Linga 157
Liṅga 157
- Language
- Sanskrit
Contents
- 157.85 — 1 part
157.1
dvāviṃśatitamo'dhyāyaḥ
śailādiruvāca
snānayāgādikarmāṇi kṛtvā vai bhāskarasya ca
śivasnānaṃ tataḥ kuryādva bhaktāsnānaṃ śivārthanam
157.2
ṣaṣṭhena mṛdamādāya bhaktyā bhūmau nyasenmṛdam
dvitīyena tathābhyukṣya tṛtīyena ca śodhayet
157.3
caturthenaiva vibhajen malamekena śodhayet
strātvā ṣaṣṭhena taccheṣaṃ mṛdaṃ hastagatāṃ punaḥ
157.4
tridhā vibhajya sarvvañca caturbhirmmadhyamaṃ punaḥ
ṣaṣṭhena saptavārāṇi vāmaṃ mūlena cālabhet
daśavārañca ṣaṣṭhena diśāṃ bandhaḥ prakīrttitaḥ
157.5
vāmena tīrthaṃ savyena śarīramanulipya ca
strātvā sarvaiḥ smaran bhānumabhiṣekaṃ samācaret
157.6
śṛṅgeṇa parṇapuṭakaiḥ pālāśena dalena vā
saurairebhiśca vividhaiḥ sarvvasiddhikaraiḥ śubhaiḥ
157.7
saurāriṇa ca pravakṣyāmi bāṣkalodyāni suvrata !
aṅgāni sarvvadeveṣu sārabhūtāni sarvvataḥ
157.8
oṃ bhūḥ oṃ bhuvaḥ oṃ svaḥ oṃ mahaḥ oṃ
janaḥ oṃ tapaḥ oṃ satyaṃ oṃ ṛtaṃ oṃ brahma
navākṣaramayaṃ mantraṃ bāṣkalaṃ parikīrttitam
na carantoti lokāni ṛtamakṣaramucyate
satyamakṣaramityuktaṃ praṇavādinamo'ntakam
157.9
o bhūrbhuvaḥ svaḥ tat saviturvareṇyaṃ bhargo devasya dhīmahi
dhiyoyo naḥ pracodayāt o
namaḥ sūryāya khakholkāya namaḥ
157.10
mūlamantramimaṃ proktaṃ bhāskarasya mahātmanaḥ
navākṣareṇa doptāsya' mūlamantreṇa bhāskaram
157.11
pūjayedaṅgamantrāṇi kathayāmi yathākramam
vedādibhiḥ prabhūtādyaṃ praṇavena ca madhyamam
157.12
o bhūḥ brahmahṛdayāya o bhuvaḥ viṣṇuśirase o svaḥ rudraḥśikhāyai o bhūrbhuvaḥ svaḥ jvālāmālino śikhāya o
mahaḥ maheśvarāya kavacāya o janaḥ śivāya netrebhyaḥ
āṃ tapaḥ tāpakāya astrāya phaṭa
mantrāṇi kathitānyavaṃ saurāṇi vividhāni ca
etaiḥ śṛṅgādibhiḥ pātraiḥ khātmānamabhiṣecayet
157.13
tāmrakumbhe na vā vipraḥ kṣatriyo vaiśya eva ca
sakuśena sapuṣye ṇa mantraiḥ sarvaiḥ samāhitaḥ
157.14
raktavastraparīdhānaḥ khācāmedvidhipūrvakam
sūryyaśceti divārātrau cāgniśceti dvijottama !
