Linga 144
Liṅga 144
- Language
- Sanskrit
144.1
dvādaśo'dhyāyaḥ
sanatkumāra uvāca
mūrtayo'ṣṭau samācakṣva śaṅkarasya mahātmanaḥ
viśvarūpasya devasya gaṇeśvara ! mahāmate !
144.2
nandikeśvara uvāca
hanta ! te kathayiṣyāmi mahimānamumāpateḥ
viśvarūpasya devasya sarojabhavasambhava !
144.3
bhūrāpo'gnimarudvyomabhāskarau dīkṣitaḥ śaśī
bhavasya mūrtayaḥ proktāḥ śivasya parameṣṭhinaḥ
144.4
khāmla mbuvahnisūryāmbhodadharāpavana ityapi
tasyāṣṭamūrtayaḥ proktā devadevasya dhīmataḥ
144.5
tadvibhūtaustathā sarve devāstṛpyanti sarvvadā
144.6
vṛkṣasya mūlasekena yathāśākhopaśākhikāḥ
tathā tasyārccayā devāstathā bhūtavibhūtayaḥ
144.7
tasya dvādaśadhā bhinnaṃ rūpaṃ sūryyātmakaṃ prabhoḥ
sarvvadevātmakaṃ yāgyaṃ yajanti munipuṅgavāḥ
144.8
amṛtākhyā kalā tasya sarvvasyādityarūpiṇaḥ
bhūtasañjīvanī ceśa loke'smin pīyate sadā
144.9
candrākhyakiraṇastasya dhūrjaṭerbhāskarātmanaḥ
oṣadhīnāṃ vivṛddhyarthaṃ himavṛṣṭiṃ vitanyate
144.10
śuktākhyā raśmayastasya śambhormmārttaṇḍarūpiṇaḥ
gharmmaṃ vitanyate loke śasyapākādikāraṇam
144.11
divākarātmanastasya harikeśāhvayaḥ karaḥ
nakṣatrapoṣakaścaiva prasiddhaḥ parameṣṭhinaḥ
144.12
viśvakarmmāhvayastasya kiraṇo budhapoṣakaḥ
sarvveśvarasya devasya saptasaptisvarūpiṇaḥ
144.13
viśvavyaca iti khyātaḥ kiraṇastasya śūlinaḥ
śukapoṣakabhāvena pratītaiḥ sūryyarūpiṇaḥ
144.14
saṃyadadvasuriti khyāto yasya raśmistriśūlinaḥ
lohitāṅgaṃ prapuṣṇāti saṅgarakiraṇātmanaḥ
144.15
arvāvasuborderriti khyāto raśmistasya pinākinaḥ
bṛhaspatiṃ prapuṣṇāti sarvvadā tapatāmvaraḥ
144.16
svarāḍiti samākhyātaḥ śivasyārkasya śanaiścaram
harirūpāmanastasya prapuṣṇāti divāniśam
144.17
suṣumnākhyaḥ sadā raśmiḥ puṣṇāti śiśiradyutim
144.18
saumyānāṃ vastujātānāṃ prakṛtitvamupāgatā
tasya somātmayā mūrttiḥ śaṅkarasya jagadguroḥ
144.19
tasya somātmakaṃ rūpaṃ śuklena vyavasthitam
śarīrabhājāṃ sarveṣāṃ devasyāntakaśāminaḥ
144.20
aśarīriṇāmaśeṣāṇāṃ manasyeva vyavasthitam
vapuḥ somātmakaṃ śambhostasya sarvajagat guroḥ
144.21
śambhoḥ ṣoḍaśadhā bhinnā sthitāmṛtakalāmayaḥ
sarvabhūtaśarīreṣu somākhyā mūrtti ruttamā
144.22
devān pitṝṃśca puṣṇāti sudhayāmṛtayā sadā
mūrttiḥ somāhvayā tasya devadevasya śāsituḥ
144.23
puṣṇātyoṣadhijātāni dehināmāpyayakṣaye
somāhvayā tanustasya bhavānīmiti nirddiśet
144.24
yajñānāṃ patibhāvena jīvānāṃ tapasāmapi
