Linga 153
Liṅga 153
- Language
- Sanskrit
153.1
ekonaviṃśo'dhyāyaḥ
śailādiruvāca
taṃ prabhuṃ prītamamanasaṃ praṇipatya vṛṣadhvajam
apṛcchanmunayo devāḥ prītikaṇṭakitatvacaḥ
153.2
devā ūcuḥ
bhagavan ! kena mārgeṇa pūjanīyo dvijātibhiḥ
kutra vā kena rūpeṇa vaktumarhasi śaṅkara !
153.3
kasyādhikāraḥ pūjāyāṃ brāhmaṇasya kathaṃ prabho !
kṣatriyāṇāṃ kathaṃ deva ! vaiśyānāṃ vṛṣabhadhvaja !
153.4
strīśūdrāṇāṃ kathaṃ vāpi kuṇḍagolādināntu vā
hitāya jagatāṃ sarvamasmākaṃ vaktumarhasi
153.5
sūta uvāca
teṣāṃ bhāvaṃ samālokya munīnāṃ nolalohitaḥ
prāha gambhīrayā vācā maṇḍalasthaḥ sadāśivaḥ
153.6
maṇḍale cāgrato paśyan devadevaṃ sahomayā
devāśca munayaḥ sarve vidyutkoṭisamaprabham
153.7
aṣṭabāhuṃ caturvaktraṃ dvādaśākṣaṃ mahābhujam
arddhanārīśvaraṃ devaṃ jaṭāmukuṭadhāriṇam
153.8
sarvābharaṇasaṃyuktaṃ raktamālyānulepanam
raktāmbaradharaṃ sṛṣṭisthitisaṃhārakārakam
153.9
tasya pūrvaṃ mukhaṃ pītaṃ prasannaṃ puruṣātmakam
aghoraṃ dakṣiṇaṃ vaktraṃ nīlāñjanacayopamam
153.10
daṃṣṭrākarālamatyugraṃ jvālāmālāsanāvṛtam
raktaśmaśru jaṭāyuktam uttare vidrumaprabham
153.11
prasannaṃ vāmadevākhyaṃ varadaṃ viśvarūpiṇam
paścimaṃ vadanaṃ tasya gokṣīradhavalaṃ śubham
153.12
muktāphalamayairhārairbhūṣitaṃ tilakojjvalam
sadyojātamukhaṃ divyaṃ bhāskarasya śarādiṇaḥ
153.13
ādityamagrato paśyan pūrvaṃ vaccaturānanam
bhāskaraṃ purato devaṃ caturvaktrañca pūrvaṃ vat
153.14
bhānuṃ dakṣiṇato devaṃ caturvaktrañca pūrvavat
ravimuttarato paśyan pūrvavaccaturānanam
153.15
vistāraṃ maṇḍale pūrve uttarāṃ dakṣiṇe sthitām
bodhanau paścime bhāge maṇḍalasya prajāpateḥ
153.16
adhyāyamīśa kauberyāmekavaktrāñcaturbhujām
sarvābharaṇasampannāḥ śaktayaḥ sarvasammatāḥ
153.17
brahmāṇaṃ dakṣiṇe bhāge viṣṇuṃ vāme janārdanam
ṛgyajuḥsāmamārgeṇa mūrttitrayamayaṃ śivam
153.18
īśānaṃ varadaṃ devamugramaṃ parameśvaram
brahmāsanasthaṃ varadaṃ dharmajñānāsanopari
153.16-2
vairāgyaiśvaryyasaṃyukta prabhūte vimale tathā
sāre sarveśvaraṃ devamārādhye parame sukhe
153.20
sitapadmajamadhyakṣaṃ dīptāryyarabhisaṃvṛtam
dīptāṃ dīptāgniśikhākārāṃ sūkṣmāṃ vidyutprabhāṃ śubhām
153.21
jayāmagniśikhākārāṃ prabhāṃ kanakasuprabhām
vibhūtiṃ vidrumaprakhyāṃ vimalāṃ padma sannibhām
153.22
amoghāṃ karṇikākārāṃ vidyu taṃ viśvavarddhinīm
caturvaktrāṃ caturvarṇīṃ devīṃ vai sarvatomukhīm
153.23
somamaṅgārakaṃ devaṃ budhaṃ buddhimatāṃ varam
bṛhaspatiṃ bṛhadbuddhiṃ bhārgavaṃ tejasāṃ nidhim
Linked texts (1)
- Liṅgapurāṇa — Vyāsa, Sanskrit