157.15
āpaḥ punantu madhyāhne mantrā camanamucyate
ṣaṣṭhe na śuddhiṃ kṛtvaivaṃ japedācamanuttamam
157.16
vauṣaḍantaṃ tathā mūlaṃ navākṣaramanuttamam
karaśākhāṃ tathāṅguṣṭhamadhyamānāmikāṃ nyaset
157.17
tale ca tarjanyaṅguṣṭhaṃ muṣṭibhāgāni vinyaset
navākṣaramaya dehaṃ kalāṅgairapi pāvitam
157.18
sūryo'hamiti sañcintya mantrairetai ryathākramam
vāmahastagatairaṅgirgarvvasiddhārthakānvitaiḥ
157.19
kuśapuñje na cābhyukṣya mūlāgrairaṣṭadhā sthitaiḥ
āpohiṣṭhādibhiścaiva śeṣamāghrāya vai jalam
157.20
vāmanāsāpuṭenaiva dehe sambhāvayecchivam
ardhyamādāya dehasthaṃ savyanāsāpuṭena ca
157.21
kṛṣṇavarṇena bāhyasthaṃ bhāvayecca śilāgatam
tarpayet sarvvadevebhya ṛṣibhyaśca viśeṣataḥ
157.22
bhūtebhyaśca pitṛbhyaśca vidhināghyaṃñca dāpayet
vyāpinīñca parāṃ jyotstrāṃ sandhyāṃ samyagupāsayet
157.23
prātarmadhyāhnasāyāhne arghyañcaiva nivedayet
raktacandanatoyena hastamātreṇa maṇḍalam
157.24
suvṛttaṃ kalpayet bhūmau prārthayeta dvijottamāḥ
prāṅmukhastāmrapātrañca sagandhaṃ prasthapūritam
157.25
pūrayet gandhatoyena raktacandanena ca
raktapuṣpaistilaiścaiva kuśākṣatasamanvitaiḥ
157.26
dūrvvāpāmārgagavyena kevalena ghṛtena ca
āpūrthya mūlamantreṇa navākṣaramayena ca
jānubhyāṃ dharaṇīṃ gatvā devadevaṃ namasya ca
157.27
kṛtvā śirasi tat pātramarghyaṃ mūlena dāpayet
aśvamedhāyutaṃ kṛtvā yat phalaṃ parikīrttitam
157.28
tat phalaṃ labhate datvā saurārghyaṃ sarvvasammatam
ityevārghyaṃ yajet bhaktyā devadevaṃ triyambakam
157.26-2
athavā bhāskarasyeṣṭā pāgneya snānamācaret
pūrvvavadve śivasnānaṃ mantramātreṇa bheditam
157.30
dantadhāvanapūrvvañca snānaṃ saurañca śāṅkaram
vighneśaṃ varuṇañcaiva guruṃ tīrthe samarcayet
157.31
badhvā padmāsanaṃ tīrthe tathā tīrthaṃ samarcayet
tīrthaṃ sṛṣṭvā vidhinā pūjāsthānaṃ praviśya ca
157.32
mārgeṇārghyapavitreṇa tadākramya ca pādukam
pūrvvavat karavinyāsaṃ dehavinyāsamācaret
157.33
arghyasya sādanañcaiva samāsāt parikīrtitam
badhvā padmāsanaṃ yogo prāṇāyāmaṃ samabhyaset
157.34
raktapuṣpāṇi saṃgṛhya kamakṣādyāni bhāvayet
ātmano dakṣiṇe sthāpya jalabhāṇḍañca vāmataḥ
157.35
tāmrapātrāṇi saurāṇi sarvvakāmārtha siddhaye
arghyapātraṃ samādāya prakṣālya ca yathāvidhi
157.36
pūrvoktenāmbhasā sārddhaṃ jalabhāṇḍe tathaiva ca
astrodakena caivārghyamarghyadravyasamanvitam
157.37
saṃhitāmantritaṃ kṛtvā saṃpūjya prathamena ca
turīyeṇāvaguṇṭhyaiva sthāpayedātmanopari
157.38
pādyamācamanīyañca gandhapuṣpasamanvitam
