Linga 156
Liṅga 156
- Language
- Sanskrit
Contents
- 156.83 — 1 part
156.1
ekaviṃśatitamo'dhyāyaḥ
sūta uvāca
parīkṣya bhūmiṃ vidhivad gandhavarṇarasādibhiḥ
alaṅkṛtya vitānādyai rīśvarāvāhanakṣamām
156.2
ekahastapramāṇena maṇḍalaṃ parikalpayet
ālikheta kamalaṃ madhye padmadalasamanvitam
156.3
cūrṇairaṣṭadalaṃ vṛttaṃ sitaṃ vā raktameva ca
parivāreṇa saṃyuktaṃ bahuśobhāsamanvitam
156.4
āvāhya karṇikāyāntu śivaṃ paramakāraṇam
arcayet sarvvayatnena yathā vibhavavistaram
156.5
daleṣu siddhayaḥ proktāḥ karṇikāyāṃ mahāmune !
vairāgyajñānanālañca dharmakandaṃ manoramam
156.6
vāmā jyeṣṭhā ca raudrī ca kālī vikaraṇī tathā
balavikaraṇī caiva balapramathino kramāt
156.7
sarvvabhūtasya damanī kesareṣu ca śaktayaḥ
manonmanī mahāmāyā karṇikāyāṃ śivāsane
156.8
vāmadevādibhiḥ sārddhaṃ dvandvanyāyena vinyaset
manonmanaṃ mahādevaṃ manonmanyātha madhyataḥ
156.9
sūryyasomāgnisambandhāt praṇavākhyaṃ śivātmakam
puruṣaṃ vinyasedbhaktaṃ pūrve patre raviprabham
156.10
aghoraṃ dakṣiṇe patre naulāñjanacayopamam
uttare vāmadevākhyaṃ javākusumasaṃnnibham
156.11
sadyaḥ paścimapatre tu gokṣīradhavalaṃ nyaset
īśānaṃ karṇikāyāntu śuddhasphaṭikasannibham
156.12
candramaṇḍalasaṅkāśaṃ hṛdayāyeti mantrataḥ
bāhyaye rudradigbhāge śirase dhūmravarcase
156.13
śikhāyaiva namaśceti raktābhe nairṛte dale
kavacāyāñjanābhāya iti vāyudale nyaset
156.14
astrāyāgniśikhābhāya iti dikṣu pravinyaset
netrebhyaśceti ceśānyāṃ piṅgalebhyaḥ pravinyaset
156.15
śivaṃ sadāśivaṃ devaṃ maheśvaramataḥ param
rudraṃ viṣṇuṃ viriñciñca sṛṣṭinyāyena bhāvayet
156.16
śivāya rudrarūpāya śāntyatītāya śambhave
śāntāya śāntadetyāya namaścandramase tathā
156.17
vidyāya vidyādhārāya bahnaye bahnivarcase
kālāyai ca pratiṣṭhāyai tārakāyāntakāya ca
156.18
nivṛttyai dhanadevāya dhārāyai dhāraṇāya ca
mantrairetairmahābhūtavigrahañca sadāśivam
156.16-2
īśānamakuṭaṃ devaṃ puruṣākhyaṃ purātanam
aghorahṛdayaṃ dṛṣṭaṃ vāmaguhyaṃ maheśvaram
156.20
sadyamūrttiṃ smareddevaṃ sadasadvyaktikāraṇam
pañcavaktaṃ daśabhujamaṣṭatriṃśatkalāmayam
156.21
sadyamaṣṭaprakāreṇa prabhidya ca kalāmayam
vāmaṃ trayodaśavidhairvibhidya vitataṃ prabhum
156.22
aghoramaṣṭadhā kṛtvā kalārūpeṇa saṃsthitam
puruṣañca caturdhā vai vibhajya ca kalāmayam
156.23
īśānaṃ pañcadhā kṛtvā pañcamūrtyā vyavasthitam
haṃsa haṃseti mantreṇa śivabhaktyā samanvitam
156.24
oṅkāramātramoṅkāramakāraṃ samarūpiṇam
ā ī u e tathā śabdānukrameṇātmarūpiṇam
156.25
pradhānasahitaṃ devaṃ pralayotpattivarjitam
aṇoraṇīyāṃsamajaṃ mahato'pi mahattamam
156.26
ūrddharetasamīśānaṃ virūpākṣamupāpatim
sahasraśirasaṃ devaṃ sahasrākṣaṃ sanātanam
156.27
sahasrahastacaraṇaṃ gārhasthyaṃ grāhyavigraham
khadyotasaṅkaśākāraṃ candrarekhākṛtiṃ prabhum
