Pramāṇa · Search · About · API

Linga 155

Liṅga 155

Language
Sanskrit

155.1

sūta uvāca
atha rudro mahādevī maṇḍalasthaḥ pitāmahaḥ
pūjyo vai brāhmaṇānāñca kṣatriyāṇāṃ viśeṣataḥ

155.2

vaiśyānāṃ naiva śūdrāṇāṃ śuśrūṣā pūjakasya ca
strīṇāṃ naivādhikāro'sti pūjādiṣu na saṃśayaḥ

155.3

strīśūdrāṇāṃ dvijendraiśca pūjayā tatphalaṃ bhavet
nṛpāṇāmupakārārthaṃ brāhmaṇādyairviśeṣataḥ

155.4

evaṃ sampūjayeyurve brāhmaṇādyāḥ sadāśivam
ityuktvā bhagavān rudrastatraivāntaradhīyata

155.5

te devā munayaḥ sarve śivamaddiśya śaṅkaram
praṇemuśca mahātmāno rudradhyānena vihvalāḥ

155.6

jagmuryathāgataṃ devā munayaśca tapodhanāḥ
tasmādabhyarcayennityamādityaṃ śivarūpiṇam

155.7

dharmakāmārthamuktyarthaṃ manasā karmaṇā girā
ṛṣaya ūcuḥ
romaharṣaṇa ! sarvajña ! sarvaśāstrabhṛtāṃ vara !

155.8

vyāsaśiṣya ! mahābhāga ! vāṅmayaṃ vada sāmpratam
śivena devadevena bhaktānāṃ hitakāmyayā

155.6-2

vedāt ṣaḍaṅgāduddhṛtya sāṃkhyayogācca sarvataḥ
tapaśca vipulaṃ taptvā devadānavaduścaram

155.10

arthadeśādisaṃyuktaṃ gūḍhamajñānaninditam
varṇāśramakṛtairdharmairviparītaṃ kvacit samam

155.11

śivena kathitaṃ śāstraṃ dharmakāmārthamuktaye
śatakoṭipramāṇeṇa tatra pūjā kathaṃ vibhoḥ

155.12

jñānayogādayo vāpi śrotuṃ kautūhalaṃ hi naḥ
sūta uvāca
purā sanatkumāreṇa merupṛṣṭhe suśobhane

155.13

pṛṣṭo nandīśvaro devaḥ śailādiḥ śivasammataḥ
pṛṣṭo'yaṃ pratipattyai ka munimukhyaiśca sarvataḥ

155.14

tasmai sanatkumārāya nandinā kulamandinā
kathitaṃ yacchivajñānaṃ śṭaṇvantu munipuṅgavāḥ !

155.15

śaivaṃ saṃkṣipya vedoktaṃ śivena paribhāṣitam
śrutinindādirahitaṃ sadyaḥ pratyayakārakam

155.16

guruprasādajaṃ divyamanāyāsena muktidam
sanatkumāra uvāca
bhagavan ! sarvabhūtaśa ! nandīśvara ! maheśvara !

155.17

kathaṃ pūjādayaḥ śambhordharmmakāmārthamuktaye
vaktumarhasi śailāde ! vinayenāgatāya me

155.18

sūta uvāca
sampraicchadbhagavān nandī niśamya vacanaṃ punaḥ
śāstravidyādhikārādyamavadadvadatāṃ varaḥ

155.18-2

śailādiruvāca
gurutaḥ prāptatattvaivamadhikāraṃ bravīmyaham
gauravādeva saṃjñaiṣā śivācāryyasya nānyathā

155.20

svayamācarate yastu ācāre sthāpayatyapi
ācinoti ca śāstrārthānnācāryyastena cocyate

155.21

tasmāddevādyetattvajñamācāryyaṃ bhakṣaśāyinam
gurumantre bhaved bhaktaḥ subhagaṃ priyadarśanam

155.22

pratipannaṃ janāndaṃ śrutismṛtipathānugam
vidyayābhayadātāraṃ śokhacāpasyavarjitam

155.23

ācārapālakaṃ dhīraṃ samayeṣu kṛtāspadam
taṃ dṛṣṭvā sarvabhāvena pūjayecchivavadgurum

155.24

ātmanā ca dhanenaiva śraddhāvittānusārataḥ
tāvadārādhayecchiṣyaḥ prasanno'sau yathā bhavet

155.25

suprasanne mahābhāge sadyaḥ pāśakṣayo bhavet
gururmānyo guruḥ pūjyo gurureva sadāśivaḥ