ambhasā śodhite pātre sthāpayet pūrvvavat pṛthak
saṃhitāścaiva vinyasya kavacenāvaguṇṭhya ca
157.39
arghyāmbunā samabhyukṣya dravyāṇi ca viśeṣataḥ
ādityañca japeddevaṃ sarvvadevamamaṅgalam
157.40
ādityo vai tanma ūrjā balaṃ yaśo vivarddhati
ityādinā namaskṛtya kalpayedāsanaṃ prabhoḥ
157.41
prabhūtaṃ vimalaṃ sāramārādhyaṃ paramaṃ sukham
āgneyādiṣu koṇeṣu madhyamāntaṃ hṛdā nyaset
157.42
aṅgaṃ pravimyaseccaiva bojamaṅkarameva ca
nālaṃ suṣirasaṃyuktaṃ sūcakaṇṭakasaṃyutam
157.43
dalaṃ dalāgraṃ suśvetaṃ hemābhaṃ raktameva ca
karṇikākesaroṣetaṃ doptādyaiḥ śaktibhirvṛtam
157.44
dīptā sūkṣmā jayā bhadrā vibhūtirvimalā kramāt
amoghā vikratā caiva doptādyāyāṣṭaśaktayaḥ
157.45
bhāskarābhimukhāḥ sarvāḥ kṛtāñjalipuṭāḥ śubhāḥ
athavā padma hastā vā sarvābharaṇabhūṣitāḥ
157.46
madhyato varadāṃ devoṃ sthāpayet sarvvato mukhīm
āvāhayettato devoṃ bhāskaraṃ parameśvaram
157.47
navākṣareṇa mantreṇa bāṣkaloktena bhāskaram
āvāhanañca sānnidhyamanenaiva vidhīyate
157.48
mudrā ca padmamudrākhyā bhāskarasya mahātmanaḥ
mūlenāyaṃ tato dadyāt pādyamācamanaṃ pṛthak
157.48-2
punarardhya pradānena bāṣkalena yathāvidhi
raktapadmāni puṣpāṇi raktacandanameva ca
157.50
dīpadhūpādinaivedyaṃ mukhavāsādireva ca
tāmbūlavarttidīpādyaṃ bāṣkalena vidhīyate
157.51
āgneyyāñca tathaiśānyāṃ naiṛtyāṃ vāyugocare
pūrvvasyāṃ paścime caiva ṣaṭprakāraṃ vidhīyate
157.52
nevāntaṃ vidhinābhyarcya praṇavādinamo'ntakam
karṇikāyāṃ pravindhasya rūpakadhyānamācaret
157.53
sarvve vidyutprabhāḥ śāntā raudramastraṃ prakīrttitam
daṃṣṭrākarālavadanaṃ hyaṣṭamūttiṃ bhayaṅkaram
157.54
varadaṃ dakṣiṇaṃ hastaṃ vāmaṃ padmavibhūṣitam
sarvvābharaṇasampannā raktāsraganulepanāḥ
157.55
raktāmbaradharāḥ sarvvā mūrtta yastasya saṃsthitāḥ
samaṇḍalo mahādevaḥ sindū rāruṇavigrahaḥ
157.56
padmahasto mṛtāsyaśca dvihastanayanaḥ prabhuḥ
raktābharaṇasaṃyukto raktāsraganulepanaḥ
157.57
ityaṃ rūpadharaṃ dhyāyed bhāskaraṃ bhuvaneśvaram
padmabāhye śubhañcātra maṇḍaleṣu samantataḥ
157.58
somamaṅgārakañcaiva budhaṃ buddhimatāṃ varam
bṛhaspatiṃ mahadbuddhiṃ rudraputrañca bhārgavam
157.58-2
śanaiśvaraṃ tathā rāhuṃ ketuṃ dhūmraṃ prakīrttitam
sarvve dvinetrā dvibhujā rāhussorhaśaroraṣṭak
157.60
vivṛttāsyo'ñjaliṃ kṛtvā bhukuṭokuṭilekṣaṇaḥ
śanaiśvaraśca daṃṣṭrāsyo varadābhayahastaṣṭak
157.61
svaiḥ svairbhāvaiḥ svanāmnā ca praṇavādinamo'ntakam
pūjanīyā prayatnena dharmakāmārthasiddhaye
157.62
sapta sapta gaṇāṃścai va bahirdevasya pūjayet