156.28
dvādaśānte bhruvormadhye tālumadhye gale kramāt
hṛddeśe'vasthitaṃ devaṃ svānandamamṛtaṃ śivama
156.26-2
vidyuddalavasaṅkāśaṃ vidyutkoṭisamaprabham
śyāmaṃ raktaṃ kalākāraṃ śaktitrayakṛtāsanama
156.30
sadāśivaṃ smareddevaṃ tattvatrayasamanvitam
vidyāmūrttimayaṃ devaṃ pūjayecca yathākramāt
156.31
lokapālāṃstathāstreṇa pūrvvādīn pūjayet pṛthak
caruñca vidhināsādya śivāya vinivedayet
156.32
arddha śivāya datvai va śeṣārddhena tu homayet
aghoreṇāya śiṣyāya dāpayed bhoktumuttamama
156.33
upaspṛśya śucirbhūtvā puruṣaṃ vidhinā yajet
pañcagavyaṃ tataḥ prāśya īśānenābhimantritam
156.34
vāmadevena bhasmāṅgo bhasmanoddhūlayet kramāt
karṇayosa japeddevīṃ gāyatrīṃ rudradevatām
156.35
sasruvaṃ sapidhānañca vastrayugmena veṣṭitam
tatpūrvaṃ hemaratnoghairvāsitaṃ vai hiraṇmayam
156.36
kalaśān vinyaset pañca pañcabhirbrāhmaṇāaistataḥ
homañca caruṇā kuryyādyathā vibhavavistaram
156.37
śiṣyañca vāsayedbhaktaṃ dakṣiṇe maṇḍalasya tu
darbhaśayyāṃsamārūḍhaṃ śivadhyānaparāyaṇam
156.38
aghoreṇa yathā nyāyamaṣṭottaraśataṃ punaḥ
ghṛtena hutvā duḥsvapnaṃ prabhāte śodhayenmalam
156.38-2
evañcopoṣitaṃ śiṣyaṃ prātaḥ saṃsnāpayetpunaḥ
navavastrottarīyaṃśca soṣṇīṣañcatamaṅgasam
156.40
dukūlenārtha vastreṇa netrābadhvā praveśayet
suvarṇaṃ puṣpasammiśnaṃ yathā vibhavavistaram
156.41
īśānena ca mantreṇa kuryyāt puṣpāñjaliṃ prabhoḥ
pradakṣiṇatrayaṃ kṛtvā rudrādhyāyena vā punaḥ
156.42
kevalaṃ praṇavenātha śivadhyānaparāyaṇaḥ
dhyātvā tu devadeveśamogrāni saṃkṣipet svayam
156.43
yasmin mantre patet puṣpa' tanmantrastasya siddhyati
śivāmbhasā tu saṃspṛśya aghoreṇa ca bhasmanā
156.44
śiṣyamūrddhani vinyasya gandhādyaiḥ śiṣyamarcayet
vāruṇaṃ paramaṃ śreṣṭhaṃ dvāraṃ vai sarvvavarṇinām
156.45
kṣatriyāṇāṃ viśeṣeṇa dvāraṃ vai paścimaṃ smṛtam
netrāvaraṇamunmucya maṇḍalaṃ darśayettataḥ
156.46
kuśāsane tu saṃsthāpya dakṣiṇā mūrttimāśritaḥ
tattvaśuddhiṃ tataḥ kuryyātpañcatattvaprakārataḥ
156.47
nivṛttyā rudraparyyantamaṇḍamaṇḍodbhavātmaja !
pratiṣṭhayā tadūrddhaśca yāvadavyaktagocaram
156.48
viśveśvarāntaṃ vai vidyā' kalāmātreṇa suvrata !
tadūrddhamārgaṃ saṃśodhya śivabhaktyā śivaṃ nayet
156.46-2
samarcanāya tattvasya tasya bhogeśvarasya vai
tattvatrayaprabhedena caturbhiruta vā tathā
156.50
homayedaṅgamantreṇa ājyatautaṃ sadāśivam
sragvādibhistu saṃsmṛtya' taṃ caturbhiḥ śāstayā pṛthak
156.51
prāvyunmītaṃ muniśreṣṭha ! īśāmitrāya vā punaḥ
pratyekamaṣṭottaraśataṃ digā homantu kārayet
156.52
īśānyāṃ pañcamenātha pradhānaṃ parigīyate
samidājyacarūn lājān sarṣapāṃśca yavāṃstilān
156.53
dravyāṇi sapta hotavyaṃ svāhāntaṃ praṇavādikam
teṣāṃ pūrṇāhutirvipra | īśānena vidhīyate
156.54
sahasrena yathānyāyaṃ praṇavādye na sannata !