155.26

saṃvatsaratrayaṃ vātha śiṣyān viprān parīkṣayet
prāṇadravyapradānena ādeśaiśca itastataḥ

155.27

uttamañcādhame yojyo nīca uttamavastuṣu
ākṛṣṭāstār̤itā vāpi ye viṣādaṃ na yānti vai

155.28

te yogyāḥ śivadharmiṣṭhāḥ śivadharmaparāyaṇāḥ
saṃyatā dharmasampannāḥ śrutismṛtipathānugāḥ

155.26-2

sarvadvandvasahā dhīrā nityamudyuktacetasaḥ
paropakāraniratā guruśuśrūṣaṇe ratāḥ

155.30

ārjavā mārdavāḥ svasthā anukūlāḥ priyaṃvadāḥ
amānino buddhimantastyaktasparddhā gataspṛhāḥ

155.31

śaucācāraguṇopetā dambhamātsaryavarjitāḥ
yogyā evaṃ dvijāḥ sarve śivabhaktiparāyaṇāḥ

155.32

evaṃ vṛttasamopetā vāṅmanaḥkāyakarmabhiḥ
śoṣyā evaṃvidhāścaiva tattvānāñca viśuddhaye

155.33

śuddho vinayasampanno mithyākaṭukavarjitaḥ
gurvājñāpālakaścaiva śiṣyo'nugrahamarhati

155.34

guruśca śāstravit prājñastapasvī janavatsalaḥ
lokācārarato hyevaṃ tattvavijjñeyajaḥ smṛtaḥ

155.35

sarvalakṣaṇasampannaḥ sarvaśāstraviśāradaḥ
sarvopāyavidhānajñastattvahīnasya niṣphalam

155.36

svasaṃvedye pare tattve niścayau yasya nātmani
ātmano'nugraho nāsti parasyānugrahaḥ katham

155.37

prabuddhastu dvijo yastu sa śuddhaḥ sādhayatyapi
tattvahīne kuto bodhaḥ kuto hyātmaparigrahaḥ

155.38

parigrahavinirmuktāste sarve paśavoditāḥ
paśubhiḥ preritā ye tu sarve te paśavaḥ smṛtāḥ

155.39

tasmāttattvavido ye tu te muktā mocayantyapi
saṃvittijananaṃ tattvaṃ parānandasamudbhavam

155.40

tattvantu viditaṃ yena sa evānandadarśakaḥ
na punarnāmamātreṇa saṃvittirahitastu yaḥ

155.41

anyo'nyaṃ tārayennaiva kiṃ śilā tārayecchilām
yeṣāṃ tannāmamātreṇa muktirvai nāmamātrikā

155.42

yogināṃ darśanādvāpi sparśanādbhāṣaṇādapi
sadyaḥ sañjāyate cājñā pāśopakṣayakāriṇī

155.43

athavā yogamārgeṇa śiṣyadehaṃ praviśya ca
bodhayedeva yogena sarvatattvāni śodhya ca

155.44

ṣaḍarddhaśuddhirvihitā jñānayogena yoginām
śiṣyaṃ parīkṣya dharmajñaṃ dhārmikaṃ vedapāragam

155.45

brāhmaṇaṃ kṣatriyaṃ vaiśyaṃ bahudoṣavivarjitam
jñānena jñeyamālokya karṇāt karṇagatena tu

155.46

dīpāddīpo yathā cānyaḥ sañcaredvidhivad guruḥ
bhauvanañca padañcaiva varṇākhyaṃ mantramuttamam

155.47

kālādhvaraṃ mahābhāga ! tattvākhyaṃ sarvasammatam
bhidyate yasya sāmarthyādānnāmāneka samaṃtaḥ

155.48

tasya siddhiśca muktiśca gurukāruṇyasambhavā
pṛthivyādīni bhūtāni prāviśanti ca bhauvane

155.46-2

śabdasparśastathā rūpaṃ raso gandhaśca bhāvataḥ
padaṃ varṇātmakaṃ vipra ! buddhīndriyavikalpanam

155.50

karmendriyāṇi mātraṃ hi mano buddhirataḥ param
ahaṅkāramathāvyaktaṃ kālākṣaramiti smṛtam

155.51

puruṣādiviriñcāntamunmanatvaṃ parātparam
tatheśatvamiti proktaṃ sarvatastvārthabodhakam

155.52

ayogī naiva jānāti tattvaśuddhiṃ śivātmikām

155.20-2

[!]ādi mahāpurāṇe śrīlaiṅge uttarārddha viṃśo'dhyāyaḥ

Linked texts (9)