prasiddhaṣṭapamitaddhai somātmakamumāpateḥ
144.25
annānāmoṣadhīnāñca patibhāvena viśrutam
somātmakaṃ vapustasya śambhorbhagavataḥ prabhoḥ
144.26
devo hiraṇmayo sṛṣṭaḥ parasparavivekinaḥ
karaṇānāmaśeṣāṇāṃ devatānāṃ nirākṛtiḥ
144.27
jīvatvena sthite tasmin śive somātmake prabho
madhurā vilayaṃ yāti sarvvalokekarakṣiṇī
144.28
yajamānāhvayā mūrttiḥ śaivī dustaraharnigama
puṣṇāti devatāḥ sarvvīḥ kavyaiḥ pitṛgaṇānapi
144.29
yajamānāhvayā yā sā tattadāhutijātayā
sūkṣmyā bhāvayati sṛṣṭe sarvameva parāparam
144.30
antaḥsthañca bahiścañca brahmāṇḍānāṃ sthitaṃ jalam
bhūtānāñca śarīrasthaṃ śambhormūrtirgarīyasī
144.31
nadīnāmamṛtaṃ sākṣātpradānābhapi sarvvadā
samudrāṇāñca sarvvatra vyāpau sarvvasumāpatiḥ
144.32
sañjīvanī samastānāṃ bhūtānāmiva pāvanau
ambikā prāṇasaṃsthā yā mūrtirambumayo parā
144.33
antaḥsthaśca bahiścañca brahmāṇḍānāṃ vibhāvasuḥ
yajñānāñca śarīrasthaḥ śambhormūttirgarīyasī
144.34
śarīrasthā ca bhūtānāṃ jñeyañco mūrttirīśvarī
mūrttiḥ pāvakasaṃsthā yā śambhoratyantapūjitā
144.35
bhedā ekonapañcāśadde davidbhirudāhṛtāḥ
havyaṃ vahati devānāṃ śambhoryyajñātmakaṃ vapuḥ
144.36
kavyaṃ pitṛgaṇānāñca hūyamānaṃ dvijātibhiḥ
sarvvadevamayaṃ śambhoḥ śreṣṭhamagnyātmakaṃ vapuḥ
144.37
vadanti vedaśāstrajñā yajanti ca yathāvidhi
antastho jagadaṇḍānāṃ bahiścañca samīragāḥ
144.38
śarīrasthañca bhūtānāṃ śaivī mūrttiḥ paṭauyasī
prāṇādyā nāgakūrmādyā māvahādyāśca vāyavaḥ
144.36-2
īśānamūrtterekasya bhedāḥ sarvva prakīrttitāḥ
antaḥsthaṃ jagadaṇḍānāṃ bahiścañca viyadvibhoḥ
144.40
śarīrasthañca bhūtānāṃ śambhormūrtti garīyasī
śambhorviśvambharā mūrttiḥ sarvvabrahmādhidevatā
144.41
carācarāṇāṃ bhūtānāṃ sarvveṣāṃdhāraṇī matā
carācarāṇāṃ bhūtānāṃ śarīrāṇi vidurbudhāḥ
144.42
pañcakeneśamūrtīnāṃ samārabdhāni sarvathā
pañcabhūtāni candrākatmiti munipuṅgavāḥ !
144.43
mūrttayo'ṣṭau śivasyāṅgurdevadevasya dhīmataḥ
śrātmā tasyāṣṭamī mūrtiryajamānāhvayā parā
144.44
carācaraśarīreṣu sarveṣveva sthitā tadā
dīkṣitaṃ brāhmaṇaṃ prāhuratmānañca munīśvarāḥ
144.45
yajamānāhvayā mūrttiḥ śivasya śivadāyinaḥ
mūrttayo'ṣṭau śivasyaitā vandanīyāḥ prayatnataḥ
144.46
śreyo'rthibhirna rairnityaṃ śreyasāmekahetavaḥ
144.12-2
di mahāparāṇai śrīlaiṅge uttarabhāge dvādaśo'dhyāyaḥ
Linked texts (1)
- Liṅgapurāṇa — Vyāsa, Sanskrit