) — Sanskrit
- Kūrmapurāṇa — Vyāsa, Sanskrit
- Candrajñānāgama — Sanskrit
- Vīramaheśvarācārasaṃgraha — Nīlakaṇṭha Nāganātha, Sanskrit
- Candrajñānatantra — Sanskrit
- Candrajñānāgamatantra — Sanskrit
- Kūrmapurāṇa (Ananta Gokhale) — Ananta Gokhale, Sanskrit
- Puruṣārthasudhānidhi — Sāyaṇācārya, Sanskrit