Linga 143
Liṅga 143
- Language
- Sanskrit
Contents
- 143.41 — 1 part
143.1
ekādaśo'dhyāyaḥ
sanatkumāra uvāca
vibhūtīḥ śivayormahyamācakṣva tvaṃ gaṇādhipa !
parāparavidāṃ śreṣṭha ! parameśvara bhāvita !
143.2
nandikeśvara uvāca
hanta te kathayiṣyāmi vibhūtīḥ śivayoraham
sanatkumāra ! yogīndra ! brahmāṇḍaśatabījam !
143.3
paramātmā śivaḥ proktaḥ śivā sā ca prakīrtitā
śivamaiśvaraṃ prāḍurmāyāṃ gaurīṃ vidurbudhāḥ
143.4
puruṣaṃ śaṃkaraṃ prāhurgaurīñca prakṛtiṃ dvijāḥ !
śambhuḥ śambhuḥ śivā bāṇo divasojaḥ śivā niśā
143.5
santatamūrmmahādevo śraddhācī dakṣiṇā smṛtā
ākāśaṃ śaṅkaro devaḥ pṛthivī śaṅkarapriyā
143.6
samudro bhagavān rudro belā śailendrakanyakā
vṛkṣaḥ śūlāyudho devaḥ śūlapāṇipriyā latā
143.7
brahmā haro'pi sāvitrī śaṅkarārddhaśarīriṇī
viṣṇurmaheśvaro lakṣmīrbhavānī parameśvarī
143.8
vajrapāṇirmahādevaḥ śacī śailendrakanyakā
jātavedāḥ svayaṃ rudraḥ svāhā sarvārthadāyinī
143.9
yamastriyambako devastatpriyā girikanyakā
varuṇo bhagavān rudro gaurī sarvārtha dāyinī
143.10
bālendu śekharò vāyuḥ śivā śivamantormā
candrārddha mauliyaṃ cendraḥ svayamṛddhiḥ śivā smṛtā
143.11
candrārddhaśekharaścandro rohiṇī rudravallabhā
sahasramiḥ śivaḥ kāntā umā devī suvarcasā
143.12
ṣaṇmukhastripuraghna' so devasenā harapriyā
umā prasūtirvai jñeyā dakṣo devo maheśvaraḥ
143.13
puruṣākhyo manuḥ śambhuḥ śatarūpā śivapriyā
vidurbhavānīmākūtiṃ ruciñca parameśvaram
143.14
bhṛgurbhagavāṃstridṛśa devaḥ khyātiśnniyamapriyā
marīcirbhagavān rudraḥ sambhūtiścettamā vibhoḥ
143.15
vidurbhavānīṃ rucirāṃ ruciñca parameśvaram
gaṅgādharo 'ṅgirā devaḥ smṛtiḥ svāhāhutā smṛtā
143.16
... ... .... .... kāntā viśvāṇiṇaḥ
pulahastripuradhvaṃsī dadhau kālaripupriyā
143.17
ṛturdakṣaṛtudhvaṃsī sañcatirdayitā vibhoḥ
vinetro viśvamā sācādanusūyā smṛtā budhaiḥ
143.18
ūrjāmāṅarumāṃ dṛrddhā vasiṣṭhaśca maheśvaram
śaṅkaraḥ puruṣāḥ sarve striyaḥ sarvā maheśvaro
143.18-2
puṃliṅgaśabdavācyā ye te ca rudrāḥ prakīrttitāḥ
strīliṅgaśabdavācyā yāḥ sarvā gauryā vibhūtayaḥ
143.20
sarve strīpuruṣāḥ proktāstayoreva vibhūtayaḥ
padārthaśaktayo yā bāstā gauroti vidurbudhāḥ
143.21
sā sā viśveśvaro devo sa ca sarvo maheśvaraḥ
śaktimantaḥ padārthā ye sa ca sarvo maheśvaraḥ
143.22
aṣṭau prakṛtayo devyā mūrttayaḥ parikīrttitāḥ
