Linga 152
Liṅga 152
- Language
- Sanskrit
Contents
- 152.67 — 1 part
152.1
aṣṭādaśodhyāyaḥ
devā ūcuḥ
ya eṣa bhagavān rudro brahmāviṣṇumaheśvarāḥ
skandaścāpi tathā cendro bhuvanāni caturdaśa
aśvinau grahatārāśca nakṣatrāṇi ca khaṃ diśaḥ
152.2
bhūtāni ca yathā sūryyaḥ somaścāṣṭau grahāstathā
prāṇaḥ kālo yamo mṛtyu ramṛtaḥ parameśvaraḥ
152.3
bhūtaṃ bhavyaṃ bhaviṣyacca vartamānaṃ maheśvaraḥ
viśvaṃ ṛtañca jagat sarvaṃ satyaṃ tasmai namo namaḥ
152.4
tamādau ca tathābhūto bhūrbhuvaḥ svastathaiva ca
ante tvaṃ viśvarūpo'si goptaitat jagataḥ sadā
152.5
brahmaikastvaṃ dvitrīdhārthamadhaśca tvaṃ sureśvaraḥ
śāntiśca tvaṃ tathā puṣṭistuṣṭiścāpyamṛtaṃ hutam
152.6
viśvaścaiva tathā viśvaṃ dattaṃ vādattameśvaram
kṛtañcāpyakṛtaṃ devaṃ paramapyaparaṃ dhruvam
parāyaṇaṃ satāñcaiva asatāmapi śaṅkaram
152.7
amāma somamamṛtā abhūmāganmajyotiravidāma devān
kiṃ nūnamasmān kṛṇavadarātiḥ
kimu dhūrttiramṛta' martyasya
152.8
etajjagaddhitaṃ divyamacaraṃ sūkṣmamavyayam
152.9
prājāpatyaṃ pavitrañca saumyamagrāhyamavyayam
agrāhyeṇāpi vā grāhyaṃ vāyavyena samīraṇaḥ
152.10
saumyena saumyaṃ grasati tejasā svena kaulayo
tasmai namopasaṃhartre mahāgrāsāya śūline
152.11
hṛdisthā devatāḥ sarvā hṛdi prāṇe pratiṣṭhitāḥ
hṛdi tvamasi yo nityaṃ tisro mātrāḥ parastu saḥ
152.12
śirasottarataścaiva pādau dakṣiṇatastathā
yo vai oṃkārataḥ sākṣāt sa oṃkāraḥ sanātanaḥ
152.13
oṃkāro yaḥ sa eveha praṇavo vyāpya tiṣṭhati
anantastārasūkṣmañca śuklaṃ vaidyu tameva ca
152.14
paraṃ brahma sa īśāna eko rudraḥ sa eva ca
bhavānmaheśvaraḥ śāmbāmahādevo na saṃśayaḥ
152.15
ūrddha munāmayatye va sa oṃkāraḥ prakīrttitaḥ
prāṇānnavati yastasmāt praṇavaḥ parikīrttitaḥ
152.16
sarvvaṃ vyāpnoti yastasmāt sarvvavyāpī sanātanaḥ
brahmā hariśca bhagavānādyantaṃ nopalabhyavān
152.17
tathānye ca tato'nanto rudraḥ paramakāraṇam
yattārayanti saṃsārāttāra ityabhidhīyate
152.18
sūkṣmo bhūtvā śarīrāṇi sarvvadā hyadhitiṣṭhati
tasmāt sūkṣmaḥ samākhyāto bhagavāṃchaukalohitaḥ
152.18-2
nīlasya lohitasyaiva pradhānapuruṣātmavāt
skandate'sya yataḥ śuklaṃ tathā śuklamapaiti ca
152.20
vidyotayati yatasmādvai dyutaḥ parigīyate
hṛhatvāt bṛṃhaṇatvācca bṛhate ca parāpare
152.21
tasmāt bṛṃhati yasmācca paraṃ brahmeti kīrttitam
advitīyo'tha bhagavān turīyaḥ parameśvaraḥ
152.22
īśānamasya jagataḥ svaṣṭṛśāstṛsarośvaram
īśānamindrasūrayaḥ sarveṣāmapi sarvadā
