Linga 147
Liṅga 147
- Language
- Sanskrit
Contents
- 147.26 — 1 part
147.1
pañcadaśo'dhyāyaḥ
sanatkumāra uvāca
bhūyo'pi śivamāhātmyaṃ samācakṣva mahāmate !
sarvajño hyasi bhūtānāmadhinātha ! mahāguṇa !
147.2
śailādiruvāca
śivamāhātmyamekāgraḥ śṛṇu vakṣyāmi te mune !
bahubhirvaidhudhā śabdaiḥ kīrttitaṃ munisattamaiḥ
147.3
sadasarūpamityāhuḥ sadasatpatirityapi
taṃ śivaṃ munayaḥ kecit pravadanti ca sūrayaḥ
147.4
bhūtabhāvavikāreṇa dvitīyena sa ucyate
vyaktaṃ tena vihīnatvādavyaktamasadityupi
147.5
ume te śivarūpe hi śivādanyanna vidyate
tayoḥ patitvācca śivaḥ sadasatpatirucyate
147.6
carācarātmakaṃ prāhuḥ carācaraparaṃ tathā
śivaṃ maheśvaraṃ kecicchunayasattvacintakāḥ
147.7
uttamañcaramavyaktaṃ vyaktaṃ caramaudāhṛtam
rūpe te śaṅkarasyaiva tasmānna para ucyate
147.8
tayoḥ paraḥ śivaḥ śāntaḥ carācaraparo budhaiḥ
ucyate paramārthena mahāde vo maheśvaraḥ
147.9
samastavyaktarūpantu tataḥ smṛtvā sa mucyate
samaṣṭivyaṣṭirūpantu samaṣṭivyaṣṭikāraṇam
147.10
vadanti kecidācāryāḥ śivaṃ paramakāraṇam
samaṣṭiṃ viduravyaktaṃ vyaṣṭiṃ vyaktaṃ munīśvarāḥ
147.11
rūpe te gadite śambhornānyadastvihasambhavam
tayoḥ kāraṇabhāvena śivo hi parameśvaraḥ
147.12
ucyate yogaśāstrajñaiḥ samaṣṭivyaṣṭikāraṇam
kṣetrakṣetrajñarūpo ca śivaḥ kaiścidudāhṛtaḥ
147.13
paramātmā paraṃ jyotirbhagavān parameśvaraḥ
caturviṃśatitattvāni kṣetraśabdena sūrayaḥ
147.14
prāhuḥ kṣetrajñaśabdena bhoktāraṃ puruṣaṃ tathā
kṣetrakṣetrajñavidāvete rūpe tasya svayambhuvaḥ
147.15
na kiñcicca śivādanyaditi prāhurmanīṣiṇaḥ
aparabrahmarūpaṃ taṃ paraṃ brahmātmakaṃ śivam
147.16
kecidāhurmahādevamanādinidhanaṃ prabhum
bhūtendriyāntaḥkaraṇapradhānaviṣayātmakam
147.17
aparabrahmanirdiṣṭaṃ paraṃ brahmācidātmakam
brahmani te maheśasya śivasyāsya svayambhuvaḥ
147.18
śaṅkarasya parasyaiva śivādanyanna vidyate
vidyāvidyāsvarūpo ca śaṅkaraḥ kaiściducyate
147.19
dhātā vidhātā lokānāmādidevo maheśvaraḥ
vidyeti ca tamevāhuravidye ti sunīśvarāḥ
147.20
prapañcajātamakhilaṃ te svarūpe svayambhuvaḥ
bhrāntirvidyāparacce ti śivarūpamanuttamam
147.21
avāpurmunayo yogāt kecidāgamavedinaḥ
artheṣu bahurūpeṣu vijñānaṃ bhrāntirucyate
147.22
ātmākāreṇa samvittirbuddhervidye ti kīrtyate
vikalparahitaṃ tattvaṃ paramityabhidhīyate
147.23
tṛtīyarūpamaugrasya nānyat kiñcana sarvataḥ
vyaktāvyaktannarūpeti śivaḥ kaiścinnigadyate
147.24
vidhātā sarvalokānāṃ dhātā ca parameśvaraḥ
trayoviṃśatitattvāni vyaktaśabdena sūrayaḥ
147.25
vadantyavyaktaśabdena prakṛtiñca parāṃ tathā
kathayanti jñaśabdena puruṣaṃ guṇabhoginam
147.26
tadvayaṃ śāṅkaraṃ rūpaṃ nānyat kiñcidaśāṅkaram
147.26.p1
iti śrīlaiṅge uttarārddhe pañcadaśo'dhyāyaḥ || 15
Linked texts (2)
- Liṅgapurāṇa — Vyāsa, Sanskrit
- Śivapurāṇa (complete text) — Sanskrit