tathā vikṛtayastasyā dehabadbhavabhūtayaḥ
143.23
visphuliṅgā yathā tāvadagnī ca bahudhā smṛtāḥ
jovāḥ sarve tathā śarvau dvandvatvamupāgataḥ
143.24
gaurīrūpāṇi sarvāṇi śarīrāṇi śarīriṇām
śarīriṇastathā sarve śaṅkarāṃśā vyavasthitāḥ
143.25
śrāvyaṃ sarvamṛmārūpaṃ śrotā devo maheśvaraḥ
viṣayitvaṃ vibhurbhante viṣayātmakatāmumā
143.26
spraṣṭavyaṃ vastujātantu dhatte śaṅkaravallabhā
spraṣṭā sa eva viśvātmā śaṅkaraścārddhaśekharaḥ
143.27
dṛśyavastuprabhārūpaṃ vibharṣi bhuvaneśvarī
draṣṭā viśveśvaro devaḥ śaśikhaṇḍaśikhāmaṇiḥ
143.28
rasajātamahārūpaṃ jñeyajātasya sarvaśaḥ
devo rasayitā śambhuḥ ghrātā ca bhuvaneśvaraḥ
143.29
mantavyavastutāṃ dhatte mahādevī maheśvarī
mantā sa eva viśvātmā mahādevo maheśvaraḥ
143.30
boddhavyaṃ vasturūpañca vibhartti bhavavallabhā
devaḥ sa evaṃ bhagavān boddhā bālenduśekharaḥ
143.31
pīṭhākṛtikramā devī liṅgarūpaśca śaṅkaraḥ
pratiṣṭhāpya prayatnena pūjayanti surāsurāḥ
143.32
ye ye padārthā liṅgāṅkāste te śarvvavibhūtayaḥ
athā bhagānvitā ye ye te te gauryyā vibhūtayaḥ
143.33
svargapātālalokāntabrahmāṇḍāvaraṇāṣṭakam
jñeyaṃ sarvvamamārūpaṃ jñātā devo maheśvaraḥ
143.34
vibhartti cetratāṃ devī tripurāntakavallabhā
kṣetrajñatvamatho dhatte bhagavāndhandhakāntakaḥ
143.35
śivaliṅgaṃ samutsṛjya yajante cānyadevatāḥ
sa nṛpaḥ saha deśena rauravaṃ narakaṃ vrajet
143.36
śivabhakto na yo rājā bhakto'nyeṣu sureṣu yaḥ
svapatiṃ yuvatityaktvā yathā jāreṣu rājate
143.37
brahmādayaḥ surāḥ sarvve rājānaśca maharṣikāḥ
mānavā munayaścaiva sarvve liṅgaṃ yajanti ca
143.38
viṣṇunā rāvaṇaṃ hatvā sasainyaṃ brahmaṇaḥ sutam
sthāpitaṃ vidhivad bhaktyā liṅkatīre mahīpateḥ
143.38-2
kṛtvā pāpasahasrāṇi hatvā vipraśataṃ tathā
bhāvāt samāśrito rudraṃ mucyate nātra saṃśayaḥ
143.40
sarve liṅgamayā lokāḥ sarve liṅge pratiṣṭhitāḥ
tasmādabhyarcayelliṅgaṃ yadīcchecchāśvataṃ padam
143.41
sarvākārau sthitāvetau naraiḥ śreyo'rthibhiḥ śivau
pūjanīyau namaskyāryau cintanīyau ca sarvadā
143.41.p1
ityādi mahāpurāṇe śrīlaiṅge uttarabhāge ekādaśo'dhyāyaḥ || 11
Linked texts (4)
- Liṅgapurāṇa — Vyāsa, Sanskrit
- Śivapurāṇa (complete text) — Sanskrit
- Prāṇatoṣiṇī — Rāmatoṣaṇa Śarman 1796, Sanskrit
- Vīraśaivācārapradīpikā — Gurudeva 1575, Sanskrit