152.23
īśānaḥ sarvavidyānāṃ yattadīśāna ucyate
yadīkṣate ca bhagavānnirīkṣyamiti cānvayā
152.24
ātmajñānaṃ mahādevo yogaṃ gamayati svayam
bhagavāṃścocyate devo devadevo maheśvaraḥ
152.25
sarvān lokān krameṇaiva yo gṛhṇāti maheśvaraḥ
visṛjatyeṣa deveśo vāsayatyapi līlayā
152.26
eṣo hi devaḥ pradiśo'nu sarvāḥ
pūrvo hi jātaḥ sa ugarbhe antaḥ
sa eva jātaḥ sa janiṣyamāṇaḥ
pratyaṅmukhāṃstiṣṭhati sarvatomukhaḥ
152.27
upāsitavyaṃ yatnena tadetat saṅgiravyayam
yato vāco nivarttante aprāpya manasā saha
152.28
tadgrahaṇameveha yahāgvadati yatnataḥ
aparañca paraṃ veti parāyaṇamiti svayam
152.29
vadanti vācaḥ sarvvajñā' śaṅkaraṃ nīlalohitam
eṣa sarvo namastasmai puruṣaḥ piṅgalaḥ śivaḥ
152.30
sa eva sa mahārudro viśvambhū taṃ bhaviṣyati
bhuvanaṃ bahudhā jātaṃ jāyamānamitastataḥ
152.31
hiraṇyabāhurbhagavān hiraṇyapatirīśvaraḥ
ambikāpatirīśāno hemaratā vṛṣadhvajaḥ
152.32
umāpatirvirūpākṣo viśvasṛgviśvavāhanaḥ
brahmāṇaṃ vidadhe yo'sau putramagre sanātanam
152.33
prahiṇoti sma tasmaiva jñānamātmaprakāśakam
tamekaṃ puruṣaṃ rudraṃ puruhūtaṃ puruṣṭutam
152.34
bālāgramātraṃ hṛdayasya madhyeviśvaṃ devaṃ vahnirūpaṃ vareṇyam
tamātmasthaṃ ye'nupaśyanti dhīrāsteṣāṃ śāntiḥ śāśvatī netareṣām
152.35
mahato yo mahīyāṃsa praṇorapyaṇuravyayaḥ
guhāyāṃ nihitasyātmā jantorasya maheśvaraḥ
152.36
veśmabhūto'sya viśvasya kamalastho hṛdi svayam
gahvaraṃ gahanaṃ tatsthaṃ tasyāntastho'rhataḥ sthitam
152.37
tatrāpi rudraṃ gaganamoṅkāraṃ parameśvaram
bālāgramātraṃ tanmadhye ṛtaṃ paramakāraṇam
152.38
satyaṃ brahma mahādevaṃ puruṣaṃ kṛṣṇapiṅgalam
ūrddharetasamośānaṃ virūpākṣamajodbhavam
152.39
adhitiṣṭhati yoniṃ yo yoniṃ vā caika īśvaraḥ
dehaṃ pañcavidhaṃ yena tamośānaṃ purātanam
152.40
prāṇeṣvantarmanaso liṅgamāhuryyasmin krodho yā ca tṛṣṇā kṣamā ca
tṛṣṇāṃ chittvā hetujālasya mūlaṃ
buddhyā cittaṃ sthāpayitvā ca rudre
152.41
ekaṃ tamāhurvai rudraṃ śāśvataṃ parameśvaram
parātparataraṃ vāpi parātparataraṃ dhruvam
152.43
brahmaṇo janakaṃ viṣṇorvahnervāyoḥ sadāśivam
dhyātvāgninā ca goṣyāṅge viśodhya ca pṛthak pṛthak
pañcabhūtāni saṃyamya mātrāvidhiguṇakramāt
mātrāḥ pañca catasraśca trimātrā dvisataḥ param
152.44
ekamātramamātraṃ hi dvādaśānte vyavasthitam
sthitvā sthāpyāsmṛto bhūtvā vrataṃ pāśupatañcaret
152.45
etad vrataṃ pāśupataṃ cariṣyāmi samāsataḥ
agnimādhāya vidhivadṛgyajuḥsāmasambhavaiḥ