ṛṣayo devagandharvvāḥ pannagāpsarasāṃ gaṇāḥ
157.63
grāmaṇyo yātudhānāśca tathā yakṣāśca mukhyataḥ
saptāśvān pūjayedagre saptacchandomayān vibhoḥ
157.64
bālakhilyagaṇañcaiva nirmātyagrahaṇa vibhoḥ
pūjayedāsanaṃ mūteṃdevatāmapi pūjayet
157.65
ardhyañca dāpayetteṣāṃ pṛthageva vidhānataḥ
āvāhane ca pūjānte teṣāmudvāsane tathā
157.66
sahasraṃ vā tadaddhaṃ vā śatamaṣṭottarantu vā
vāṣkaleśca japedagre daśāṃśena ca yojayet
157.67
kuṇḍañca paścime kuryāddattulañcaiva mekhalam
caturaṅgulamānena cotsedhād vistarādapi
157.68
ekahastapramāṇena nitye naimittike tathā
kṛtvāśvatyadalākāraṃ nābhikuṇḍe daśāṅgulam
157.68-2
tadarddhana purastāttu gajoṣṭhasadṛśaṃ smṛtam
galamekāṅgulañcaiva śeṣaṃ dviguṇavistaram
157.70
tatpramāṇena kuṇḍasya tyaktā kurvīta mekhalām
yatnena sādhayitvaiva paścāddhomañca kārayet
157.71
ṣaṣṭhenollekhanaṃ kuryāt prokṣayedvāriṇā punaḥ
āsanaṃ kalpayenmadhye prathamena samāhitaḥ
157.72
prabhāvatīṃ tataḥ śaktimādyeneva tu vinyaset
vāṣkaleneva saṃpūjya gandhapuṣpādibhiḥ kramāt
157.73
vāṣkalenaiva mantreṇa kriyāṃ prati yajet pṛthak
mūlamantreṇa vidhinā paścāt pūrṇāhutirbhavet
157.74
kramādeva vidhānena sūryāgnirjanito bhavet
pūrvoktena vidhānena prāguktaṃ kamalaṃ nyaset
157.75
sukhori samabhyarcya pūrvavad bhāskaraṃ prabhum
daśaivāhutayo deyā vāṣkalena mahāmune !
157.76
aṅgānāñca tathaikaikaṃ saṃhitābhiḥ pṛthakpunaḥ
jayādviśiṣṭaparyyantamiṣṭvāprakṣepayennaraḥ
157.77
sāmānyaṃ sarvamārgeṣu pāramparyya krameṇa ca
nivedya devadevāya bhāskarāyāmitātmane
157.78
pūjāhomādikaṃ sarvaṃ datvārdhyyañca pradakṣiṇam
aṅgaiḥ sampūjya saṅkṣipya hṛdyudvāsya namasya ca
157.79
śivapūjāṃ tataḥ kuryyādiṣṭakāmārthasiddhaye
evaṃ saṃkṣepataḥ proktaṃ yajanaṃ bhāskarasya ca
157.80
yaḥ sakṛdvā yajeddevaṃ devadevaṃ jagadgurum
bhāskaraṃ paramātmānaṃ sa yāti paramāṃ gatim
157.81
sarvapāpavinirmuktaḥ sarvapāpavivarjitaḥ
sarvaiśvaryya samāpetaste jasāpratimaśca saḥ
157.82
putrapautrādibhiścaiva bāndhavaiśca samantataḥ
bhuṅkteva vipulām bhogānihaiva dhanadhānyavān
157.83
yānavāhranasampanno bhūṣaṇairvividhairapi
kālaṃ gato'pi sūryeṇa modate kālamakṣayam
157.84
punastasmādihāgatya rājā bhavati dhārmikaḥ
vedavedāṅgasampanno brāhmaṇo vātha jāyate
157.85
punaḥ prāgvāsanāyogāddhārmiko vedapāragaḥ
sūryya meva samabhyarcya sūryyasāyujyamāpnuyāt
157.85.p1
ityādimahāpurāṇe śrīśaive uttarārddhe dvāviṃśitamo'dhyāyaḥ || 22
Linked texts (1)
- Liṅgapurāṇa — Vyāsa, Sanskrit