Pramāṇa · Search · About · API

Linga 145

Liṅga 145

Language
Sanskrit

145.1

trayodaśo'dhyāyaḥ
sanatkumāra uvāca
bhūyo'pi vada me nandin ! mahimānamumāpateḥ
aṣṭamūrttermaheśasya śivasya parameṣṭhinaḥ

145.2

nandikeśvara uvāca
vakṣyāmi te maheśasya mahimānamumāpateḥ
aṣṭamūrtte rjagadyāpya sthitasya parameṣṭhinaḥ

145.3

carācarāṇāṃ bhūtānāṃ dhātā viśvabharātmakaḥ
śarvva ityucyate devaḥ sarvvaśāstrārthapāragaiḥ

145.4

viśvambharātmakastasya śarvvasya parameṣṭhinaḥ
vikṣegī kathyate patnī tanayo'ṅgārakaḥ smṛtaḥ

145.5

bhava ityucyate devo bhagavān vedavādibhiḥ
sañjīvanastaṃ lokānāṃ bhavasya paramātmanaḥ

145.6

umā saṃkīrttitā devī sutaḥ śukraśca sūribhiḥ
saptalokāṇḍakavyāpau sarvvalokaikaracitā

145.7

vahnyātmā bhagavān devaḥ smṛtaḥ paśupatirbudhaiḥ
svāhā patrātmanastasya proktā paśupateḥ priyā

145.8

ṣaṇmukho bhagavān devo budhaiḥ putra udāhṛtaḥ
samastabhuvanavyāpī bharttā sarvvaśarīriṇām

145.9

pavanātmā budhairdeva īśāna iti kīrtyate
īśānasya jagatkartturddevasya pavanātmanaḥ

145.10

śivā devī budhairuktā putraścāsya manojavaḥ
carācarāṇāṃ bhūtānāṃ sarvvaṣāṃ sarvvakāmadaḥ

145.11

vyomātmā bhagavān devo bhīma ityucyate budhaiḥ
mahāmahimno devasya bhomasya gaganātmanaḥ

145.12

diśo daśa smṛtā devyaḥ sutaḥ sargaśca sūribhiḥ
sūryātmā bhagavān devaḥ sarveṣāñca vibhūtihaḥ

145.13

rudra ityucyate devairbhagavān muktimuktidaḥ
sūryātmakasya rudrasya bhaktānāṃ muktidāyinaḥ

145.14

suvarcalā smṛtā devī sutaścāsya śanaiścaraḥ
samastasaumyavasta nāṃ prakṛtitvena viśrutaḥ

145.15

somātmako budhairdaivo mahādeva iti smṛtaḥ
somātmakasya devasya mahādevasya sūribhiḥ

145.16

dayitā rohiṇī proktā budhaścaiva śarīrajaḥ
havyakavyasthitiṃ kurvan havyakavyāśināṃ tadā

145.17

yajamānātmako devo mahādevo budhaiḥ prabhuḥ
ugra ityucyate sadbhīrāmāsaśceti cāparaiḥ

145.18

ugrākhyasya devasya yajamānāra naḥ prabhoḥ
dīkṣāpatnī budhairuktā santānākhyaḥ sutastathā

145.19

śarīriṇāṃ śarīreṣu kaṭhinaṃ koṅkaṇādivat
pārthivaṃ tadapujñeyaṃ śarvatattvaṃ mumukṣubhiḥ

145.20

"dehe dehe tu deveśo dehabhājāṃ yadavyayam
vasudravyātmakaṃ tasya bhavasya paramātmanaḥ

145.21

jñeyaśca tattvavidbhirvai sarvavedārthapāragaiḥ
āgneyaḥ pariṇāmo yo viṣayeṣu śarīriṇām

145.22

mūrtiḥ paśupaterjñeyā sā tattvaṃ vettumicchubhiḥ
vāyavyaḥ pariṇāmo yaḥ śarīreṣu śarīriṇām

145.23

budhairīśeti sā tasya tanurjñeyā na saṃśayaḥ
suṣiraṃ yaccharīrasthamaśeṣāṇāṃ śarīriṇām

145.24

bhaumasya sā tanurjñeyā tattvavijñānakāṅkṣibhiḥ
cakṣurādigataṃ tejo yaccharīrasthamaṅginām

145.25

rudrasyāpi tanurjñeyā paramārthaṃ mumukṣubhiḥ
sarvabhūtaśarīreṣu manaścandrātmakaṃ hi yat

145.27

mahādevasya sā mūrtirboddhavyā tattvacintakaiḥ
ātmā yo yajamānākhyaḥ sarvabhūtānu-------mūrtti rudrasya sā jñe yā paramāmṛtabuddhibhiḥ
jātānāṃ sarvabhūtānāṃ caturdaśasu yoniṣu

145.28

aṣṭamūrtte rananyatvaṃ vadanti paramarṣayaḥ
saptamūrtti mayānyāhurīśasyāṅgāni dehinām

145.29

ātmā tasyāṣṭamī mūrttiḥ sarvabhūtaśarīragā
aṣṭamūrtti mamuṃ devaṃ sarvalokātmakaṃ vibhum

145.30

bhajasva sarvabhāvena śreyaḥ prāptuṃ yadīcchasi
prāṇino yasya kasyāpi kriyate yadyanugrahaḥ

145.3-2

aṣṭamūrtte rmaheśasya kṛtamārādhanaṃ bhavet
nigrahaśce t kṛto loke dehino yasya kasyacit

145.32

aṣṭamūrtte rmaheśasya sa eva vihito bhavet
yadyavajñā kṛtā loke yasya kasyacidaṅginaḥ

145.3-3

aṣṭamūrtte rmaheśasya vihitā sā bhavedvibhoḥ
abhayaṃ yat pradattaṃ syādaṅgino yasya kasyacit

145.34

ārādhanaṃ kṛtaṃ tasmādaṣṭamūrtte rna saṃśayaḥ
sarvopakāraka raṇaṃ pradānamabhayasya ca

145.35

ārādhanantu devasya aṣṭamūrtte rna saṃśayaḥ
sarvopakāraka raṇaṃ sarvānugraha eva ca

145.36

tadarcanaṃ paraṃ prāhuraṣṭamūrtteḥ su nośvarāḥ
anugrahaṣcānye ṣāṃ vidhātavyaṃ tvayā'naghām

145.37

sarvābhayapradānañca śivārodhanamiṣyatā

Linked texts (6)