152.46
upoṣitaḥ śuciḥ snātaḥ śuklāmbaradharaḥ svayam
śuklayajñopavītī ca śuklamālyānulepanaḥ
152.47
juhuyādvirajo vidvān virajāśca bhaviṣyati
vāyavaḥ pañca śuddhyantāṃ vāṅmanaścaraṇādayaḥ
152.48
śrotrajihvā tataḥ prāṇaṃ tato hṛdistathaiva ca
śiraḥpāṇisakhā pārśvaṃ pṛṣṭhodaramanantaram
152.46-2
jaṅghe śiśnamupasthañca pāyumeḍhraṃ tathaiva ca
tvacaṃ māṃsañca rudhiraṃ medo'sthīni tathaiva ca
152.50
śabdasparśañca rūpañca raso gandhastathaiva ca
bhūtāni caiva śuddhyantāṃ dehe medādayastathā
152.51
annaprāṇaṃ mano jñānaṃ śuddhyantāṃ vai śivecchayā
hutvājyena samitbhiśca caruṇā ca yathākramam
152.53
upasaṃṅgatya rudrāgniṃ gṛhītvā bhasma yatnataḥ
agnirityādinā dhīmān vimṛjyāṅgāni saṃspṛśet
etatpāśupataṃ divyaṃ vrataṃ pāpavimocanam
brāhmaṇānāṃ hitaṃ proktaṃ kṣatriyāṇāṃ tathaiva ca
152.54
vaiśyānāmapi yogyānāṃ yatīnāntu viśeṣataḥ
vānaprasthāśramasthānāṃ gṛhasthānāṃ satāmapi
152.55
vimuktirvidhinānena dṛṣṭā vai brahmacāriṇām
agnirityādinā bhasma gṛhītvā hyagnihotrajam
152.56
so'pi pāśupato vipro visṛjyāṅgāni saṃspṛśet
bhasmacchanno dvijo vidvān mahāpātakasambhavaiḥ
152.57
pāpairvimucyate sadyo mucyate ca na saṃśayaḥ
vīryya magneryyato bhasma vīryyavān bhasmasaṃyutaḥ
152.58
bhasmasnānagto vipro bhasmaśāyī jitendriyaḥ
sarvapāpavinirmuktaḥ śivasāyujyamāpnuyāt
152.56-2
tasmāt sarvaprayatnena bhūtyaṅgaṃ pūjayed budhaḥ
rerekāro na karttavyastūṅkārastathaiva ca
152.60
na tat kṣamatti deveśo brahmā vā yadi keśavaḥ
mama putro bhasmadhārī gaṇeśaśca varānane !
152.61
teṣāṃ viruddhaṃ yat tyājyaṃ sa yāti narakārṇavam
gṛhastho bhasmahīno'pi tripuṇḍraṃ yo na kārayet
152.62
pūjā karmakriyā tasya dānaṃ snānaṃ tathaiva ca
niṣphalaṃ jāyate sarvaṃ yathā bhasmani vai hutam
152.63
tasmācca sarvakāryyeṣu tripuṇḍraṃ dhārayed budhaḥ
ityuktā bhagavān brahmā stutvā devaiḥ samaṃ prabhuḥ
152.64
bhasmacchannaiḥ svayaṃ kṛtyo virarāma viśāmpate !
atha teṣāṃ prasodārthaṃ paśūnāṃ patirīśvaraḥ
152.65
sagaṇaścāmbayā sārdhaṃ sānnidhyamakarot prabhuḥ
atha sannihitaṃ rudraṃ tuṣṭuvuḥ surapuṅgavam
152.66
rudrādhyāyena sarveśaṃ devadevamumāpatim
devī'pi devānālokya kṛpayā vṛṣabhadhvajaḥ
152.67
tuṣṭo'smītyāha devebhyo varaṃ dātuṃ surārihā
152.67.p1
iti mahāpurāṇe śrīlaiṅge uttarārddhe aṣṭādaśo'dhyāyaḥ || 18
Linked texts (2)
- Liṅgapurāṇa — Vyāsa, Sanskrit
- Saurapurāṇa — Sanskrit