Linga 148
Liṅga 148
- Language
- Sanskrit
148.1
ṣoḍaśo'dhyāyaḥ
sanatkumāra uvāca
punareva mahābuddhe ! śrotumicchāmi tattvataḥ
brahmābhirvaiśvadhā śabdaiḥ pratipādyi maheśvaraiḥ
148.2
śailādiruvāca
punaḥ punaḥ pravakṣyāmi śivarūpāṇi te mune !
bahubhirbahudhā śabdaiḥ śabditāni munīśvaraiḥ
148.3
kṣetrajñaḥ prakṛtirvyaktaṃ kālātmeti munīśvaraiḥ
ucyate keśvidācāryairāgamārṇavapāragaiḥ
148.4
kṣetrajñaṃ puruṣaṃ prāhuḥ pradhānaṃ prakṛtiṃ budhāḥ
vikārajātaṃ niḥśeṣaṃ prakṛtervyaktamityapi
148.5
pradhānavyaktayoḥ kālaḥ pariṇāmaikakāraṇam
taccatuṣṭayamīśasya rūpāṇāṃ hi catuṣṭayam
148.6
hiraṇyagarbhaṃ puruṣaṃ pradhānaṃ vyaktarūpiṇam
kathayanti śivaṃ kecidācāryāḥ parameśvaram
148.7
hiraṇyagarbhaḥ karttāsya bhoktā viśvasya pūruṣaḥ
vikārajātaṃ vyaktākhyaṃ pradhānaṃ kāraṇaṃ param
148.8
teṣāṃ catuṣṭayaṃ buddheḥ śivarūpacatuṣṭayam
procyate śaṅkarādanyadasti vastu na kiñcana
148.6-2
piṇḍajātisvarūpau tu kathyate kaiścidīśvaraḥ
carācaraśarīrāṇi piṇḍākhyānyakhilānyapi
148.10
sāmānyāni samastāni mahāsāmānyameva ca
kathyante jātiśabdena tāni rūpāṇi dhīmataḥ
148.11
virāṭ hiraṇyagarbhātmā keśvidīśau nigadyate
hiraṇyagarbho lokānāṃ heturlokātmako virāṭ
148.12
sūtrāvyāktarūpaṃ taṃ śivaṃ śaṃsanti kecana
avyākṛtaṃ pradhānaṃ hi tadrūpaṃ parameṣṭhinaḥ
148.13
lokā yenaiva tiṣṭhanti sūtre maṇigaṇā iva
tat sūtramiti vijñeyaṃ rūpamaṅgatavikramam
Linked texts (1)
- Liṅgapurāṇa — Vyāsa, Sanskrit