aghoreṇa ca mantreṇa prāyaścittaṃ vidhīyate
156.55
jayādiṣṭiṣṭaparyyantamagnikāryyaṃ krameṇa tu
guṇasaṃkhyāprakāreṇa pradhānena ca yojayet
156.56
bhūtāni brahmabhirvāpi monau bījādibhistathā
atha pradhānamāte ṇa prāṇāpānau niyamya ca
156.57
ṣaṣṭhena bhedayedātmapraṇavāntaṃ kulākulam
anyo'nyamupasaṃhṛtya brahmāṇaṃ keśavaṃ haram
156.58
rudre rudraṃ tamognāne śive devaṃ maheśvaram
tasmāt sṛṣṭiprakāreṇa bhāvayed bhavanāśanam
156.56-2
sthāpyātmānamamuṃ jīvaṃ tār̤anaṃ dvāradarśanam
dīpanaṃ grahaṇañcaiva bandhanaṃ pūjayā saha
156.60
amṛtīkaraṇañcai va kārayedvidhipūrvakam
ṣaṣṭhāntaṃ sadyasaṃyuktaṃ tṛtīyena samanvitan
156.61
ṣaḍantaṃ saṃhatiḥ proktā pañcabhūtaprakārataḥ
sadyādya ṣaṣṭhasahitaṃ śikhāntaṃ saptadantakam
156.62
tāḍanaṃ kathitaṃ dvāraṃ tattvānāmati yogibhiḥ
pradhānaṃ sampuṭīkṛtya tṛtīyena ca dīpanam
156.63
ādyena sampu ṭīkṛtya pradhānaṃ grahaṇaṃ kṛtam
pradhānaṃ prathamenaiva sampuṭīkṛtya pūrvavat
156.64
bandhanaṃ paripūrṇena plāvamaddāmṛtena ca
śāntyatītā tataḥ śāntirvidyānāma kalāmalā
156.65
pratiṣṭhā ca nivṛttiśca kalāsaṃkramaṇaṃ smṛtā
tattvavarṇakalāyuktaṃ bhuvanena yathākramam
156.66
mantraiḥ pādaiḥ srava kuryyādviśodhya ca yathāvidhi
ādyena yonibījena kalpayitvā ca pūrvavat
156.67
pūjāsamprokṣaṇaṃ viddhi tāḍanaṃ haraṇaṃ tathā
saṃhatasya ca saṃyogaṃ viśleṣañca yathākramam
156.68
arcanā ca tathā garbhadhāraṇaṃ jananaṃ punaḥ
adhikāro bhavedjñānorlayaścaiva viśeṣataḥ
156.66-2
uttamādyaṃ tathānyena yonibījena suvrata !
uddhāre prokṣaṇe caiva tāḍane ca mahāmune !
156.70
aghoreṇa phaḍantena saṃsṛtiśca na saṃśayaḥ
pratitattvaṃ kramo hyeṣa yogamārgeṇa suvrata !
156.71
sṛṣṭyā caiva yāvacca tāvatkālaṃ nayet kramāt
viṣuveṇa tu yogena nivṛttyādiśivāntikam
156.72
ekatra samatāṃ yāti nānyathā tu pṛthak pṛthak
nāsāgre dvādaśāntena ṣaṣṭhena saha yoginām
156.73
gantavyamiti viprendra ! devadevasya śāsanam
hemarājatatāmrāyairvidhinā kalpitena ca
156.74
sakūrcena savastreṇa tantunā veṣṭitena ca
toyāmbu pūritenaiva ratnagarbhaṇa suvrata !
156.75
saṃhitāmantritenaiva rudrādhyāyastu tena ca
secayecca tataḥ śiṣyaṃ śivabhaktaśca kāñcitam
156.76
so'pi śiṣyaḥ śivasyāgre guroragre ca sādaraḥ
vahneśca dīkṣāṃ kurvīta dīkṣitaśca tathā caret
156.77
varaṃ prāṇaparityāgacchedane śiraso'pi vā
natvanabhyarcya bhuñjīyād bhagavantaṃ sadāśivam
156.78
evaṃ dīkṣā prakarttavyā pūjā caiva yathākramam
trikālamekakālaṃ vā pūjayet parameśvaram
156.76-2
agnihotrañca vedāśca yajñāśca bahudakṣiṇāḥ
śivaliṅgārcanasyaite kalāgrenāpi no samāḥ
156.80
sadā yajati yajñena sadā dānaṃ prayacchati
sadā ca vāyubhakṣaśca sakṛdyo'bhyarcayet śivam
156.81
ekakālaṃ dvikālaṃ vā trikālaṃ nityameva vā
ye'rcayanti mahādevaṃ te rudrā nātra saṃśayaḥ
156.82
nārudrastu spṛśedūdraṃ nārudro rudramarcayet
nārudraḥ kīrttayedrudraṃ nārudro rudramāpnuyāt
156.83
evaṃ saṅgepataḥ prokto hyadhikārividhikramaḥ
śivārcanārthaṃ dharmārthakāmamokṣaphalapradaḥ
156.83.p1
ityādi mahāpurāṇe śrīlaiṅge uttarārddhe dīkṣāvidhirnāmaikaviṃśatitamo'dhyāyaḥ || 21
Linked texts (1)
- Liṅgapurāṇa — Vyāsa, Sanskrit