Linga 154
Liṅga 154
- Language
- Sanskrit
Contents
- 154.43 — 1 part
154.2
mandaṃ mandagatiścaiva samantāttasya te sadā
sūryyaḥ śivo jagannāthaḥ somaḥ sākṣādumā svayam
154.25
pañcabhūtāni śeṣāṇi tanmayañca carācaram
dṛṣṭvaiva munayaḥ sarve devadevamumāpatim
154.26
kṛtāñjalipuṭāḥ sarve munayo devatāstathā
astuvan vāgbhiriṣṭābhirvaradaṃ nīlalohitam
154.27
ṛṣaya ūcuḥ
namaḥ śivāya rudrāya kahudrāya pracetase
mīḍhuṣṭamāya śarvāya śśipiviṣṭāya raṃhase
154.28
prabhūte vimale sāre ādhāre parame sukhe
navaśaktyāvṛtaṃ devaṃ padmasthaṃ bhāskaraṃ prabhum
154.28-2
ādityaṃ bhāskaraṃ bhānuṃ raviṃ devaṃ divākaram
umāṃ prabhāṃ tathā prajñāṃ sandhyāṃ sāvitrīmeva ca
154.30
vistārāmuttarāṃ devīṃ bodhanīṃ praṇamāmyaham
āpyāyanīñca varadāṃ brahmāṇaṃ keśavaṃ haram
154.33
somādikṣvaṃśca yathākrameṇa sampūjya mantrairvihitakrameṇa
smarāmi devaṃ ravimaṇḍalakṣaṃ sadāśivaṃ śaṅkaramādidevam 31
indrādidevāṃśca tatheśvarāṃśa nārāyaṇaṃ padmajamādidevam
prāgādyadhīśaiṃśca yathākrameṇa vajrādipadmañca tathā smarāmi 32
sindūravarṇāya samaṇḍalāya suvarṇayajñyābharaṇāya tubhyam
padmābhanetrāya sapaṅkajāya brahmendranārāyaṇakāraṇāya
154.35
rathañca saptāśvamanūruvīraṃ gaṇaṃ tathā saptavidhaṃ krameṇa
ṛtupravāheṇa ca vālakhilyāna smarāmi mande ha gaṇadvayañca34
hutvā tilādyairvividhaistathāgnī
punaḥ samāpyaiva tathaiva sarvvam
uddāma hṛtpaṅkajamadhyasaṃsthaṃ
smarāmi bimbaṃ tava devadeva !
154.36
smarāmi bimbāni yathākrameṇa
raktāni padmāmalalocanāni
padmañca savye varadañca vāme
kare tathā bhūṣitabhūṣaṇāni
154.39
daṃṣṭrākarālaṃ tava divyavaktraṃ vidyutprabhaṃ daityabhayaṅkarañca
smarāmi rakṣābhirataṃ dvijānāṃ mande hurrogagaṇaprabhañjanam37
somaṃ sitaṃ bhūmijamagnivarṇañcāmokarābhaṃ budhamindusūnam
bṛhaspatiṃ kāñcanasannikāśaṃ śukraṃ sitaṃ kṛṣṇatarañca mandam38
smarāmi savyamabhayaṃ vāmamūrugataṃ karam
sarveṣāṃ mandaparyyantaṃ mahādevañca bhāskaram
154.41
pūrṇenduvarṇana ca puṣpagandhaprasthena toyena śubhena pūrṇam
pātraṃ dṛḍhaṃ tāmramayaṃ prakalpya dāsye tavārghyaṃ bhagavan!prasīda40
namaḥ śivāya devāya īśvarāya kapardine
rudrāya viṣṇave tubhyaṃ brahmaṇe sūryyamūrttaye
154.42
sūta uvāca
yaḥ śivaṃ maṇḍale devaṃ sampūjyaivaṃ samāhitaḥ
prātarmadhyāhnasāyāhne paṭhet stavamanuttamam
154.43
ityaṃ śivena sāyujyaṃ labhate nātra saṃśayaḥ
154.43.p1
iti mahāpurāṇe śrīlaiṅge uttarārddhe ekonaviṃśo'dhyāyaḥ || 16
Linked texts (2)
- Liṅgapurāṇa — Vyāsa, Sanskrit
- Śivapurāṇa (complete text) — Sanskrit