Linga 16: atha trayodaśo'dhyāyaḥ
Liṅga 16
- Language
- Sanskrit
Contents
- 16.21 — 1 part
atha trayodaśo'dhyāyaḥ
16.1
sūta uvāca
ekatriṃśattamaḥ kalpaḥ pītavāsā iti smṛtaḥ
brahmā yatra mahābhāgaḥ pītavāsā babhūva ha
16.2
dhyāyataḥ putrakāmasya brahmaṇaḥ parameṣṭhinaḥ
prādurbhūto mahātejāḥ kumāraḥ pītavastradhṛk
16.3
pītagandhānuliptāṅgaḥ pītamālyāmbaro yuvā
hemayajñopavītaśca pītoṣṇīṣo mahābhujaḥ
16.4
taṃ dṛṣṭvā dhyānasaṃyukto brahmā lokamaheśvaram
manasā lokadhātāraṃ prapede śaraṇaṃ vibhum
16.5
tato dhyānagatastatra brahmā māheśvarīṃ varām
gāṃ viśvarūpāṃ dadṛśe maheśvaramukhāccutām
16.6
catuṣpadāṃ caturvaktrāṃ caturhastāṃ catuḥstanīm
caturnetrāṃ catuḥśṛṅgīṃ caturdaṃṣṭrāṃ caturmukhīm
16.7
dvātriṃśad guṇasaṃyuktāmīśvarīṃ sarvatomukhīm
sa tāṃ dṛṣṭvā mahātejā mahādevīṃ maheśvarīm
16.8
punarāha mahādevaḥ sarvadevanamaskṛtaḥ
matiḥ smṛtirbuddhiriti gāyamānaḥ punaḥ punaḥ
16.6-2
ehyehīti mahādevi ! sātiṣṭhat prāñjalirvibhum
viśvamāvṛtya yogena jagat sarvaṃ vaśīkuru
16.10
atha tāmāha deveśo rudrāṇī tvaṃ bhaviṣyasi
brāhmaṇānāṃ hitārthāya paramārthā bhaviṣyasi
16.11
tathaināṃ putrakāmasya dhyāyataḥ parameṣṭhinaḥ
pradadau devadeveśaḥ catuṣpātsaṃ jagadguruḥ
16.12
tatastāṃ dhyānayogena viditvā parameśvarīm
brahmā lokaguroḥ so'tha pratipede maheśvarīm
16.13
gāyatrīntu tato raudrīṃ dhyātvā brahmānvayanvitaḥ
ityetāṃ vaidikīṃ vidyāṃ raudrīṃ gāyatrīmīritām
16.14
japitvā tu mahādevī brahmalokanamaskṛtām
prapannastu mahādevaṃ dhyānayuktena cetasā
16.15
tatastasya mahādevo divyayogaṃ bahuśrutam
aiśvaryyaṃ jñānasampattiṃ vairāgyañca dadau prabhuḥ
16.16
tato'sya pārśvato divyāḥ prādurbhūtāḥ kumārakāḥ
pītamālyāmbaradharāḥ pītasraganulepanāḥ
16.17
pītābhoṣṇīṣaśirasaḥ pītāsyāḥ pītamūrddhajāḥ
tato varṣasahasrānta uṣitvā vimalaujasaḥ
16.18
yogātmānastapohlādāḥ brāhmaṇānāṃ hitaiṣiṇaḥ
dharmayogabalopetā munīnāṃ dīrghasattriṇām
16.18-2
upadiśya mahāyogaṃ praviṣṭāste maheśvaram
evametena vidhinā ye prapannā maheśvaram
16.20
anye'pi niyatātmāno dhyānayuktā jitendriyāḥ
te sarve pāpamutsṛjya vimalā brahmavarcasaḥ
16.21
praviśanti mahādevaṃ rudraṃ te tvapunarbhavāḥ
16.21.p1
ityādi mahāpurāṇe śrīlaiṅge tatpuruṣamāhātmyaṃ nāma trayodaśo'dhyāyaḥ || 13
Linked texts (4)
- Liṅgapurāṇa — Vyāsa, Sanskrit
- Vāyupurāṇa — Vyāsa, Sanskrit
- Liṅgapurāṇa — Ativīrarāma Pāṇṭiyar 1500, Sanskrit
- Prakriyāpāda — Sanskrit